اول تیموتائوس 6:13 - کتاب مقدس به زبان لکی - گویش مرکزی

¹³ اَرتَک خدای گه زِنِه‌یَ مِئَه کُل چی، ئو اَرتَک مسیحْ عیسی گه اعتراف خو اِنوم شاتی ووژ اِ بِرُوَر پُنتیوس پیلاتُس کِردی، سفدِسخد اَمونَتتَ میَم بی

اول تیموتائوس 6:13 Iomraidhean Croise

مَتّی 27:11

اَسَه عیسی هوسیا اَر وَر والی. والی اَژی پِرسی: «آیا تو پاتِشا یهودیَلین؟» عیسی جوواو داتی: «تو ووژِت هُنَتَ وِت!»

مَتّی 27:2

اَسَه اوُنَ دس بُوئنیا بِرد ئو دائونَ گیر پیلاتُس والی.

یوحنا 14:6

عیسی وِتیَ توما: «مِنِم رئی، مِنِم حخیخت، ئو مِنِم ژییاین؛ هُیچ کس نِمای اَرِه تک باوَه مَر وَه‌سونگَ مِنا.

یوحنا 19:11

عیسی وِتَ بی: «هُیچ قدِرت‌واختیاری اَر مِنِت ناآشد، اَرّ اژ بِلِنگ نِماونَ بینِت؛ اَژونَسَ؛ گنا اَوَه گه مِه داءَ گیر تو، فِرَه کَلِنگتِرَ.»

یوحنا 5:21

اَرِیَگه هَراَ جورَ گه باوَه مِردیَل زِنیا مِهِه ئو ژییاینَ موئَشخیَ بینو، کُریش وَه هر کی گه بِیتی، ژییاینَ موئَشخی.

یوحنا 5:26

اَرِیَگه هَراَ جورَ گه باوَه ژییاین اِنوم ووژ دیری، وَه کُریش بَشخیَسی گه ژییاین اِنوم ووژ داشدوئیتی،

کارَل رسولَل 17:25

هَوَجَه اَر چیئی نیِ گه آمیزاءَ وَه دَسَل ووژ اَرِه دُریس کِیتی، بلکِم ووژ، ژییاین ئو هِناسی ئو کُل چیَ مِئَه کُل بشر.

دوئِم قُرَنتیان 9:13

وَه‌سونگَ ایی خِلمتَ، مردِم خدا جِلالَ میَن اَرِه اطاعتی گه اژ اعتراف هُمَه وَه انجیل مسیحَ مای، هَمیش اَرِه دسِ‌دلوازی گه وَه یاری دائِن اَر اونَل ئو کُل مردِم نشونَ مِینو.

غَلاطیَل 3:26

اَرِیَگه اِنوم مسیحْ عیسی، هُمَه کُل وَه‌سونگَ ایمو، کُرَل خدائینو.

اول تیموتائوس 1:12

شگِر خداونمو مسیحْ عیسیَ مَهَم گه قویَت داءَ بینِم ئو مِنَ وفادار ذِناسدی ئو اَرِه خِلمت ووژ اِنتخاو کِردمی.

اول تیموتائوس 1:15

ایی قصَه ماو اِتِمادَ بی کِینی ئو سزاوارَ گه تمومِ‌کمال قبول بو گه مسیحْ عیسی هات اِنوم ایی دنیاءَ تا گناکارَل نجاد دِ، گه مِه اژ کُل اونَل کَلِنگتِرِم.

اول تیموتائوس 2:5

اَرِیَگه فَخَد یِه خدا هَس ئو اِ بِن خدا ئو آمَل فَخَد یِه بَسخَه‌کَر هَس، یانی اَ اِنسونَ گه مسیحْ عیسیَ؛

اول تیموتائوس 5:21

اَر تک خدا ئو مسیحْ عیسی ئو فریشدَه‌لی گه دیاری بینَ، سفدِسخد اَمونَتتَ میَمَ بی گه ایی فِربونِلَ بی‌خِرَض رایَت بِهِین ئو هُیچ کاری وَه دوچیَمکی نِهِین.

اول تیموتائوس 6:12

اِ جنگ خو ایمو، جنگ بِهَه ئو بچسب اَر ژییاین ابدی‌ای گه اَرِه هِنا بینی ئو اَر تک شاتَل فِرِه‌ی اعتراف خوتَ بی کِرد.

مِکاشفَه 1:5

ئو اژ جونِم عیسی مسیح، اَ شات وفادارَ ئو اول کسی گه اژ مِردیَل زِنیا بی، ئو حکِمرون پاتِشائَل رُی زَمی. او گه ایمَه دوس دیری ئو وَه خوین ووژ، ایمَل اژ گنائَلمو آزاد کِردیِ،

مِکاشفَه 21:6

ئو وِتی‌ئونِم: «تموم بی! مِنِم ’الف‘ ئو مِنِم ’ی‘، مِنِم اول ئو مِنِم آخِر. مِه وَه هر کی گه تینی بوتی، وَه مِفت اژ کیَنی آو ژییاینَ میَمی‌ئون.

مِکاشفَه 22:1

اَسَه روو آو ژییاین نشونِم داتی گه اِجور بِلور بِریقَه ماتی ئو اژ تخت خدا ئو وَرک جُرَ مَگِرت

مِکاشفَه 3:14

«اَرِه فریشدَه کلیسا لائودیکیَه بِنُیسِن: «او گه آمینَ، او گه شات اَمونتدار ئو حخَ، او گه سِرآو خلقت خداءَ، هُنَ موشی: