اول تیموتائوس 6:17 - کتاب مقدس به زبان لکی - گویش مرکزی

¹⁷ حکِم بِهِه اَر ثرودمنَل ایی زمونَه گه قُرات نوئن ئو امیدون‌ اَر مال ایی دنیاءَ ناو گه نِمَمینی. بلکِم امیدون‌ اَر خدا بو گه کُل چی چَل‌چَل اَرِه ایمَه تیارِکَ موئینی تا اَژینو لَذت بیَریم.

اول تیموتائوس 6:17 Iomraidhean Croise

مَتّی 12:32

هر کی قصه‌ی اَرضد کُر اِنسو بوشی، بَشخیا ماو مِنتائای هر کی اَرضد روح‌القدس قصَه بِهِه، بَشخیا نِماو، نه اِ ایی زمونَ ئو نه اِ زمونی گه میا بای.

مَتّی 19:23

اَسَه عیسی وِتیَ شاگردَلی: «حخیختاً، موشِم‌ئونتو، فِرَه سخدَ گه آم ثرودمنی بِچوءَ نوم پاتِشائی آسمونا.

مَتّی 25:16

اَوَه گه پنج قَنطار گِرتوئیتی، هِرازِه چی ئو مامِلَه‌ئون کِرد ئو پنج قَنطار هَنی فادَه کِردی.

مَتّی 27:57

باایوارَه، پیا ثرودمنی اژ اَل رامَه، یوسف نُم، گه ووژ شاگرد عیسی بی،

مَتّی 6:32

اَرِیَگه قومَل بِت‌پِرَس هانَ دُم هُنَ چیئَلیکا، مِنتائای باوَه آسمونی هُمَه مَذانی گه کُل یوئنَ هانِ کَلتو.

مَرقُس 10:24

شاگردَل اژ قصَه‌ل عیسی بِلُجوئیو هات. مِنتائای عیسی یِگِلی‌تِر وِتیَ بینو: «اِاِ رولَه‌ل، اِنوم پاتِشائی خدا چیئین، چَنی سخدَ!

لوقا 19:2

اَر اورَه پیا ثرودمنی بی، گه نُم زَکّا بیتی، او رِئیس خِراجگیرَل بی.

لوقا 3:11

یحیی جوواوا داتی: «اَوَه گه دو کِراس دیری، یَکی بیَ اَوَه گه نِری، ئو اَویشَ گه خوراک دیری باس هُنَ بِهِه.»

کارَل رسولَل 14:17

وَه ایی حالا ووژَ بی‌شات نِئیشتی؛ اَرِیَگه خوئیتون اَرِنَ مَهَردی ئو وَه وارونی گه اژ آسمونَ ماوارونی ئو ثمر پِرباری گه اِ فصلَل موئَشخیاتی، دلَلتون اژ خوراک ئو خَوشی پِرا مَهَردی.»

کارَل رسولَل 14:27

هَریَگه رَسین اَر اورَه، کلیسائون اَر دور یَکا جیَم دا ئو اژ چیئَلی گه خدا وَه‌سونگَ اونَل اَنجوم دائیتی، تیَریفون اَرِه کِردِن گه چطور خدا در ایمو واز هُیشتیَسی اَررُی خِرِیهودیَل.

کارَل رسولَل 17:25

هَوَجَه اَر چیئی نیِ گه آمیزاءَ وَه دَسَل ووژ اَرِه دُریس کِیتی، بلکِم ووژ، ژییاین ئو هِناسی ئو کُل چیَ مِئَه کُل بشر.

رومیان 11:20

راسَ موشین. مِنتائای اونِلَ خاطر بی‌ایمونی بِریان ئو تو وَه ایمونَ گه پایارین. اِسَه قُراتی نِهَه بلکِم زِلَت بِچو.

اَفِسُسیَل 5:5

اَرِیَگه زقینتو داشدوئی گه هُیچ آم بی‌عصمت یا ناپاک یا شَوَت‌پِرَس گه هَراَ بِت‌پِرَسیَسَ، اِنوم پاتِشائی مسیح ئو خدا بیَری نِری.

