اول تیموتائوس 6:12 - کتاب مقدس به زبان لکی - گویش مرکزی

¹² اِ جنگ خو ایمو، جنگ بِهَه ئو بچسب اَر ژییاین ابدی‌ای گه اَرِه هِنا بینی ئو اَر تک شاتَل فِرِه‌ی اعتراف خوتَ بی کِرد.

اول تیموتائوس 6:12 Iomraidhean Croise

دوئِم قُرَنتیان 6:7

وَه راس‌وَشی، وَه قدِرت خدا ئو وَه شِمشیر صالح‌بیئین اِ دس راس ئو چپ؛

دوئِم قُرَنتیان 9:13

وَه‌سونگَ ایی خِلمتَ، مردِم خدا جِلالَ میَن اَرِه اطاعتی گه اژ اعتراف هُمَه وَه انجیل مسیحَ مای، هَمیش اَرِه دسِ‌دلوازی گه وَه یاری دائِن اَر اونَل ئو کُل مردِم نشونَ مِینو.

فیلیپیَل 1:30

هُمِه‌یش هاینونِ هَراَ جنگ‌اِرَ گه دیتو مِنِ گیر بیمی ئو اِسگَه مَشتوئینو گه هَنی هامِ گیر.

کولُسیَل 3:15

صُئل مسیح حکِمرون دلَلتو بو گه هَر اِراسی اَرِه یَه دَوَت بینو‌نَسَ یِه لار، ئو شگِرگزار بوئن.

اول تِسالونیکیَل 2:12

هرکُم اژ هُمَه‌مو تشویق کِرد ئو دلگُوئیمو دا ئو اَمونَتمو دا گه طوری رفدار بِهِینو گه لائق خدای بو گه دَوَتتونَ مِهِئَه پاتِشائی ئو جِلال ووژ.

دوئِم تِسالونیکیَل 2:14

اَرِه یَه او وَه‌سونگَ انجیل ایمَه دَوَت اَژینتو گِرتی تاگَه جِلال خداونمو عیسی مسیح بوءَ نَصُیتو.

اول تیموتائوس 1:18

اِاِ کُرِم، تیموتائوس، ایی فِربونتَ مَسپارِمَ بی، مِطابق نبوّتَلی گه وِرِکار اِبارَه تو بی تاگَه وَه یاریو اَ جنگ خوءَ، بِهِین.

اول تیموتائوس 1:19

ئو بچسبَ ایمون ئو وِژدان پاک، اَرِیَگه کَشتی ایمو بِری وَه رد کِردِن ایی چیئِلَ حُیردِحَلو بیَ.

اول تیموتائوس 4:14

بی‌اِتِنائی نِهَه اَر عطای گه ها نومت‌اِر، عطای گه وَه‌سونگَ نبوّت هاوِنتَ بینِت هَراَ وخدَ گه شورا شیخَل دَسو نا اَر سرِت.

اول تیموتائوس 6:13

اَرتَک خدای گه زِنِه‌یَ مِئَه کُل چی، ئو اَرتَک مسیحْ عیسی گه اعتراف خو اِنوم شاتی ووژ اِ بِرُوَر پُنتیوس پیلاتُس کِردی، سفدِسخد اَمونَتتَ میَم بی

اول تیموتائوس 6:19

وَه هُنَ، گنجی اَرِه ووژونَ ماوژِنِ پِ دس گه ماوَ پِ خوئی اَرِه آیندَه‌ئو، تاگَه بچسبِن اَر اَ چیئَه گه ژییاین حخیخیَ.

دوئِم تیموتائوس 1:9

خدای گه ایمَه نجاد داتی ئو دَوَتمو کِردیَ زِنِه‌ی مقدّس، نه وَه خاطر کارَل ایمَه بلکِم وَه خاطر قَص ئو فیض ووژ، گه او وِر اژ بِنیا زمونَه‌ل، اِنوم مسیحْ عیسی بَشخیتیَ ایمَه.

دوئِم تیموتائوس 2:2

ئو اَ چیئَه گه اَرتَک شاتَل فِرِه‌ی اژ مِنِت شنَفتیَ، بسپارتیَ آمَل وفاداری گه مَتونِن یاء باقی‌ش دَن.

دوئِم تیموتائوس 4:7

اِ جنگ خو، جنگِم کِردیَ، دور ووژِم رَسونِمَسَ آخِر ئو هوسیامَس اَر سر ایمونِم.

عِبرانیَل 13:23

بِذانِن گه بِرامو تیموتائوس آزاد بیَ. اَرّ او زوی بای، وَه گَردَ مامی موئینِمتو.

عِبرانیَل 3:14

اَرِیَگه اِنوم مسیح هُم‌بیَرا بیمونَ، اَرّ اِراسی تاگَه آخِر بچسبیمون اَر اَ اطمینو اول ووژمونا.

عِبرانیَل 6:18

تا وَه‌سونگَ دو چی گه عوض نِموئن، گه مِحالَ خدا اِبارَه اونَل دِرو بوشی، ایمَه گه پِنامو آوِردیَ، فِرَه دلگرما بوئیم تاگَه سفدِسخد بچسبیمونَ امیدی گه نیریاس اَر نوامو.

اول پطرس 3:9

جوواو گَنیَ گَنی ئو دُشمینَ دُشمینا نیَن، بلکِم اِجالی، بِرَکت بارِنَ دس، اَرِیَگه هَر اَرِه یَه دَوَت بینونَ تاگَه بِرَکت بوءَ نَصُیتو.

اول پطرس 5:10

دُما یَگه مِدت کمی عذاوتو کیشی، خداءِ کُل فیضَل گه هُمَه اِنوم مسیح دَوَت کِردیَسیَ جِلال ابدی ووژ، ووژ اِدوارَه بِناتونَ مِهِه، ئو موکَم ئو زوردار ئو پایارتونا مِهِه.

اول یوحنا 2:25

ئو یَسَ اَ چیئَه گه او وَدَه داسی‌ئونمو، یانی ژییاین ابدی.

یهودا 1:3

اِاِ رولَه‌ل، وَه‌یاآگه شوق فِرَه‌می داشد تا اِبارَه نجادی‌ گه کُلمو وَه‌گَرد یَک اَژی هُم‌بیَریم اَرِنتو بِنُیسِنِم، مِنتائای لازمِم ذِناسد گه چَن خطتونی اَرِه بِنُیسِنِم، ئو اَژینتو بِم گه اَرِه ایمونی تقِلا بِهِینو گه یِگِل اَرِه همیشَه سپارتیاسَ ایمودارَل مسیح.

مِکاشفَه 3:3

اِسَه اَ چیئَه گه گِرتِت ئو شنَفتِت بارِ ویر، بارَ جا ئو توئَه بِهَه. اَرّ تو نوئینَ خَوَر، مِن اِجور دُزی مام، ئو تو نِمَذانین مِه چه ساتی مام اَرِنِت.