اول تیموتائوس 5:14 - کتاب مقدس به زبان لکی - گویش مرکزی

¹⁴ اِسَه عخیدَه مِه یَسَ گه بیوَه‌ل جِهال‌تِر شوی بِهَن، آویل بارِن ئو بوئنَ کِنو ئو مِجال گَنی وِتِنَ دشمن نیَن.

اول تیموتائوس 5:14 Iomraidhean Croise

رومیان 14:13

اِسَه، بورِن اَژیرِ دُما اَر یَکتِری قضاوت نِهِیم. بلکِم اِجالی، قَص بِهَن گه هُیچ کُچِکی گه پا گیر بِهِیتی اَری ئو باعث اَر زَمی کَتِن بو یا چیئی اَرنوم رئی بِراتو نَنِن.

دوئِم قُرَنتیان 11:12

ئو مِه دُم ایی کاری گه دیرِم مَهَم، مَگِرِم تا مِجال اژ کسَلی بِگِرِم گه میا ادعا بِهَن هَراَ جورَ گه ایمَه خِلمتَ مِهِیم، خِلمتَ مَهَن.

اول تیموتائوس 2:8

ایلَهَه آواخدِم یَسَ گه پیال اِ کُل جا، بی خِض ئو مِرافَه، دَسَل مقدّس اَرِه دوعا بِگِرِنِ رُ.

اول تیموتائوس 4:3

اُوُ شوی کِردِن ئو ژَن هُاستِن قِدَخَنَ مَهَن ئو فِربونَ میَنَ پیَریز کِردِن اژ خوراکَلی گه خدا خَلک کِردیِ تا کسَلی گه ایمون اَر حخیخت دیرِن ئو مَشتاسِنی، وَه شگِرگزاری، اَژینو بیرِن.

اول تیموتائوس 5:11

مِنتائای نُم بیوَه‌ژِنَل جِهال‌تِر نَنُیسِن، اَرِیَگه وخدی شَوَتو اژ مسیح دویرونا کِ، مِنِی شویَ مَهَن.

اول تیموتائوس 6:1

کُل اونَلی گه هانِ ژیر دارِبرگ بَنِه‌ی‌اِر، باس اَرباوَلو لائق عزّت کامل بِذانِن تا مردِم گَن نوشِنَ نُم خدا ئو تیَلیم ایمَه.

تیتوس 2:5

ئو نوا ووژو بِگِرِن ئو نجیم ئو کِنو ئو مِرِبون ئو فِربوبَر میردَه‌لو بوئن تاگَه کسی گَن نوشیَ کلوم خدا.

تیتوس 2:8

ئو هُنَ دُریس قصَه بِهَه گه عِوی اِر ناوتی، تا هُمال اَرِیَگه چی گَنی اِبارَه ایمَه نِری بوشی، خجالتا بو.

عِبرانیَل 13:4

داوات کِردِن باس اِنوم کُل مردِم عزّت داشدوئیتی ئو رابطَه حِلال‌هُمسری پاک بو، اَرِیَگه خدا اَر بی‌عصمتَل ئو زِنهاکارَل داوریَ مِهِه.