کولُسیَل 3:16

کلوم مسیح وَه دولَمَنیا لیز بِگِری اِنوم هُمَه، وَه تموم حکمت یَکتِری تیَلیم ئو پَن بیَن، اَرِه خدا سروءَل، مزامیر ئو بِیتَلی گه اژ روحِ خداءَ وَه شگِر کِردِن اِ دلَلتو، بحیوَنِن.

اول تِسالونیکیَل 1:9

اَرِیَگه اونَل ووژو اژ یَگه چطور وَه گرمی چینونَسِ گِرد ایمَه اَرِنمونَ موشِن ئو اژ یَگه چطور بِتَلتو ناءِ لا ئو گِلتوناهُارد ویرِ خدا تاگَه خِلمت اژ خداءِ حخیخی ئو زِنی بِهِینو.

اول تیموتائوس 1:3

هَرهُنَ گه وخدی مِهِستِم بِچِم اَرِه مقدونیَه جُرّیام‌‌ اَرینِت، بِمین اِنوم شیَر اَفِسُس تا فِربو بِینَ بِری گه تیَلیم جوراجور نیَن

اول تیموتائوس 3:15

تا اَرّ دیر بی، بِذانین گه اِنوم مال خدا گه کلیسا خداءِ زِنی ئو کول ئو پِ حخیختَ باس چطور رفدار بو.

اول تیموتائوس 4:10

اَرِیَگه ایمَه امیدمو بَسدیَسَ خداءِ زِنی گه نجاددهندَه کُل مردِمَ، مصخوصاً ایمودارَل؛ اَرِیَگه هَر اَرِه یَه زیَمَتَ مَکیشیم ئو تقِلاءَ مِهِیم.

اول تیموتائوس 5:21

اَر تک خدا ئو مسیحْ عیسی ئو فریشدَه‌لی گه دیاری بینَ، سفدِسخد اَمونَتتَ میَمَ بی گه ایی فِربونِلَ بی‌خِرَض رایَت بِهِین ئو هُیچ کاری وَه دوچیَمکی نِهِین.

اول تیموتائوس 6:13

اَرتَک خدای گه زِنِه‌یَ مِئَه کُل چی، ئو اَرتَک مسیحْ عیسی گه اعتراف خو اِنوم شاتی ووژ اِ بِرُوَر پُنتیوس پیلاتُس کِردی، سفدِسخد اَمونَتتَ میَم بی

اول تیموتائوس 6:9

مِنتائای اونَلی گه هانِ تَما ثرودمن بیئِن، مَکُوئِنِ وسوسَه ئو تِلَه هُواوهوسَلی گه پُیچِن ئو ضِرَد دیرِن ئو باعث نابودی ئو هِلاکت مردِمَ موئن.

دوئِم تیموتائوس 4:10

اَرِیَگه دیماس وَه خاطر دوس داشدِن ایی دنیاءَ مِه وِل کِردیِ چیَس اَرِه تِسالونیکی. کْریسکیس چیَس اَرِه غَلاطیَه ئو تیتوس‌یش اَرِه دَلماتیَه.

تیتوس 2:12

ئو یامونَ مِ بی‌دینی ئو هُواوهوس ایی دنیاءَ بنیمِ لا ئو وَه نوا ووژ گِرتِن ئو صالح‌بیئین ئو دینداری اِ ایی زمونَه زِنِه‌ی بِهِیم.

تیتوس 3:6

گه خدا وَه‌سونگَ نجاددهندَه‌مو عیسی مسیح، وَه دولَمَنی روح‌القدس رِشونی‌ اَر سرمون‌اِرا.

دوئِم پطرس 1:11

اَرِیَگه هُنَ، صِلا میَنَ هُمَه گه بِچینون اِنوم پاتِشائی ابدی خداون ئو نجاددهندَه ایمَه عیسی مسیح.