اول تیموتائوس 3:16 - کتاب مقدس به زبان لکی - گویش مرکزی

¹⁶ اِراسی گه سِرّ دینداری فِرَه کَلِنگَ: او گه اِنوم جسم ظاهر بی، وَه‌سونگَ روحِ خدا ثابت بی، فریشدَه‌ل اوُ دی، اِنومجا قومَل اِلوم بی، اِنوم دنیا ایمونو آوِردَ بی، ئو وَه جِلال، ویرِ بِلِنگ بَریا.

اول تیموتائوس 3:16 Iomraidhean Croise

مَتّی 1:23

«اِسگَه، اوزا لَم پِرَ ماوتی، کُری ماریَ دی ئو نُمَ مَنِنیَ عِمانوئیل،» گه یانی ’خدا وَه‌گَرد ایمَه‘.

مَتّی 13:11

جوواوا دانی: «فیَم رازَل پاتِشائی آسمونو داسَ هُمَه، مِنتائای نه وَه اونَل.

مَتّی 28:2

یِگِلی بیَ زمی‌لرزَه سخدی، اَرِیَگه یَکی اژ فریشدَه‌ل خداون اژ آسمو هاتَ هُار ئو چی ویرِ لَحَکِهَه ئو بَردِهَه اژ وَر پِل داءِ لا، ئو نیشتی اَرسر.

مَتّی 3:16

وخدی عیسی تیَمید گِرتی، هِرازِه اژ آو اِرهات. هَراَ حِنَ آسمو تاقا بی ئو یحیی روحِ خدا دیتی گه چُی کموتری هاتَ هُار ئو نیشت اَررُی عیسی‌آ.

مَتّی 4:11

اَسَه ابلیس او وِل کِردی ئو فریشدَه‌ل هاتِن، خِلمَتون‌ اَژینَ مَهَرد.

مَرقُس 1:13

عیسی چِل روژ اِنوم بیاوو بی ئو شِطو او اِنتحونَ مَهَردی. او وَه‌گَرد حِوونَل وَشی سرَ مَهَردی ئو فریشدَه‌ل خِلمَتون‌ اَژینَ مَهَرد.

مَرقُس 16:19

اَسَه عیسیِ خداون دُما یَگه ایی قصه‌لَ وِتیَ بینو، ویر آسمو بَریا، ئو نیشت اَر دس راس خدا.

مَرقُس 16:5

اَسَه چِن اِنوم لَحَک، پیا جِهالونی دی گه نیشتوئیِ لا راسا ئو چوخا اِسبی‌ای اِوَر بیتی. وخدی اوُ دی زِلَ‌تِراقا بین.

لوقا 2:32

نُیری اَرِه آشگارا کِردِن حخیخت، اَر قومَلی‌تِر؛ ئو جِلالی اَرِه قوم تو، قوم اسرائیل.»

لوقا 20:44

اَسَه اَرّ داوود اوءَ ”خداون“ هِنا مِهِه، چطورَ مَتونی کُر داوود بو؟»

لوقا 22:43

اَسَه فریشدِه‌ی اژ آسمو ظاهر بیتی اَری ئو قویَت دائون.

لوقا 24:4

اژ ایی اتفاقَ واقونِ دَم پَروئی، گه وَه یِگِل دو پیا هوسیان اَر لِفو گه جِنِکَلونَ مَجویجیا.

لوقا 24:51

ئو هَرهُنَ گه بِرَکتَ مانی اَژینو جیاآ بی ئو ویرِ آسمو بَریا.

یوحنا 1:14

ئو کلوم، بیَ اِنسو ئو لیز گِرت اِنوم ایمَه. ایمَه جِلال اومو دیَ، جِلالی لائق اَ یَکونَه کُرَ گه اژ جونِم باوَه آسمونی هات، پِر اژ فیض ئو حخیخت.

یوحنا 13:3

عیسی گه مَذِناسدی باوَه کُل چی داسیَ دس اوآ، ئو اژ تک خدا هاتیَ ئو مَچو اَرِه تک او،

یوحنا 15:26

«مِنتائای وخدی گه اَ هِنارَسَ گه اژ جونِم باوَه اَرِه هُمَه کِلَ‌مَهَم بای، یانی روحِ حخیخت گه اژ جونِم باوَه مای، او ووژ اِبارَه مِه شاتیَ مِ،

یوحنا 16:28

مِه اژ تک باوَه هاتِمَ ئو هاتِمَسَ نوم ایی دنیا؛ ئو اِسگَه ایی دنیا مِیلِمَ جا، ئو مَچِم اَرِه تک باوَه.»

