اول تیموتائوس 5:18 - کتاب مقدس به زبان لکی - گویش مرکزی

¹⁸ اَرِیَگه اِنوم توراتَ موشی: «دَم کِلَ‌گای گه خرمُنَ مَکوئی، نوئن» ئو «عمِلَه حَخَسی مِزدَس ووژ بِسینی.»

اول تیموتائوس 5:18 Iomraidhean Croise

مَتّی 10:10

ئو اَرِه سفر، تورَه یاگَه کِراس زیاکی یاگَه کِلاش یاگَه موزبِرَه هیزنیَن؛ اَرِیَگه کارگر حَخَسی مِزدَس ووژ بِسینی.

لوقا 10:7

اِنوم اَ مالَ بِمینِن ئو هر چیئونی دائونتو بیرِن ئو خُرّ دَن، اَرِیَگه کارگر حَخَسی مِزدَس ووژ بِسینی. مال اَر مال نَگیردِن.

رومیان 10:11

اَرِیَگه کِتاو اِشعیا پِخَمَرَ موشی: «هر کی ایمو باری اَر او، خجالتا نِماو.»

رومیان 11:2

خدا قوم ووژ گه وِرِکار شناسیتی، رد نَهَردیَسی. مَر نِمَذانینو نُسَخ مقدّس اِبارَه ایلیا پِخَمَر چَه موشی؟ یَگه چطور اژ دس قوم اسرائیل اَرتَک خدا گِلِی کِردی ئو وِتی:

رومیان 4:3

اَرِیَگه نُسَخ مقدّس چَه موشی؟ «ابراهیم ایمو آوِردی اَر خدا ئو یَه اَرِه صالح‌بیئین وَه حساو یِهاتی.»

رومیان 9:17

اَرِیَگه اِنوم تورات، خدا موشیَ فرعون: «مِه هَر اَرِه ایی قَصَ تونِم کَلِنگا کِرد تاگَه قدِرت ووژِم اِنوم تو نِشو دَم، ئو تاگَه نُم مِه اِلوم بو اِنوم سِرُسَر دنیا.»

اول قرنتیان 9:14

هَرهُنَ، خداون فِربو داسی گه کسَلی گه انجیل اِلومَ مَهَن، خرجِ‌بَرج ووژون اژ انجیل اِربارِن.

غَلاطیَل 3:8

ئو تورات وِرِکار دیتی گه خدا خِرِیهودیَل وَه ایمو صالح وَه حساوَ ماری، وِر اژ یَه بشارت داتیَ ابراهیم گه «کُل قومَل وَه‌سونگَ تو بِرَکتَ مَگِرِن.»

یعقوب 4:5

یا گُمونَ مِهِینو اَ نسخَه مقدّسَ گه وِتیِ: «خدا اَرِه اَ روحی گه ناسی اِنوم ایمَه، خیرَت فِرِه‌ی دیری»، یَه اَرِه ووژَ موشی؟