اول تیموتائوس 4:7 - کتاب مقدس به زبان لکی - گویش مرکزی

⁷ کارتِ پاچائَل پُیچ ئو کِفِر ناو، بلکِم ووژت اِ دینداری تربیت بِهَه.

اول تیموتائوس 4:7 Iomraidhean Croise

کارَل رسولَل 24:16

اِسَه مِه هَر تقِلا مَهَم تاگَه نِسوَتَ خدا ئو مردِم، وِژدان پاکمی داشدوئی.

اول تیموتائوس 1:4

ئو ووژونَ گَرد پاچائَل ئو تَجِرَنُامچَه‌لی گه بِن نِرِن سرگرم نَهَن، اَرِیَگه یوئنَ اِجال یَگه کار خدا گه اژ رئی ایمونَ بیَرِنِ وَر، باعث دَمَرَگَلی موئن گه ثمری نِرِن.

اول تیموتائوس 1:9

هَمیش مَذانیمو شریعت نه اَرِه آمَل صالح، بلکِم اَرِه کسَلی کَ گه قانونَ مَنِنِ ژیر پا ئو کسَلی گه کورفِربونِن، اَرِه بی‌دینَل ئو گناکارَل، ئو ناپاکَل ئو کِفِرچیَل؛ اَرِه خوینیَل باوِه‌ئودا؛ اَرِه کسَلی گه آمَ مَکُشِن،

اول تیموتائوس 2:10

بلکِم وَه کارَل خو، اَجورَ گه لائق ژِنَلی کَ گه ادعاءَ مَهَن خداپِرَسِن.

اول تیموتائوس 3:16

اِراسی گه سِرّ دینداری فِرَه کَلِنگَ: او گه اِنوم جسم ظاهر بی، وَه‌سونگَ روحِ خدا ثابت بی، فریشدَه‌ل اوُ دی، اِنومجا قومَل اِلوم بی، اِنوم دنیا ایمونو آوِردَ بی، ئو وَه جِلال، ویرِ بِلِنگ بَریا.

اول تیموتائوس 4:8

اَرِیَگه وَه‌یاآگه تربیت لار فادَه کَمَسی، مِنتائای دینداری اَرِه کُل چی فادَه دیری، ئو هم زِنِه‌ی اِسگَه وَدَه مِ، هم ژییاینی گه میا بای.

اول تیموتائوس 6:11

مِنتائای تو اِاِ پیا خدا، اژ کُل یوئنَ بِحوا، ئو بِچُ اَدُم صالح‌بیئین ئو دینداری ئو ایمون ئو مِحبت، دَرین‌داری ئو مِلائمت.

اول تیموتائوس 6:20

اِاِ تیموتائوس، اَمونتی گه سپارتیاسَ بینِت، حفظ کَ. اژ چِنَه‌ل مِفت ئو کِفِر ئو بَثَلی گه اَرضد یَکِن ئو وَه خِلَطَ موشِنَ بینو شناخت، دویرا بِگِر.

اول تیموتائوس 6:3

اَرّ کسی جوری‌تِر تیَلیم بِ گه وَه‌گَرد قصَه‌ل دُریس خداونمو عیسی مسیح ئو تیَلیمی گه مِطابق دینداریَ، جور اِرنای،

اول تیموتائوس 6:5

ئو باعثَ ماو هَر دَمَرَگَ بو اِنوم کسَلی گه فگِرو گَنَ کِردیِ ئو اژ حخیخت دویرِن، گُمونَ مَهَن دینداری وسیله‌ی کَ اَرِه فادَه کِردِن.

دوئِم تیموتائوس 2:16

مِنتائای اژ چِنَه مِفت دائِن دویرا بِگِر، اَرِیَگه ویشتِرِ ویشتِر مردِمَ میَری ویرِ بی‌دینی.

دوئِم تیموتائوس 2:23

اژ بَثَلی گه اژ نایونی ئو اَخمَخیِن دویرا بِگِر، اَرِیَگه مَذانین باعث مِرافَه‌لَ موئن.

دوئِم تیموتائوس 3:12

اِراسی کُل کسَلی گه بِ‌ئون اِنوم مسیحْ عیسی وَه دینداری زِنِه‌ی بِهَن، عذاوَ موئینِن؛

دوئِم تیموتائوس 3:5

وَه‌یاآگه شیوَه دینداری دیرِن، مِنتائای قدِرت حاشاءَ مَهَنی. اژ هُنَ کسَلی دویرا بِگِر.

دوئِم تیموتائوس 4:4

ئو اژ گوش گِرتِن وَه حخیخت اِرَمَگیردِن ئو ویرِ پاچائَلَ مَچِن.

تیتوس 1:14

ئو گوش نَگِرِنَ پاچائَل یهود ئو حکمَل کسَلی گه اژ حخیخت دویرا بینَ.

تیتوس 2:12

ئو یامونَ مِ بی‌دینی ئو هُواوهوس ایی دنیاءَ بنیمِ لا ئو وَه نوا ووژ گِرتِن ئو صالح‌بیئین ئو دینداری اِ ایی زمونَه زِنِه‌ی بِهِیم.

تیتوس 3:9

مِنتائای اژ چِنَه‌ل مِفتی گه اژ اَخمَخیِن ئو تَجِرَنُامَه‌ل ئو بَثَل ئو مِرافَه‌لَ اَر سر شریعت، دویرا بِگِر، اَرِیَگه یوئنَ بی‌فادَه ئو بی‌ارزشدِن.

عِبرانیَل 5:14

مِنتائای خوراک سنگین هِن کَلِنگِلَ، اونَلی گه وَه یِمِجو تمرین کِردِن، قدِرت تشقیص ووژو تربیتو کِردیَ تاگَه گَن ئو خو اژ یَک اِربارِن.