اول تیموتائوس 5:25 - کتاب مقدس به زبان لکی - گویش مرکزی

²⁵ هَرهُنَ، کارَل خو دیارِن ئو جُ‌جُ اونَلی گه دیار نیِن، نِماو بشاریونا.

اول تیموتائوس 5:25 Iomraidhean Croise

مَتّی 5:16

اِسَه بِیلِن نُیر هُمَه بِکُوءِ اَررُی مردِم تاگَه کارَل خوتو بوئینِن ئو باوَه هُمَه گه ها نوم آسمون‌اِر، جِلال دَن.

لوقا 11:33

«هُیچ کس چراخ لمپا نِمَگیسِنی تاگَه بِشارتیا یاگَه بِنتی اَر ژیر سَلِه‌ی، بلکِم چراخ لمپا مَنِن اَررُی چراخدو تاگَه هر کی با اِنوم، روشتایی بوئینی.

کارَل رسولَل 10:22

اونَل وِتو: «کُرنِلیوسِ فرموندَه، ایمَه کِل‌کِردیَسی. او پیا دُریس ئو خداترسی کَ ئو یهودیَل کُل اژ خوئیَ موشِنی. او اژ فریشدَه مقدّسی فِربو گِرتیِ گه کِل‌کِ اَر دُمِت تاگَه باین اِرَه مال، قصَه‌لِت بِشتوءِ.»

کارَل رسولَل 22:12

«اِنوم دمشق، پیا دینداری بی، حَنانیا نُم، گه مِطابق شریعت زِنِه‌یَ مَهَردی، گه اَرتَک کُل یهودیَل اورَه، نُم‌نیک بی.

کارَل رسولَل 9:36

اِنوم شیَر یافا شاگردی زِنِه‌یَ مَهَردی گه نُم طابیتا بیتی، گه وَه زوئو یونانیَ موشِن دورکاس گه میَنا آهوئَسی. ایی ژِنَ ووژ وَخمِ کارَل خو ئو دسگیری اژ ژارِلَ مَهَردی.

فیلیپیَل 1:11

پِرا بوئینون اژ ثمر صالح‌بیئینی گه وَه‌سونگَ عیسی مسیح وَه بارَ مای، اَرِه جِلال ئو شگِر خدا.

اول تیموتائوس 3:7

اِلانَه باس اِنوم کسَلی‌شی گه اِ کلیسا هانَ دِریر نیکنُم بو تا رُسبا ناو ئو نَکُوءِ تِلَه ابلیس.

مِکاشفَه 14:13

اَسَه دَنگمی اژ آسمو شنَفت گه موئِتی: «بِنُیسِن: خَوزگالَ کسَلی گه اَژیرِ دُما اِنوم خداونَ مَمِرِن.» ئو روحِ خدا وِتی: «اَاَ، خَوزگالَ اَرینو، اونَل اژ جُورَلو سِتارونَ مَگِری، اَرِیَگه کارَلو وَه دُم سرونا مای!»