اول تیموتائوس 4:8 - کتاب مقدس به زبان لکی - گویش مرکزی

⁸ اَرِیَگه وَه‌یاآگه تربیت لار فادَه کَمَسی، مِنتائای دینداری اَرِه کُل چی فادَه دیری، ئو هم زِنِه‌ی اِسگَه وَدَه مِ، هم ژییاینی گه میا بای.

اول تیموتائوس 4:8 Iomraidhean Croise

مَتّی 12:32

هر کی قصه‌ی اَرضد کُر اِنسو بوشی، بَشخیا ماو مِنتائای هر کی اَرضد روح‌القدس قصَه بِهِه، بَشخیا نِماو، نه اِ ایی زمونَ ئو نه اِ زمونی گه میا بای.

مَتّی 19:29

ئو هر کی وَه خاطر نُم مِه مال یاگَه بِرا یاگَه خُیَه یاگَه باوَه یاگَه دا یا اولاد یاگَه مِلکِ‌مِحل ووژ وِل کِردوئیتی، صد بِرُوَرَ ماریَ دس ئو ژییاین ابدیَ میَریَ میرات.

مَتّی 6:33

بلکِم اول‌بار وَه مِنِی پاتِشائی خدا ئو عدالت اوآ بوئن، اَسَه کُل ایی چیئِل‌یشَ بَشخیا ماوئونتو.

مَرقُس 10:30

ئو اِنوم ایی زمونَ صد بِرُوَر ویشتِر مالَل، بِرال، خُیَه‌ل، دال، آیلَل ئو مِلکِ‌مِحل -وَه جُور- وَه دس ناری، ئو اِنوم زمونی گه دیری مای اِ ژییاین ابدی بیَردارا ناو.

لوقا 5:38

اِسَه شِراو نوو باس بِرِشِنین اِنوم مَشگَل نوو.

رومیان 8:28

ئو ایمَه مَذانیم اَرِه اونَلی گه خدا دوس دیرِن ئو مِطابق خواس او دَوَت بینَ، کُل چیئَل وَه‌گَرد یَک اَرِه خِریَّت کارَ مَهَن.

اول قرنتیان 3:22

چه پولُس، چه آپولُس، چه کیفا، چه دنیا، چه زِنِه‌ی، چه مِردِن، چه اِسگَه ئو چه زمونی گه ها نوامون‌اِر، کُل هِن هُمَه‌ن،

اول قرنتیان 8:8

«خوراک، ایمَه اَر خدا نزیک نِمِهِه»؛ نه وَه نَهُاردِن بَتِرَ موئیم، نه وَه هُاردِن بیتِر.

اول تیموتائوس 4:7

کارتِ پاچائَل پُیچ ئو کِفِر ناو، بلکِم ووژت اِ دینداری تربیت بِهَه.

اول تیموتائوس 6:3

اَرّ کسی جوری‌تِر تیَلیم بِ گه وَه‌گَرد قصَه‌ل دُریس خداونمو عیسی مسیح ئو تیَلیمی گه مِطابق دینداریَ، جور اِرنای،

اول تیموتائوس 6:5

ئو باعثَ ماو هَر دَمَرَگَ بو اِنوم کسَلی گه فگِرو گَنَ کِردیِ ئو اژ حخیخت دویرِن، گُمونَ مَهَن دینداری وسیله‌ی کَ اَرِه فادَه کِردِن.

اول تیموتائوس 6:6

مِنتائای دینداری وَه‌گَرد قناعت، فادَه کَلِنگی کَ.

دوئِم تیموتائوس 3:5

وَه‌یاآگه شیوَه دینداری دیرِن، مِنتائای قدِرت حاشاءَ مَهَنی. اژ هُنَ کسَلی دویرا بِگِر.

تیتوس 3:8

ایی قصَه ماو اِتِمادَ بی کِینی، ئو اژ تونمَ مِ بِجُرّین‌ اَر ایی چیئِلَ، تاگَه کسَلی گه ایمونو آوِردیَس اَر خدا حُواسو بو گه ووژو وَخم کارَل خو بِهَن. ایی چیئِلَ اَرِه مردِم فادَه‌ دیری ئو خوءَ.

عِبرانیَل 13:9

وَه تیَلیمَل جوراجور ئو بِلُجوئی اژ رئی اِرنان، اَرِیَگه خوءَ گه دل اِنسو اژ فیض قویَت بِگِری، نه اژ خوراکَلی گه اَرِه کسَلی گه هانَ دُمونا، نفعی نِرِن.

اول یوحنا 2:25

ئو یَسَ اَ چیئَه گه او وَدَه داسی‌ئونمو، یانی ژییاین ابدی.

مِکاشفَه 3:12

هر کی فائق بای، مَهَمیَ سُتینی اِ معبد خدام. دیَر اژ اورَه هرگِس نِمِهِئَه دِریر، ئو مِه نُم خدا ووژمَ مَنُیسِنِم اَررُی او، ئو نُم شیَر خدا ووژِم، یانی اورشلیم نوو گه اژ جونِم خدا اژ آسمونَ مای، ئو نُم نوو ووژیشمَ مَنُیسِنِم.

مِکاشفَه 3:21

«هر کی فائق بای، یَه موئَشخِمی‌ئون گه وَه‌گَرد مِه بنیشی اَرسر تخت مِه، هَرهُنَ گه مِن‌یش فائق هاتِم ئو وَه‌گَرد باوَه‌م نیشتِم اَرسر تخت او.