اول تیموتائوس 3:6 - کتاب مقدس به زبان لکی - گویش مرکزی

⁶ ئو نَباس تازَه ایمو آوِردوئیتی، ناخواد قُراتا بو ئو اِجور ابلیس مَکوم بو.

اول تیموتائوس 3:6 Iomraidhean Croise

لوقا 10:18

عیسی وِتی‌ئونو: «مِه دیم گه شِطون اِجور تَش‌بِریق اژ آسمو کَت‌اِرا.

اول قرنتیان 3:1

مِنتائای، اِاِ بِرال، نِمَتونِم وَه‌گَرد هُمَه اِجور کسَلی گه روحِ خدا دیرِن قصَه بِهَم، بلکِم اِجور کسَلی گه جسمونیِن، یانی اِجور کسَلی گه اِنوم مسیح، کورپَه‌ن قصَه مَهَم.

اول قرنتیان 8:1

ئو مِنتائای اِبارَه خوراکَلی گه پیشکَشیَ ماو اَر بِتَل: مَذانیم گه «ایمَه کُل صائای علمیم.» ایی علمَ باعث قُراتیَ ماو، مِنتائای مِحبت بِنا مِهِه.

دوئِم قُرَنتیان 12:7

اِسَه اَرِیَگه وَه خاطر کَلِنگی بی‌حدِحساو مِکاشفَه‌ل قُراتا نوئم، دِرِکی اِنوم جسمو داءَ مِه، قاصی‌ای اژ جونِم شِطو تاگَه عذاوِم بِ، ئو نِیلی قُراتا بوئم.

اول تیموتائوس 3:7

اِلانَه باس اِنوم کسَلی‌شی گه اِ کلیسا هانَ دِریر نیکنُم بو تا رُسبا ناو ئو نَکُوءِ تِلَه ابلیس.

اول تیموتائوس 6:4

اژ قُراتی مَس بیَ ئو هُیچ نِمَفیَمی. هُنَ کسی ها هَلگَ‌هَلگ‌اِر اَرِه دَمَرَگَ ئو بَث اَر سر کِلمَه‌ل، گه اَژینی حَسوئی ئو مِرافَه ئو دُشمین ئو بدگُمونی هیزَمَگِری

دوئِم تیموتائوس 3:4

خیونتکار ئو بی‌مِلاحظَه ئو پِر اژ رِنگَریِن گه عِیاشی ویشتِر اژ خدا دوس دیرِن.

اول پطرس 2:2

ئو اِجور کورپَه‌ل، اَرِه شیر خَص روحانی شوقتو داشدوئی تا وَه‌سونگَ اَوَه اِنوم نجاد رشد بِهِینو،

اول پطرس 5:5

هُمِه‌یش اِاِ جِهالَل، فِربوبَر شیخَل بوئن. کُلتو اِ رفدارتو وَه‌گَرد یَکتِری جِنِک تاواضی بِهَنِ وَر، اَرِیَگه، «خدا موسی اَر نوا کسَلی گه قُراتِن، مِنتائای فیضَ موئَشخیَ کسَلی گه فِروتنِن.»

دوئِم پطرس 2:4

اَرِیَگه اَرّ خدا ریَم نَهَردی اَر فریشدَه‌لی گه گنائو کِرد، بلکِم اونَل آوشدیِ تیَه سیاچال جیَنِم ئو سپارتِنیَ زنجیرَل تیَریکی شوءَزنگی تا اَرِه داوری بِمینِن اَر اورَه؛

یهودا 1:6

ئو فریشدَه‌لی‌شی گه نوسیان اَرسر مقوم قدِرت‌واختیار ووژو، بلکِم جالیز دُریس ووژو هُیشتونِ جا چِن، اِ زنجیرَل ابدی هُیشتیَسیِ تیَریکی شوءَزنگی تا موقَع داوری اِ اَ روژ کَلِنگَ.