اول تیموتائوس 4:14 - کتاب مقدس به زبان لکی - گویش مرکزی

¹⁴ بی‌اِتِنائی نِهَه اَر عطای گه ها نومت‌اِر، عطای گه وَه‌سونگَ نبوّت هاوِنتَ بینِت هَراَ وخدَ گه شورا شیخَل دَسو نا اَر سرِت.

اول تیموتائوس 4:14 Iomraidhean Croise

کارَل رسولَل 11:30

دُماخِرِ هُنِئونَ کِرد ئو پیشکَشیِهَه‌ئونَ دس برنابا ئو سولُس کِل‌کِرد اِرَه تک شیخَل.

کارَل رسولَل 13:3

اَسَه، دُما دوعا ئو روژی گِرتِن، دَسو نا اَر سر هَردِکو ئو اونَلو رِ کِرد.

کارَل رسولَل 19:6

ئو وخدی گه پولُس دس نا اَرسر اونَل، روح‌القدس هات اَررُیو، هُنَ گه وَه زوئونَلِ‌تِر قصه‌ئو کِرد ئو نبوّتو کِرد.

کارَل رسولَل 22:5

کاهن اعظم ئو کُل عضا شورا یهود مَتونِن شاتی بیَن اَر مِه، اَرِیَگه نُامَه‌لمی اژ اونَل، اَرِه بِرالون اِنوم دمشق گِرت تاگَه بِچِم اِرَه اورَه ئو اونَلی گه هان اَر اورَه اسیر کَم ئو اَرِیَگه سزا کارو بوئینِن، بارمون اِنوم شیَر اورشلیم.

کارَل رسولَل 6:6

ایی پیالونَ آوِرد اِرَه تک رسولَل ئو رسولَل دوعائو کِرد، ئو اَرِه ایی خِلمتَ دَسو نا اَرنوم سرو.

کارَل رسولَل 8:17

اَسَه پطرس ئو یوحنا دَسَلو نا اَرنوم سر اونَل ئو اونَل روح‌القدسو گِرت.

اول تِسالونیکیَل 5:19

آگِر روحِ خدا کورا نَهَن.

اول تیموتائوس 1:18

اِاِ کُرِم، تیموتائوس، ایی فِربونتَ مَسپارِمَ بی، مِطابق نبوّتَلی گه وِرِکار اِبارَه تو بی تاگَه وَه یاریو اَ جنگ خوءَ، بِهِین.

اول تیموتائوس 4:15

ایی چیئِلَ بارَ جا ئو ووژِت وَخمو کَ تا تَرَخدی تو آشگارا بو اَر کُل کس.

اول تیموتائوس 5:17

شیخَلی گه خو رَبَریَ مَهَن، لائق عزّت دو بِرُوَرِن، مصخوصاً اونَلی گه اِ کار موعظَه ئو تیَلیم زیَمَتَ مَکیشِن.

اول تیموتائوس 5:19

نَچُ اِگِرد بُختِمی اَرضد یَکی اژ شیخَل، مَر وَه شاتی دو یا سه شات.

اول تیموتائوس 5:22

وَه هِلَه‌پِلَه کس اَرِه خِلمت مَیِّن نِهَه ئو اِ گنائَل کسَلی‌تِر هُم‌بیَر نو، بلکِم بوس اَرسر پاکی ووژِت.

اول تیموتائوس 6:12

اِ جنگ خو ایمو، جنگ بِهَه ئو بچسب اَر ژییاین ابدی‌ای گه اَرِه هِنا بینی ئو اَر تک شاتَل فِرِه‌ی اعتراف خوتَ بی کِرد.

دوئِم تیموتائوس 1:6

وَه ایی خاطرَ مارِمَ ویرِت گه اَ عطا خدا گه وَه‌سونگَ دس نائن مِن اَرسر تو، ها نومت‌اِر گُرا کِین.