اول تیموتائوس 3:15 - کتاب مقدس به زبان لکی - گویش مرکزی

¹⁵ تا اَرّ دیر بی، بِذانین گه اِنوم مال خدا گه کلیسا خداءِ زِنی ئو کول ئو پِ حخیختَ باس چطور رفدار بو.

اول تیموتائوس 3:15 Iomraidhean Croise

مَتّی 16:16

شَمعونِ پطرس جوواوا داتی: «تو هَراَ مسیحینَ گه باس بای، کُر خداءِ زِنی!»

مَتّی 18:18

حخیختاً، موشِم‌ئونتو، هر چی گه اَررُی زمینا بوئنینو، اِنوم آسمونَ موئنی؛ ئو هر چی گه اَررُی زمینا واز بِهِینو، اِنوم آسمو وازَ ماو.

یوحنا 1:17

اَرِیَگه شریعت وَه‌سونگَ موسی بَشخیاسَ بینمو؛ فیض ئو حخیخت وَه‌سونگَ عیسی مسیح هات.

یوحنا 14:6

عیسی وِتیَ توما: «مِنِم رئی، مِنِم حخیخت، ئو مِنِم ژییاین؛ هُیچ کس نِمای اَرِه تک باوَه مَر وَه‌سونگَ مِنا.

یوحنا 18:37

پیلاتُس اَژی پِرسی: «اِسَه تو پاتِشای کین؟» عیسی جوواو داتی: «توءَ موشین گه مِه پاتِشام. مِه اَرِه یَه زاندَه بیم، ئو اَرِه یَه هاتِمَسَ ایی دنیا تاگَه اِبارَه حخیخت شاتی بیَم. اَسَه هر کی گه لا حخیخت دیری، گوشَ مَگِریَ قصَه‌ل مِه.»

یوحنا 6:69

ئو ایمَه ایمونمو آوِردیَ ئو فیَمیمونَ گه اَ قدوسِ خدا تونین.»

کارَل رسولَل 1:2

تا روژی گه وَه‌سونگَ روح‌القدس، فِربونَلی داتیَ رسولَلی گه ووژ دیاری کِردوئینی ئو اَسَه ویرِ بِلِنگ بَریا.

کارَل رسولَل 14:15

«اِاِ پیال، اَرِه‌چَه هُنَ مِهِینو؟ ایمِه‌یش چُی هُمَه اِنسونیم. ایمَه خَوَر خَوش پاتِشائی خدا مِیم‌ئونتو گه اژ ایی چیئَل باطلَ دس هیزدِینو ئو ویرِ خداءِ زِنی اِربِپِلینو گه آسمون ئو زمین ئو دریا ئو هر چیئی گه ها نومون‌اِر، خَلک کِردی.

رومیان 3:2

فِرَه، اژ کُل لِحاظی. اول یَگه کلوم خدا وَه اَمونت سپارتیاس‌ئونو.

رومیان 9:26

ئو هَمیش: «اَر هَراَ جاءَ گه وِتون‌ئونو: ”هُمَه قوم مِه نیئینو“، اَر اورَه موشِن‌ئونو ’کُرَل خداءِ زِنی‘.»

اول قرنتیان 10:32

هُیچ‌کس نَرَنجِنِن، چه یهودیَل، چه یونانیَل ئو چه کلیسا خدا،

اول قرنتیان 3:16

یانی نِمَذانینو گه معبد خدائینو ئو روحِ خدا لیز گِرتیَس اِنوم هُمَه؟

دوئِم قُرَنتیان 3:3

ئو هُمَه نشونَ مِینو گه نُامه‌ی اژ جونِم مسیحینو، گه وَه‌سونگَ ایمَه رَسیَ، نُامه‌ی گه نه وَه جوهر بلکِم وَه روحِ خداءِ زِنی نُیسیاءَ، ئو نه اَررُی کتیبَه‌ل بَردین، بلکِم اَررُی کتیبَه دلَل اِنسونی.

دوئِم قُرَنتیان 6:16

معبد خدا ئو بِتَل چطورَ مَکُوئِن اَر یَک؟ اَرِیَگه ایمَه معبد خداءِ زِنیئیم. هَرهُنَ گه خدا اِنوم تورات ئو کِتاوَل پِخَمَرَل وِتی: «مِه لیزَ مَگِرِم اِنوم اونَل، ئو اِنوم اونَل مَچِمَ رئیا، ئو مِنَ موئمَ خدا اونَل ئو اونِلَ موئنَ قوم مِه.»

دوئِم قُرَنتیان 6:7

وَه راس‌وَشی، وَه قدِرت خدا ئو وَه شِمشیر صالح‌بیئین اِ دس راس ئو چپ؛

غَلاطیَل 2:9

اِسَه وخدی یعقوب ئو پطرس ئو یوحنا گه سُتینَلَ چیَما ماهاتِن، فیضی گه نَصُی مِه بوئیو دی، دس رِقیفیو داءَ مِن ئو برنابا ئو کَتیم اَر یَک گه ایمَه بِچیم اَرِه تک خِرِیهودیَل ئو اُوُ بِچِن اَرِه تک ختینَه‌کَریائَل.

غَلاطیَل 3:1

اِاِ غَلاطیَل نایو، کی جادوتو کِردیِ؟ مرگ عیسی مسیح هُنَ آشگارا اَرِنتو تیَریف بی مَری اِ وَر چیَمَلتو کیشیا اَر صلیب.

اَفِسُسیَل 4:21

فرضَ مَنِم اَر یَگه اِبارَه اوتو شنَفتیَ ئو مِطابق اَ حخیختَ گه اِنوم عیسی هَس، اِنوم او تیَلیمتو گِرت.