یوحنا 17:5

ئو اِسگَه باوَه، تونیش اَر تک ووژِت جِلالِم دَ، هَراَ جِلالی گه وِر اژ یَگه دنیا دُریس بو، اَر تک تونِم داشد.

یوحنا 20:12

اَسَه دو فریشدَه دیتی گه جِنِکَل اِسبی اِوَرو بی ئو اَر اورَه گه جنازَه عیسی‌ئو نائی، یَکی اِ جا سر ئو یَکی‌تِر اِ جا پال نیشتوئی.

یوحنا 6:62

اِسَه اَرّ کُر اِنسو بوئینینو گه دیری وَه جای مَچوءِ بِلِنگ گه وِرِکار بیَسی، چَه مِهِینو؟

کارَل رسولَل 1:19

کُل مردِمی گه اِنوم اورشلیم زِنِه‌یونَ مَهَرد، اژ ایی اتفاقَ خَوَردارا بین ئو نُم اَ زمینونَ وَه زوئو ووژو نا اَر ’حَقِلْ‌دَما‘، یانی زَمی خوین.)

کارَل رسولَل 10:34

پطرس دَم واز کِردی ئو وِتی: «اِراسی فیَمیم گه خدا دوچیَمکی نِمِهِه؛

کارَل رسولَل 14:27

هَریَگه رَسین اَر اورَه، کلیسائون اَر دور یَکا جیَم دا ئو اژ چیئَلی گه خدا وَه‌سونگَ اونَل اَنجوم دائیتی، تیَریفون اَرِه کِردِن گه چطور خدا در ایمو واز هُیشتیَسی اَررُی خِرِیهودیَل.

کارَل رسولَل 20:28

حُواستون اَر ووژتون ئو کُل ریئَن بو، گه روح‌القدس هُمَل اَرِه نظارت اَر اونَل اِنتخاو کِردیِ تاگَه کلیسا خداون گه وَه خوین ووژ خِریَسی شوئونی کِینو.

رومیان 10:12

اَرِیَگه فرخی اِ بِن یهودی ئو یونانی نیَ، اَرِیَگه هَراَ خداونَ، خداون کُلَ ئو چَل‌چَل بِرَکتَ مِئَه کُل کسَلی گه هِنا مَهَنی‌اِر.

رومیان 10:18

مِنتائای مَپِرسِم: مَر نَشتَفتو؟ اَلوَت گه شنَفتو: «دَنگو پَشخا بیَسِ سِرُسَر زَمی، ئو کَلومو رَسیَس اَر اَ پر دنیا.»

رومیان 16:25

اِسگَه جِلال اَر او گه مَتونی مِطابق انجیلی گه مِن اِبارَه عیسی مسیح موعظَه مَهَم، تقویتتو کِ، -مِطابق مِکاشفَه اَ رازَ گه اَرِه زمونَه‌ل دِریژی آشاریا مَنوئی.

رومیان 16:26

ئو اِسگَه کَتیَسِ در ئو وَه‌سونگَ نُسَخ پِخَمَرَل، مِطابق حکِم خداءِ ابدی آشگارا بیَس اَر کُل ملتَل، تاگَه اونَل ایمو بارِن ئو اطاعت بِهَن-

رومیان 3:4

هرگِس! جُ‌جُ اَرّ کُل آمَل دِروزِن بوئن، خدا راس‌وَشَ! هَرهُنَ گه اِنوم کِتاو زبور داوود نُیسیاءَ: «اَژونَسَ وخدی قصَه مِهِین، حخ ها دس تونا، ئو وخدی داوریَ مِهِین، فائقَ ماین.»

رومیان 8:3

اَرِیَگه اَ چیئَه گه شریعت وَه خاطر زوئین بیئین جسم نتونستی اَنجوم دِ، خدا اَنجوم داتی. او کُر ووژ وَه دائول جسم گناکار کِل‌کِردی تا ’قُرونی گنا‘ بو، ئو هُنَ گنا اِنوم جسم مَکوم کِردی

رومیان 9:5

باوَه‌ل قوم هِن اُوُنِن، ئو مسیح، مِطابق جسم اژ لون اُوُنَ، خدای گه هار بِلِنگ کُل، بِمارِکَ تا ابد. آمین.

اول قرنتیان 15:47

اِنسو اول اژ زَمی بی ئو اژ خاک؛ اِنسو دوئِم اژ آسمونَ.

