اول تیموتائوس 3:13 - کتاب مقدس به زبان لکی - گویش مرکزی

¹³ اَرِیَگه اونَلی گه اِ کار شمّاسی خو خِلمتَ مَهَن، مقوم خوئی اَرِه ووژونَ مارِنَ دس ئو اِنوم ایمو وَه مسیحْ عیسی مَرَسِنَ اطمینو فِرِه‌ی.

اول تیموتائوس 3:13 Iomraidhean Croise

مَتّی 20:28

هُنَ گه کُر اِنسون‌یش نِهات تاگَه خِلمت اَژی بِهَنی، بلکِم هات تاگَه خِلمت بِهِه ئو تا گیون ووژ اِجور نَسَخ آزادی اَرِه فِرَه کسَل بِ.»

مَتّی 25:21

اَرباوِهِه جوواو داتی: ”آفِری، اِاِ خِلمتکار خو ئو اَمونتدار! اِ چیئَل کم اَمونتدار بین، اِسَه چیئَل فِرَه‌تی میَمَ دَسا. بوری بوءَ هُم‌بیَر خَوشی اَرباو ووژِت!“

لوقا 19:17

آقای وِتون: ”آفِری، اِاِ خُلُمِ خو! اَرِیَگه اِ چیئَل کَم اَمونتدار بین، حکِمرونی دیَه شیَرتَ مَسپارِم‌ئون.“

کارَل رسولَل 21:35

وخدی پولُس رَسیَ نزیک پِلَه‌ل قَلَه، وَه‌چوینا گه جیَمیَت فِرَه خِضدارا بوئین سَروازَل مجبور بین پولُس اَرسر دَسَلونا بیَرِن.

کارَل رسولَل 6:15

هَراَ حِنَ، کُل کسَلی گه اِنوم شورا بین، گِزو کِرد اَر استیفان ئو دییو نوم‌رُی بیَسیَ چُی نوم‌رُی فریشدَه‌ل.

کارَل رسولَل 6:5

کُل اژ ایی قصَه خَوشو هات. اَسَه استیفانو گه پیای پِر اژ ایمون ئو روح‌القدس بی، وَه‌گَرد فیلیپُس، پْروخُروس، نیکانور، تیمون، پَرمیناس ئو نیکولائوس، گه اژ مردِم اَنطاکیَه بی ئو یهودیا بوئی، اِنتخاو کِرد.

کارَل رسولَل 6:8

استیفان پِر اژ فیض ئو قدِرت بی ئو مُجِزَه‌ل ئو نشونَه‌ل کَلِنگی اِنوم مردِم اَنجومَ ماتی.

اول قرنتیان 16:15

-هُمَه مَذانینو گه هوز اِستِفاناس اول کسَلی بین گه اِنوم هیال اَخائیَه ایمونو آوِرد، ئو اونَل ووژو وَخم خِلمت اژ ایمودارَل مسیحو کِردیَ- اِسگَه بِرال، مَلالکِم‌ئونتو

فیلیپیَل 1:14

ئو فِرَه کسَل اژ ایمودارَل وَه خاطر زندونی بیئِن مِه هُنَ اِنوم خداون دِلو قرص بیَ گه کلوم خدا وَه جورَت ویشتِری، بی‌یَگه زِلِئو بِچو، موشِن.

اول تِسالونیکیَل 2:2

بلکِم هُنَ گه مَذانینو وَه‌یاآگه وِر اژ یَه اِ شیَر فیلیپی عذاومو کیشی ئو گَنیونی اَر ایمَه کِرد گه باعث خجالتَ، مِنتائای ایمَه وَه یاری خدا زِلَمو کِرد گه وَه‌یاآگه سخد اَرضد ایمَه بین، انجیل خدا اِلوم بِهِیم اَر هُمَه.

اول تیموتائوس 3:14

امیدَوارِم وَه ایی زویَ بام اَرِه تَکِت، مِنتائای یوئنَتَ اَرِنَ مَنُیسِنِم،

دوئِم تیموتائوس 2:1

اِسَه تو اِاِ کُرِم، وَه فیضی گه ها نوم مسیحْ عیسی‌اِر قویَت بِگِر،

عِبرانیَل 6:10

اَرِیَگه خدا بی‌انصاف نیَ گه کار هُمَه ئو مِحبتی گه وَه خاطر نُم او اِ خِلمت اژ ایمودارَل مسیحتو نِشو داءَ ئو هَنی‌شَ مِینو، اِویر بِچوتی.