کولُسیَل 1:5

گه یوئنَ اژ امیدی گه اِ آسمو اَرِه هُمِه‌ئو هُیشتیَ مای، گه وِرِکار اِنوم کلوم حخیخت یانی انجیلتو شنَفتیَ،

اول تِسالونیکیَل 1:9

اَرِیَگه اونَل ووژو اژ یَگه چطور وَه گرمی چینونَسِ گِرد ایمَه اَرِنمونَ موشِن ئو اژ یَگه چطور بِتَلتو ناءِ لا ئو گِلتوناهُارد ویرِ خدا تاگَه خِلمت اژ خداءِ حخیخی ئو زِنی بِهِینو.

اول تیموتائوس 3:14

امیدَوارِم وَه ایی زویَ بام اَرِه تَکِت، مِنتائای یوئنَتَ اَرِنَ مَنُیسِنِم،

اول تیموتائوس 3:16

اِراسی گه سِرّ دینداری فِرَه کَلِنگَ: او گه اِنوم جسم ظاهر بی، وَه‌سونگَ روحِ خدا ثابت بی، فریشدَه‌ل اوُ دی، اِنومجا قومَل اِلوم بی، اِنوم دنیا ایمونو آوِردَ بی، ئو وَه جِلال، ویرِ بِلِنگ بَریا.

اول تیموتائوس 3:2

اِسَه، یِه اُسقُف باس چیئی اِ زِنِه‌ی ناوتی تا وَه‌سونگَ اَوا لارَه بوتی اَری، میردَه یِه ژَن بو ئو وَه سر ووژا بو، بتونی نوا ووژ بِگِری، آوِری‌دار ئو هُن‌هاوو بو ئو بتونی تیَلیم بِ؛

اول تیموتائوس 3:5

اَرِیَگه اَرّ کسی نَذانی چطور عتِ‌عیال ووژ ادارَه بِهِه، چطورَ مَتونی مِتیَه‌جی کلیسا خدا بو؟

اول تیموتائوس 4:10

اَرِیَگه ایمَه امیدمو بَسدیَسَ خداءِ زِنی گه نجاددهندَه کُل مردِمَ، مصخوصاً ایمودارَل؛ اَرِیَگه هَر اَرِه یَه زیَمَتَ مَکیشیم ئو تقِلاءَ مِهِیم.

اول تیموتائوس 6:16

او گه تَنیا کسی کَ گه نَمِرَ، او گه لیز گِرتیَس اِنوم نُیری گه کس نِمَتونی نزیکا بوتی، هُیچ‌کس هرگِس او نِئیَسی ئو نِمَتونی بوئینتی، عزّت ئو سِلطنت تا ابد اَری بوتی. آمین.

دوئِم تیموتائوس 2:19

وَه ایی حالا بِناوَه موکَمی گه خدا ناسی، پایارَ ئو هُنَ میر بیَ گه: «خداون کسَل ووژَ مَشتاسی،» ئو «هر کی نُم خداون باریَ زوئو باس اژ نادُریسی دویرا بِگِری.»

دوئِم تیموتائوس 2:20

اِسگَه اِنوم مال کَلِنگی فَخَد حاجَتَل طِلا ئو نُخِرَه نیَ بلکِم چوئین ئو گِلین‌یش هَس؛ قِری اَرِه عزّت نائنَ مانَ کار، قِری اَرِه کارَل وَردَسی.

عِبرانیَل 10:21

ئو اَرِیَگه کاهن کَلِنگی اَررُی مال خدا دیریم،

عِبرانیَل 12:22

مِنتائای هُمَه نزیکا بینونَس اَر کوی صَهیون، ئو اَر شیَر اورشلیم آسمونی گه شیَر خداءِ زِنیَ ئو اَر جیَم هزارون هزار فریشدَه خَوشال،

عِبرانیَل 3:12

اِاِ بِرال، حُواستو بو گه ناخواد اِنوم یَکی اَژینتو دل گَن ئو بی‌ایمونی بو گه اژ خداءِ زِنی دویرتونا کِ.

عِبرانیَل 9:14

چَنی ویشتِر، خوین مسیح گه وَه‌سونگَ روحِ ابدی، ووژ بی‌عِو پیشکَش کِردی اَر خدا، وِژدان ایمَه اژ کارَل بی‌ثمر پاکا مِهِه تاگَه خِلمت اژ خداءِ زِنی بِهِیم!

اول پطرس 2:5

هُمِه‌یش ووژتو اِجور بَردَل زِنی اِطور مال روحانی‌ای بِناءَ موئینو تا کاهنَل مقدّسی بوئینو گه وَه‌سونگَ عیسی مسیح، قُرونیَل روحانی‌ای گه خدا قبولَ مِهِه تقدیم بِهِینو.

اول پطرس 4:17

اَرِیَگه وخد اَوَه رَسیَ گه بِنیا داوری، اژ مال خدا بِنِری؛ ئو اَرّ بِنیا اَوَه اژ ایمَه مَنِری، اِسَه عاقویَت اونَلی گه اژ انجیل خدا اطاعت نِمَهَن، چَه ماو؟

مِکاشفَه 7:2

اَسَه فریشدِه‌‌‌ی‌تِرِم دی گه اژ جای گه هویَرَ مِ ماءِ رُ ئو میر خداءِ زِنی هایتیَ بی، ئو وَه دَنگ کَلِنگ هِنا کِردیَ اَ چوار فریشدَه گه قدِرتو دائیونو گه ضِرَد بیَنَ زمین ئو دریا،