اول قرنتیان 2:7

بلکِم حکمت خدا اِلومَ مِهِیم گه اِنوم یِه رازی پنهو بی گه خدا اژ اَ اولَ اَرِه جِلال ایمَه نا.

دوئِم قُرَنتیان 1:19

اَرِیَگه کُر خدا، عیسی مسیح، گه ایمَه، مِن ئو سیلاس ئو تیموتائوس، اومون اِنوم هُمَه موعظَه کِرد، ’اَاَ‘ ئو ’نه‘ نوئی، بلکِم اِنوم مسیح هَر ’اَاَ‘ هَس.

غَلاطیَل 2:8

اَرِیَگه او گه وَه‌سونگَ پطرس اِجور رسول یهودیَل کار کِردی، وَه‌سونگَ مِن‌یش اِجور رسول خِرِیهودیَل کار کِردی.

غَلاطیَل 4:4

مِنتائای وخدی زمونی گه مَیِّن بیَ، تمومِ‌کمال رَسی، خدا کُر ووژ کِل‌کِردی گه اژ یِه ژَن زاندَه بی ئو اِژیر شریعت هاتَ دی،

اَفِسُسیَل 1:9

خدا وَه ایی کارَ راز قَص ووژ شناسونی اَر ایمَه، ئو هُنَ گه ووژ صِلا دیتی اِنوم مسیح آشگارا کِردی

اَفِسُسیَل 6:19

اَرِه مِن‌یش دوعا بِهَن، تا هَر یَگه دَمِم اَرِه قصَه کِردِن وازَ مَهَم، قدِرت کلوم بَشخیا بوءَ بینِم تا راز انجیل وَه جورَت اِلوم بِهَم،

کولُسیَل 1:23

اَرّ هُمَه سفدِسخد ئو پایار بِمینینون‌ اَرسر ایمونتو ئو اژ امید انجیلی گه شنَفتِتونَ تَکو نیرینو، هَراَ انجیلی گه اِنوم تموم خلقت ژیر آسمو اِلوم بیَ، ئو مِه، پولُس، بیمَسَ خادم اَوَه.

کولُسیَل 1:27

خدا هُنَ هِستی تا اَرِنو آشگارا بِهِه گه ایی سِرَّ چه جِلال بی‌حدِحساوی اِنوم خِرِیهودیَل دیری، ایی سِرَّ یَسَ گه مسیح، گه امید جِلالَ، ها اِنوم هُمَه.

کولُسیَل 1:6

انجیلی گه رَسیَسَ بینتو هَرهُنَ گه اِ سِرُسَر دنیا ثمرَ مِ ئو رشدَ مِهِه، هَرهُنِ‌یشَ اژ روژی گه هُمَه اَوتونَ شنَفت ئو فیض خداتون اِنوم حخیخت فیَمی، اِنوم هُمِه‌یش کار کِردیِ.

کولُسیَل 2:2

تاگَه دلگرم بوئن، اِنوم مِحبت بوئنَ یَکی ئو اژ پِری بی‌حدِحساو اطمینو کاملی گه اژ فیَمَ ماءَ دس بیَردارا بوئن ئو هُنَ راز خدا گه مسیحَ، بفیَمِن.

دوئِم تِسالونیکیَل 1:10

اَسَه گه او اِ اَ روژَ مای تاگَه اِنوم ایمودارَل ووژ جِلال بِگِری ئو اِنوم کُل کسَلی گه ایمونو آوِردیَ باعث بِلُجوئی هاتِن بو، یَه اَرِه هُمِه‌یشَ، اَرِیَگه ایمونتو آوِردیَس اَر شاتی ایمَه.

دوئِم تِسالونیکیَل 2:7

اَرِیَگه راز بی‌دینی هَراِسگِه‌یشَ دیری کارَ مِهِه، فَخَد تا وخدی گه اَوَه گه اِسگَه نواءَ مَگِرتی، بِ اِلا.

اول تیموتائوس 3:9

اونَل باس وَه وِژدان پِرچِ‌پاک سِرّ ایمو حفظ بِهَن.

عِبرانیَل 1:3

او نُیر جِلال خدا ئو نَشق کامل ذاتَسی، ئو وَه کلوم قدِرت ووژ، کُل چی حفظَ مِهِه. او دُما پاکا کِردِن گنائَل، نیشت اَر دس راس حضرت اعلی‌آ، اِ عرشِ فِلک.

