اول تیموتائوس 5:17 - کتاب مقدس به زبان لکی - گویش مرکزی

¹⁷ شیخَلی گه خو رَبَریَ مَهَن، لائق عزّت دو بِرُوَرِن، مصخوصاً اونَلی گه اِ کار موعظَه ئو تیَلیم زیَمَتَ مَکیشِن.

اول تیموتائوس 5:17 Iomraidhean Croise

مَتّی 24:25

سِیل کَن، وِرِکار وِتم‌ئونتو.

لوقا 10:7

اِنوم اَ مالَ بِمینِن ئو هر چیئونی دائونتو بیرِن ئو خُرّ دَن، اَرِیَگه کارگر حَخَسی مِزدَس ووژ بِسینی. مال اَر مال نَگیردِن.

لوقا 12:42

عیسی خداون وِتی: «اِسَه اَ پیشکار اَمونتدار ئو دونا کیَ گه اَرباوی بِنتی اَر سرپِرَسی خِلمتکارَل مال ووژ تاگَه بیَر خوراک اونَل اِ سر وخد بِ؟

یوحنا 4:38

مِه هُمَه‌م کِل‌کِرد تاگَه ثمری درو کِینو گه اژ جُور کیشین ووژتو نیَ. کسَلی‌تِر جُورو کیشیَ ئو هُمَه اژ جُور کیشین اونَ بیَرَ میَرینو.»

کارَل رسولَل 11:30

دُماخِرِ هُنِئونَ کِرد ئو پیشکَشیِهَه‌ئونَ دس برنابا ئو سولُس کِل‌کِرد اِرَه تک شیخَل.

کارَل رسولَل 20:35

اِ کُل چی نشونِم داینونَ گه باس هُنَ زیَمَت بِکیشیم تاگَه بتونیم دس ژارَل بِگِریم، ئو قصَه‌ل خداون عیسی‌مونَ ویر بو گه فرمائشت کِردی: ”دائِن اژ گِرتِن بِمارکتِرَ.»

کارَل رسولَل 28:10

اونَل فِرَه عزّتونَ مَنیا اَر ایمَه، ئو حِنی گه مِهِستمو وَه کَشتیا بِچیم، هر چی گه اِکَلمو بی اَرِنمو تیارِکو دی.

رومیان 12:8

کسی گه تشویقَ مِهِه، اِنوم تشویق کِردِنی بیَریِ کار؛ کسی گه یاریَ مِ، وَه دسِ‌دلوازی بِهِه؛ کسی گه رَبَریَ مِهِه، وَه خیرَت اَنجوم دِ؛ کسی گه ریَمَ مِهِه، وَه خَوشالیا بِهِه.

رومیان 15:27

اونَل ووژو صِلائو دی ایی کارَ بِهَن؛ ئو اِراسی دِن اونَل اِ مِلو بی، اَرِیَگه اَرّ خِرِیهودیَل اِنوم بِرَکتَل روحانی یهودیَل هُم‌بیَرا بینَ، یهودیَل‌یش باس هَرهُنَ اِنوم خِلمت بِرَکتَل مالی اونَل، هُم‌بیَرا بوئن.

رومیان 16:12

سِلام برَسِنِنَ تْریفینا ئو تْریفوسا، گه اِنوم خداون سخد زیَمَتَ مَکیشِن، ئو هَمیش وَه پِرسیس عزیزگرامی گه اِنوم خداون فِرَه زیَمَت کیشیَسی.

اول قرنتیان 15:10

مِنتائای وَه فیض خدا، مِه یَئمَ گه اِسگَه هم، ئو فیض او اَرِنِم بی‌ثمر نوئیَ. برعسک، مِه سخدتِر اژ کُل اونَل کارِم کِرد، وَه‌یاآگه مِه ووژِم نوئیم، بلکِم اَ فیض خدا بیَ گه وَه‌گَردِم بی.

اول قرنتیان 16:16

فِربوبَر هُنَ کسَلی بوئن ئو فِربوبَر هر کی گه اِنوم ایی خِلمتَ هُمکاریَ مِهِه ئو جُورَ مَکیشی.

اول قرنتیان 3:9

اَرِیَگه ایمَه هُمکارَل خدائیمو ئو هُمَه زَمی کشتِ‌کار ئو ساخدِمو خدائینو.

دوئِم قُرَنتیان 6:1

ایمَه گه هُمکارَل مسیحیم خواهشد اَژینتونَ مِهِیم گه نِیلِن اَ فیض خداءَ گه آوِردِتونَسَ دس، بی‌فادَه بو.

