اول تیموتائوس 3:2 - کتاب مقدس به زبان لکی - گویش مرکزی

² اِسَه، یِه اُسقُف باس چیئی اِ زِنِه‌ی ناوتی تا وَه‌سونگَ اَوا لارَه بوتی اَری، میردَه یِه ژَن بو ئو وَه سر ووژا بو، بتونی نوا ووژ بِگِری، آوِری‌دار ئو هُن‌هاوو بو ئو بتونی تیَلیم بِ؛

اول تیموتائوس 3:2 Iomraidhean Croise

لوقا 1:6

اونَل هَردِک اَر وَر چیَم خدا آمَل صالحی بین ئو مِطابق کُل فِربونَل ئو حکمَل خداون، بی‌عِو رفدارونَ مَهَرد.

لوقا 2:36

اَر اورَه ژَن نبوّت‌کَری زِنِه‌یَ مَهَردی گه نُم حَنّا بیتی، دِت فَنوئیل اژ طائفَه اَشیر. او فِرَه پیر بی. حَنّا هفت سال دُما شوی کِردِنی، میردَه مِردوئیتی

رومیان 12:13

اِ زفتِ‌رفت هَوَجَه‌ل ایمودارَل مسیح هُم‌بیَر بوئن ئو هُن‌هاوو بوئن.

فیلیپیَل 2:15

تاگَه بی‌عِو ئو بی یَگه تصقیرکار بوئینو، آیلَل بی‌عِو خدا بوئینو، اِنومجا نسِل تور ئو اَژرئی‌اِرهاتی‌ای گه هُمَه اِنومو اِجور نُیر اِنوم ایی دنیاءَ بِریقَه‌تونَ مای.

اول تیموتائوس 3:12

هر شمّاسی باس میردَه یِه ژَن بو ئو هَمیش باس آیلَل ئو عتِ‌عیال ووژ خو ادارَه بِهِه.

اول تیموتائوس 3:8

هَمیش شمّاسَل کلیسا باس سنگین بوئن؛ نه وَر آینَه پِشت مخِراض یا شِراوی ئو یا اِ تَما نفع نادُریس.

اول تیموتائوس 4:3

اُوُ شوی کِردِن ئو ژَن هُاستِن قِدَخَنَ مَهَن ئو فِربونَ میَنَ پیَریز کِردِن اژ خوراکَلی گه خدا خَلک کِردیِ تا کسَلی گه ایمون اَر حخیخت دیرِن ئو مَشتاسِنی، وَه شگِرگزاری، اَژینو بیرِن.

اول تیموتائوس 5:10

ئو وَه کارَل خو بشتاسِنی، یانی آیلَل خو تربیت کِردوئیتی، هُن‌هاوو بو، پال ایمودارَل مسیح شورئیتی، دردَبارَل یاری دائیتی، ئو ووژ وَخم هر کار خوئی کِردوئیتی.

اول تیموتائوس 5:22

وَه هِلَه‌پِلَه کس اَرِه خِلمت مَیِّن نِهَه ئو اِ گنائَل کسَلی‌تِر هُم‌بیَر نو، بلکِم بوس اَرسر پاکی ووژِت.

اول تیموتائوس 5:9

فَخَد نُم بیوَه‌ژَنی بِنُیسِن گه ویشتِر اژ شص سال بوتی ئو یِه شوی ویشتِر نَهَردوئیتی.

دوئِم تیموتائوس 2:24

خادم خداون نَباس مِرافَه بِهِه بلکِم باس وَه‌گَرد کُل کس مِرِبو بو، بتونی تیَلیم بِ، ئو وَه صبِر گَنی تیَمِل کِ.

تیتوس 2:2

ریش‌اَسبیَل باس هوشیار ئو سنگین بوئن ئو نوا ووژو بِگِرِن ئو اِنوم ایمون ئو مِحبت ئو پایاری دُریس رفدار بِهَن.

عِبرانیَل 13:2

اژ هُن‌هاوونی اژ خَریوَل خافل نوئن، اَرِیَگه وَه ایی کارَ، بِری نَذِناسدی اژ فریشدَه‌ل مِموداریو کِرد.

عِبرانیَل 3:14

اَرِیَگه اِنوم مسیح هُم‌بیَرا بیمونَ، اَرّ اِراسی تاگَه آخِر بچسبیمون اَر اَ اطمینو اول ووژمونا.

اول پطرس 4:7

آخِر کُل چی نزیکَ؛ اِسَه وَه خاطر دوعائَلتو نوا ووژتو بِگِرِن ئو وَه سر ووژتونا بوئن.

اول پطرس 4:9

یَکتِری بی‌خُت‌خَت مِمو کَن.

اول پطرس 5:8

هوشیار بوئن ئو حُواستو بو، دشمن هُمَه ابلیس اِجور شیری گه مَنِرکِنی دیری گِرد سِرَ مِ ئو مِنِی کسی مِهِه تا قویت اِرادِیتی.