اول تیموتائوس 6:18 - کتاب مقدس به زبان لکی - گویش مرکزی

¹⁸ فِربو بیَ بینو گه خوئی بِهَن ئو اِ کارَل خِر دولَمَن بوئن، دس‌ِدلواز ئو دسَ‌خِر بوئن.

اول تیموتائوس 6:18 Iomraidhean Croise

مَتّی 5:42

اَرّ کسی چیتی اَژی بِیتی گه فِرَه ها کَلت‌اِر، بِیتی‌ئون ئو کسی گه اژ تو قَرتَ مِیتی، رُی اَژین اِرنَپِلِنتی.

لوقا 12:21

یَسَ عاقویَت کسی گه اَرِه ووژ مال‌ِمنال جیَمَ مِ، مِنتائای اَرِه خدا ثرودمن نیَ.»

لوقا 3:11

یحیی جوواوا داتی: «اَوَه گه دو کِراس دیری، یَکی بیَ اَوَه گه نِری، ئو اَویشَ گه خوراک دیری باس هُنَ بِهِه.»

کارَل رسولَل 10:38

ئو چطور خدا، عیسیِ ناصری وَه روح‌القدس ئو قدِرت مسح کِردی، هُنَ گه کُل جا مَگیردیا ئو کارَل خاصَ مَهَردی ئو کُل اونَلی گه اِ ژیر ظلم ابلیس بین، شِفا ماتی، اَرِیَگه خداءَ گَرد بیتی.

کارَل رسولَل 11:29

اَسَه شاگردَل قَصو کِرد هر کُم اَخَ گه اژ دَسون اِرَمای، اَرِه بِرالی گه هانِ یهودیه‌اِر یاری کِل‌کَن.

کارَل رسولَل 9:36

اِنوم شیَر یافا شاگردی زِنِه‌یَ مَهَردی گه نُم طابیتا بیتی، گه وَه زوئو یونانیَ موشِن دورکاس گه میَنا آهوئَسی. ایی ژِنَ ووژ وَخمِ کارَل خو ئو دسگیری اژ ژارِلَ مَهَردی.

رومیان 12:13

اِ زفتِ‌رفت هَوَجَه‌ل ایمودارَل مسیح هُم‌بیَر بوئن ئو هُن‌هاوو بوئن.

رومیان 12:8

کسی گه تشویقَ مِهِه، اِنوم تشویق کِردِنی بیَریِ کار؛ کسی گه یاریَ مِ، وَه دسِ‌دلوازی بِهِه؛ کسی گه رَبَریَ مِهِه، وَه خیرَت اَنجوم دِ؛ کسی گه ریَمَ مِهِه، وَه خَوشالیا بِهِه.

اول قرنتیان 16:2

اِ روژ اول هر هفتَه، هرکُم اژ هُمَه اَ چیئَه گه اژ دس اِرَمایتی بِنیِ لا، ئو باوژی‌ِ پِ دس، تاگَه وخدی مام اِرَه تَکتو، اِتیاجی وَه جیَم دائِن پیشکَشیَل ناو.

دوئِم قُرَنتیان 8:12

اَرِیَگه اَرّ شوقی بو، پیشکَشی هر کس مِطابق چیئی گه دیری قبولَ ماو، نه مِطابق چیئی گه نِری.

دوئِم قُرَنتیان 8:9

اَرِیَگه هُمَه اژ فیض خداونمو عیسی مسیح خَوَر دیرینو گه وَه‌یاآگه دولَمَن بی، وَه خاطر هُمَه ژارا بی تاگَه هُمَه وَه ژاری او دولَمَنا بوئینو.

غَلاطیَل 6:10

اِسَه تا وخد دیریم خوئی بِهِیم اَر کُل کس، مصقوصاً اَر ایمودارَل مسیح.

اَفِسُسیَل 4:28

دُز دیَر دُزی نِهِه، بلکِم کار بِهِه، ئو وَه دَسَل ووژ وَه آوِری‌داری کار بِهِه، تاگَه بتونی چیئی بیَ ژارَل.

اول تیموتائوس 5:10

ئو وَه کارَل خو بشتاسِنی، یانی آیلَل خو تربیت کِردوئیتی، هُن‌هاوو بو، پال ایمودارَل مسیح شورئیتی، دردَبارَل یاری دائیتی، ئو ووژ وَخم هر کار خوئی کِردوئیتی.

تیتوس 2:14

گه ووژ کِردیَ خِر ایمَه تاگَه اژ کُلِ جور شرَباری آزادمو کِ، ئو قومی اَرِه ووژ پاک بِهِه گه فَخَد هِن ووژ بوئنی گه اَرِه کارَل خِر خیرَت دیرِن.

تیتوس 3:8

ایی قصَه ماو اِتِمادَ بی کِینی، ئو اژ تونمَ مِ بِجُرّین‌ اَر ایی چیئِلَ، تاگَه کسَلی گه ایمونو آوِردیَس اَر خدا حُواسو بو گه ووژو وَخم کارَل خو بِهَن. ایی چیئِلَ اَرِه مردِم فادَه‌ دیری ئو خوءَ.

عِبرانیَل 13:16

اژ خوئی کِردِن ئو بیَردارا کِردِن کسَلی‌تِر اژ چیئَلی گه دیرینو خافل نوئن، اَرِیَگه هُنَ قُرونیَلی وَه دل خدان.

یعقوب 2:5

بِرال عزیزِم، گوش بِگِرِن! مَر خدا ژارَل ایی دنیاءَ اِنتخاو نَهَردیِ تاگَه اِ ایمو دولَمَن بوئن ئو بوئنَ وارث اَ پاتِشائیَ گه وَدَه داسیَ دوسدارَل ووژ؟

اول پطرس 3:11

باس اژ گَنی دویرا بِگِری ئو خوئی بِهِه؛ وَه مِنِی صُئلا بو ئو بِچوتیَ تُرّا.

اول یوحنا 3:17

مِنتائای اَرّ کسی مالِ‌منال دنیا داشدوئیتی ئو بوئینی گه بِرای میتاجَ، وَه ایی حالا ریَم اَری نِهِیتی، چطور مِحبت خدا لیزَ مَگِری اِنوم هُنَ کسی؟

سِئِم یوحنا 1:11

اِاِ عزیزِم، گَنیَ سرمقش ووژِت نِهَه بلکِم اژ خوئی سرمقشا بِگِر؛ کسی گه خوئیَ مِهِه، اژ خداءَ، آم گَنَ‌کار هرگِس خدا نِئیَسی.