غَلاطیَل 6:6

هر کی اژ کلوم خداءَ مَگِریا، باس مَلِم ووژ اِ کُل چیئَل خو بیَردارا کِ.

فیلیپیَل 2:16

کلوم ژییاین سفدِسخد بِگِرِن، تاگَه اِ روژ گِلاهُاردِن مسیح مِه افتخار بِهَم گه بی‌فادَه نَنیامَسِ دو یا بی‌فادَه زیَمَتِم نکیشیَ.

فیلیپیَل 2:29

اِسَه اِنوم خداون وَه خَوشی کامل، بِچِنیِ گِرد ئو عزّت بِنِن اَر هُنَ کسَلی.

فیلیپیَل 4:3

اِاِ هُمکار وفادار، اژ تونیشمَ مِ گه ایی دو ژِنَ یاری دِین اَرِیَگه وَه‌گَرد کلِمِنت ئو باقی هُمکارَلِم گه نُمو اِنوم دفتر ژییاین نُیسیاءَ، شونَ شو مِن اِ کار انجیل زیَمَتو کیشیَ.

اول تیموتائوس 3:5

اَرِیَگه اَرّ کسی نَذانی چطور عتِ‌عیال ووژ ادارَه بِهِه، چطورَ مَتونی مِتیَه‌جی کلیسا خدا بو؟

اول تیموتائوس 4:10

اَرِیَگه ایمَه امیدمو بَسدیَسَ خداءِ زِنی گه نجاددهندَه کُل مردِمَ، مصخوصاً ایمودارَل؛ اَرِیَگه هَر اَرِه یَه زیَمَتَ مَکیشیم ئو تقِلاءَ مِهِیم.

اول تیموتائوس 4:14

بی‌اِتِنائی نِهَه اَر عطای گه ها نومت‌اِر، عطای گه وَه‌سونگَ نبوّت هاوِنتَ بینِت هَراَ وخدَ گه شورا شیخَل دَسو نا اَر سرِت.

اول تیموتائوس 4:16

خو، ویرت اَر ووژت ئو تیَلیمی گه مِین، بو. بوس اَرسر یَه، اَرِیَگه اَرّ هُنَ بِهِین هم ووژِت ئو هم کسَلی گه گوشتَ میَنَ بی نجادَ مِین.

اول تیموتائوس 4:6

اَرّ ایی چیئِلَ بِینَ بِرال، موئینَ خادم خو مسیحْ عیسی، گه اِنوم کلوم ایمون ئو اَ تیَلیم خوءَ گه چینَسیَ تُرّا، تربیت بینَ.

اول تیموتائوس 5:19

نَچُ اِگِرد بُختِمی اَرضد یَکی اژ شیخَل، مَر وَه شاتی دو یا سه شات.

اول تیموتائوس 5:3

عزّت بِن اَر بیوَه‌‌ژِنَلی گه اِراسی بی‌کس چیَم‌اَردِراخِلِن.

دوئِم تیموتائوس 2:6

کشاورزی گه جُورَ مَکیشی باس اول کسی بو گه بیَر ووژ اژ ثمر، هیزَمِ.

دوئِم تیموتائوس 4:2

کلوم خدا موعظَه کَ ئو وخد ئو بی‌وخد آمادَه بو ئو وَه صبِر ئو تیَلیم کامل، رَنِمائی ئو توبیخ ئو تشویق بِهَه.

عِبرانیَل 13:17

اژ رَبَرَلتو اطاعت کَن ئو فِربوبَرو بوئن؛ اَرِیَگه اونَل اژ گیونَل هُمَه پاسبونیَ مَهَن، وَه‌چوینا گه باس حساو بیَنَ دُما. بِیلِن ایی کارَ وَه خَوشی اَنجوم دَن نه وَه نُیزنَز، اَرِیَگه یَه وَه نفع هُمَه نیَ.

عِبرانیَل 13:24

سِلام برَسِنِنَ کُل رَبَرَلتو ئو وَه کُل ایمودارَل مسیح. اونَلی گه اژ ایتالیان، سِلامتون‌ئونَ مَرَسِنِن.

عِبرانیَل 13:7

رَبَرَلتو گه کلوم خدائون اَرِه وِتینو، وَه ویرتو بو. اِبارَه عاقویَت طُرُخ زِنِه‌یو خو دقّت بِهَن ئو اژ ایمونو سرمقشا بِگِرِن.