عِبرانیَل 12:2

ئو گِز بِهِیم اَر عیسی گه بِناوَه ایمون ایمِئَه ئو ایمونمو کاملا مِهِه گه وَه خاطر اَ خَوشی‌ای گه اَر نوا بیتی، صلیب تیَمِل کِردی ئو ننگ اَوَه خوارا کِردی ئو اِسگَه نیشتیَس اَر دس راس تخت خداآ.

عِبرانیَل 7:7

ئو چِرچی نیَ، گُجَرتِرَ گه اژ کَلِنگتِر بِرَکتَ مَگِری.

عِبرانیَل 8:1

اِسگَه مصقود اصِلی چیئی گه موشیم یَسَ گه ایمَه هُنَ کاهن اعظمی دیریم گه نیشتیَس اَر دس راس تخت حضرت اعلی‌ اِنوم آسمونا

اول پطرس 1:12

کَتِ در اَرِنو گه خِلمت اژ هُمَه‌ئونَ مَهَرد نه ووژو، اَسَه گه اژ چیئَلی قصه‌ئونَ مَهَرد گه اِسگَه اِبارَه اونَل اژ بشارت‌کَرَل انجیلَ مَشتوئینو، اژ اونَل گه وَه‌سونگَ روحِ خدا گه اژ آسمو کِل‌بیَ، بشارتَ میَنَ بینتو. جُ‌جُ فِریشدَه‌ل‌یش شوق سِیل کِردِن اَر ایی چیئِلَ دیرِن.

اول پطرس 1:20

او وِر اژ یَگه بِنیا دنیا بِنِری مَیِّن بی، مِنتائای اِ ایی زمونَل آخِرَ وَه خاطر هُمَه ظاهر بی.

اول پطرس 1:21

هُمَه گه وَه‌سونگَ او ایمونتو آوِردیَس اَر خدا، خدای گه او اژ مِردیَل زِنیا کِردی ئو جِلال داتیَ بی، تاگَه ایمون ئو امیدتون اَر خدا بو.

اول پطرس 3:18

اَرِیَگه مسیح‌یش یِه گِل اَرِه گنائَل عذاو کیشیتی، یانی اَ آم صالحَ اَرِه آمَل ناصالح، تا باریتون‌ اَرِه تک خدا. او اِنوم جسم کُشیا، مِنتائای اِنوم روح، زِنیا بی،

اول پطرس 3:22

هَر او گه ویرِ آسمو چی ئو اِسگَه ها اَر دس راس خدا ئو فریشدَه‌ل ئو صائای‌قدِرتَل ئو قویَتَل فِربوبَر اوئِن.

اول یوحنا 1:2

ایی ژییاینَ آشگارا بی؛ ئو ایمَه اَومونَ دیَ ئو اَر اَوَه شاتیَ مِیم. ایمَه ژییاین ابدی‌ای اِلومَ مِهِیم اَرینتو، گه اَرتَک باوَه بی ئو آشگارا بی اَر ایمَه؛

اول یوحنا 3:5

هُمَه مَذانینو گه مسیح ظاهر بی تاگَه گنا اژ بِن بیَری. اِنوم او هُیچ گنای نیَ.

اول یوحنا 3:8

هر کی اِنوم گنا زِنِه‌یَ مِهِه اژ ابلیسَ، اَرِیَگه ابلیس هَر اژ اَ اولا گنا کِردیِ ئو مِهِه. اَژونَبیَ گه کُر خدا ظاهر بی تاگَه کارَل ابلیس باطل کِ.

مِکاشفَه 17:5

ئو اَررُی توئلی ایی نُم بِلُجوئیَ نُیسیائی: «بابِل کَلِنگ، دا ژِنَل خِراو ئو کفارت‌دارَل زَمی.»

مِکاشفَه 17:7

فریشدَه وِتی‌ئونِم: «چات اژ ووژتا چینَ؟ مِه راز اَ ژِنَ ئو اَ جونور وَشیَ گه هفت سر ئو دیَه شاخ دیری ئو اَ ژِنَ سُوارَسی، موشِم‌ئونِت.

مِکاشفَه 7:9

دُما اَوَه سِیلِم کِرد ئو اِسگَه، جَرخَه کَلِنگی اژ هر ملت، طائفَه ئو قوم ئو زوئونِم دی گه کس نِمَتونی بشمارتی ئو کُلو هوسیائین اَر وَر تخت ئو اَر وَر وَرک. اونَل کُل چوخائَل اِسبی اِوَرو بی ئو پَلَل خرما اِ دَسو.