اول تیموتائوس 6:14 - کتاب مقدس به زبان لکی - گویش مرکزی

¹⁴ گه ایی حکمَ تا موقَع ظاهربیئِن خداونمو عیسی مسیح، بی‌عِو ئو بی‌‌لارَ بارین‌َ جا،

اول تیموتائوس 6:14 Iomraidhean Croise

اول قرنتیان 1:8

او تاگَه آخِر، هُمَه پایارَ مِیلی، تا اِ روژ خداونمو عیسی مسیح بی‌عِو بوئینو.

اَفِسُسیَل 5:27

ئو کلیسا اِ اَ جِلال ئو رنگینیَ گه دیری باری اَرِه تک ووژ بی‌هُیچ لکَه ئو لوچی ئو هُنَ چیئَلی، تا کلیسا مقدّس ئو بی‌عِو بو.

فیلیپیَل 1:10

تاگَه بتونینو اَ چیئَه گه اژ کُل خاص‌تِرَ قبول کِینو، ئو تاگَه اَرِه روژ مسیح پاک ئو بی‌عِو بوئینو.

فیلیپیَل 1:6

ئو مِه زقین دیرِم او گه بِنیا کار خوئی اِنوم هُمَه ناتی، اِ روژ گِلاهُاردِن مسیحْ عیسی، کاملَ مِهِیتی.

فیلیپیَل 2:15

تاگَه بی‌عِو ئو بی یَگه تصقیرکار بوئینو، آیلَل بی‌عِو خدا بوئینو، اِنومجا نسِل تور ئو اَژرئی‌اِرهاتی‌ای گه هُمَه اِنومو اِجور نُیر اِنوم ایی دنیاءَ بِریقَه‌تونَ مای.

کولُسیَل 1:22

اِسگَه مسیح وَه‌سونگَ مرگ ووژ اِنوم لار جسمونی ووژ، هُمَه دوسی داسی، تا مقدّس ئو بی‌عِو ئو بی‌هُیچ خِضی باریتون‌ اَرِه تک خدا،

کولُسیَل 4:17

ئو بوشِنَ آرخیپوس: «حُواسِت بو گه خِلمَتی گه اِنوم خداونِت گِرتیَ تمومِ‌کمال اَنجوم دِین.»

اول تِسالونیکیَل 3:13

ئو دلَلتو قرص بِهِه تا اَسَه گه خداون ایمَه عیسی وَه‌گَرد کُل ایمودارَل ووژَ مای، اَرتَک خدا، باوَه آسمونیمو بی‌عِو ئو مقدّس بوئینو.

اول تِسالونیکیَل 5:23

اِسگَه خداءِ صُئل ئو سِلامتی ووژ هُمَه کامل تقدیس بِهِه ئو کُل روح ئو گیون ئو لارتو تا هاتِن خداونمو عیسی مسیح، بی‌عِو پایار بِمینی.

دوئِم تِسالونیکیَل 2:1

اِاِ بِرال، اِبارَه هاتِن خداونمو عیسی مسیح ئو جیَم بیئِنمون اَرتک او، خواهشد اَژینتونَ مِهِیم،

دوئِم تِسالونیکیَل 2:8

اَسَه اَ بی‌دینَ ظاهرَ ماو، گه خداون عیسی وَه حَفار دَم ووژ نابودَ مِهِیتی ئو وَه بِریقَه ظاهربیئِن هاتِن ووژ ریشی اِرَمارِتی.

اول تیموتائوس 6:20

اِاِ تیموتائوس، اَمونتی گه سپارتیاسَ بینِت، حفظ کَ. اژ چِنَه‌ل مِفت ئو کِفِر ئو بَثَلی گه اَرضد یَکِن ئو وَه خِلَطَ موشِنَ بینو شناخت، دویرا بِگِر.

دوئِم تیموتائوس 4:1

اَرتَک خدا ئو مسیحْ عیسی گه اَر مِردیَل ئو زِنیَل داوریَ مِهِه ئو وَه خاطر پاتِشائی ئو ظاهربیئِنی، اَمونَتتَ میَمَ بی

تیتوس 2:13

هَرهُنَ گه چیَمَ‌رئی اَ امید بِمارِکیمَ یانی ظاهربیئِن جِلال خداءِ عظیم ئو نجاددهندَه‌مو عیسی مسیح،

عِبرانیَل 9:14

چَنی ویشتِر، خوین مسیح گه وَه‌سونگَ روحِ ابدی، ووژ بی‌عِو پیشکَش کِردی اَر خدا، وِژدان ایمَه اژ کارَل بی‌ثمر پاکا مِهِه تاگَه خِلمت اژ خداءِ زِنی بِهِیم!

عِبرانیَل 9:28

اِسَه مسیح‌یش گه یِه گِل قُرونی بی تا گنائَل فِرَه کسَل بِگِریِ کول، اَرِه گِل دوئِم ظاهرَ ماو، نه اَرِیَگه گنائَل هیزدِ، بلکِم تاگَه کسَلی گه وَه شوقا چیَمَ‌رئیِنی، نجاد دِ.

اول پطرس 1:19

بلکِم وَه خوین خیمتی مسیح، اِجور خوین وَرکی بی‌عِو ئو بی‌لکَه.

اول پطرس 1:7

تا اصِل بیئین ایمونتو اِنوم اِنتحو ثابت بو ئو موقَع ظاهربیئِن عیسی مسیح باعث ستائشت ئو جِلال ئو افتخار بو، هَراَ ایمونی گه فِرَه خیمتی‌تِر اژ طِلاءَ گه وَه‌یاآگه فانیَ وَه آگِر اِنتحونَ ماو.

دوئِم پطرس 2:21

بیتِر بی گه اژ اول‌اِرا، رئی صالح‌بیئینو نِمَشتاسیا، تا یَگه دُما شناسین، اژ حکِم مقدّسی گه سپارتیائونو، ویر اِربِپِلِنِن.

دوئِم پطرس 3:14

اِسَه اِاِ عزیزَل، اِسگَه گه چیَمَ‌رئی ایی چیئَلینونَ، خو تقِلا بِهَن تا اَرتَک او بی‌لکَه ئو بی‌عِو ئو اِنوم صُئل بوئینو.

دوئِم پطرس 3:2

تا قصَه‌لی گه پِخَمَرَل مقدّس اِ قدیم وِتونَ، بارینونِ ویر ئو هَمیش حکِم خداون ئو نجاددهندَه‌مو گه وَه‌سونگَ رسولَلتو وِتی.

اول یوحنا 3:2

اِاِ عزیزَل، اِسگَه آیلَل خدایمو، مِنتائای اَ چیئَه گه میا بوئیمو حالامی دیار نوئیَ، مِنتائای مَذانیمو وخدی گه او ظاهر بو، موئیمون اِجور او، اَرِیَگه او هَراَ جورَ گه هَس، موئینیمو.

یهودا 1:24

اَر او گه مَتونی هُمَل اژ کَتِن اژ ایمو حفظ بِهِه ئو پِر اژ خَوشی کَلِنگی بی‌عِو باریتون‌ اَرِه درگا جِلال ووژ،

مِکاشفَه 1:7

سِیل کَ، وَه اُرِلَ مای، ئو هَر چیَمی اوءَ موئینی، جُ‌جُ چیَم اونَلی گه نِزِه‌ئو دا اَری؛ ئو کُل طائفَه‌ل زَمی لورَلورَ مَهَنی اَرِه. اَاَ، هُنَ ماو. آمین.