اول تیموتائوس 5:21 - کتاب مقدس به زبان لکی - گویش مرکزی

²¹ اَر تک خدا ئو مسیحْ عیسی ئو فریشدَه‌لی گه دیاری بینَ، سفدِسخد اَمونَتتَ میَمَ بی گه ایی فِربونِلَ بی‌خِرَض رایَت بِهِین ئو هُیچ کاری وَه دوچیَمکی نِهِین.

اول تیموتائوس 5:21 Iomraidhean Croise

مَتّی 16:27

«اَرِیَگه کُر اِنسو وَه‌گَرد فریشدَه‌لیا اِنوم جِلال باوَه ووژَ مای، اَ موقَع وَه هر کی مِطابق کارَلی، اَجِرَ مِ.

مَتّی 25:41

اَسَه موشیَ اونَلی گه هانیِ لا چپا: ”اِاِ لیَنَت‌بیَل، اژ مِه دویرا بِگِرِن ئو بِچِن اِنوم آگِر ابدی‌ای گه اَرِه شِطون ئو فریشدَه‌ل او آمادَه بیَ،

مَتّی 28:20

ئو تیَلیمو دَن تاگَه کُل چیئَلی گه فِربونم‌ئون داینونَ، بارنَ جا. اِسگَه مِه کُلِ روژی تاگَه آخِر ایی دنیا هامَ گَرد هُمَه!»

لوقا 20:21

اَسَه جاسوسَل اژ عیسی‌ئو پِرسی: «استاد، مَذانیم گه تو حخیختَ موشین ئو تیَلیمَ مِین ئو جونِمداری کس نِمِهِین، بلکِم رئی خدا وَه دُریسی یاء مِین.

لوقا 9:26

اَرِیَگه هر کی اژ مِن ئو قصَه‌لِم عار بایتی، کُر اِنسون‌یش اَسَه گه اِنوم جِلال ووژ ئو جِلال باوَه ئو فریشدَه‌ل مقدّس بای، اژ او عارَ مایتی.

دوئِم قُرَنتیان 5:16

اِسَه، اَژیرِ دُما هُیچ کسَ مِطابق جسم نِمَشتاسیم، وَه‌یاآگه زمونی مسیحمو مِطابق جسمَ مَشتاسیا، اِسگَه دیَر هُنَ نیَ.

اول تِسالونیکیَل 5:27

اَر تک خداون قسمتونَ میَم گه ایی نُامَه اَرِه کُل بِرال بحیوَنینو.

اول تیموتائوس 6:13

اَرتَک خدای گه زِنِه‌یَ مِئَه کُل چی، ئو اَرتَک مسیحْ عیسی گه اعتراف خو اِنوم شاتی ووژ اِ بِرُوَر پُنتیوس پیلاتُس کِردی، سفدِسخد اَمونَتتَ میَم بی

دوئِم تیموتائوس 2:14

یوئنِئونَ بارَ ویر ئو اَرتَک خدا هُشتارَ بینو دَ گه اَر سر کِلمَه‌ل دَمَرَگَ نَهَن، گه ثمری بِخِر اژ نابودی کسَلی گه مَشتوئِنی نِری.

دوئِم تیموتائوس 4:1

اَرتَک خدا ئو مسیحْ عیسی گه اَر مِردیَل ئو زِنیَل داوریَ مِهِه ئو وَه خاطر پاتِشائی ئو ظاهربیئِنی، اَمونَتتَ میَمَ بی

یعقوب 3:17

مِنتائای اَ حکمتی گه اژ بِلِنگَ، اول‌بار پاکَ ئو اَسَه طالب صُئلَ ئو نجیمَ ئو پَن گوشَ مَگِری ئو پِر اژ ریَمَت ئو ثمرَل خوءَ ئو دوچیَمکی نِمِهِه ئو راس‌وَشَ!

دوئِم پطرس 2:4

اَرِیَگه اَرّ خدا ریَم نَهَردی اَر فریشدَه‌لی گه گنائو کِرد، بلکِم اونَل آوشدیِ تیَه سیاچال جیَنِم ئو سپارتِنیَ زنجیرَل تیَریکی شوءَزنگی تا اَرِه داوری بِمینِن اَر اورَه؛

یهودا 1:6

ئو فریشدَه‌لی‌شی گه نوسیان اَرسر مقوم قدِرت‌واختیار ووژو، بلکِم جالیز دُریس ووژو هُیشتونِ جا چِن، اِ زنجیرَل ابدی هُیشتیَسیِ تیَریکی شوءَزنگی تا موقَع داوری اِ اَ روژ کَلِنگَ.

مِکاشفَه 14:10

اویش اژ شِراو خَضو خدا گه پِرمِلات ئو خَص رِشیاس اِنوم جُم خِض او، خُرَّ مِ، ئو او اَرتَک فریشدَه‌ل مقدّس ئو اَرتَک وَرک وَه آگِر ئو گوگرد عذاوَ موئینی.