اول تیموتائوس 2:7 - کتاب مقدس به زبان لکی - گویش مرکزی

⁷ اَژونَسَ مِه اِنتخاو بیم تا موعظَه‌کَر ئو رسول ئو مَلِم خِرِیهودیَل اِ ایمون ئو حخیخت بوئم -مِه حخیختَ موشِم ئو دِرو نِموشِم.

اول تیموتائوس 2:7 Iomraidhean Croise

یوحنا 7:35

اَسَه یهودیَل موئِتونَ یَکتِری: «ایی پیا میا بِچو اَرِه کو گه ایمَه نِمَتونیم بِهِیمیَ دی؟ یانی مِه بِچو اَرِه تک یهودیَلی گه اِنوم یونانیَل پَشخِ‌پِلاآ بینَ ئو تیَلیم بیَ یونانیَل؟

کارَل رسولَل 14:27

هَریَگه رَسین اَر اورَه، کلیسائون اَر دور یَکا جیَم دا ئو اژ چیئَلی گه خدا وَه‌سونگَ اونَل اَنجوم دائیتی، تیَریفون اَرِه کِردِن گه چطور خدا در ایمو واز هُیشتیَسی اَررُی خِرِیهودیَل.

کارَل رسولَل 22:21

«خداون وِتی‌ئونِم: ”بِچُ؛ اَرِیَگه مِه کِلتَ‌مَهَم اِرَه جائَل دویری، اَرتَک خِرِیهودیَل.“»

کارَل رسولَل 26:20

بلکِم اول‌بار وَه اونَلی گه اِنوم دمشق بین، اَسَه اِنوم شیَر اورشلیم ئو سِرُسَر هیال یهودیَه، ئو هَمیش اِنوم خِرِیهودیَل، اِلومِم کِرد گه باس توئَه بِهَن ئو گِلارِن ویرِ خدا ئو کارَلی بِهَن گه دیار بو توئه‌ئو کِردیَ.

کارَل رسولَل 9:15

مِنتائای خداون وِتیَ حَنانیا: «بِچُ، اَرِیَگه ایی پیا حاجتی کَ گه مِه جیاما کِردیَ تاگَه نُمِم بیَری اِرَه تک خِرِیهودیَل ئو پاتِشائَلو، ئو قوم اسرائیل.

رومیان 1:9

اَرِیَگه خدای گه وَه گیون ئو دل اِ انجیل کُری خِلمتَ مَهَمی اَری، شات مِنَ گه چطور هَر هامِ ویر هُمَه

رومیان 10:14

مِنتائای چطور هِنا بِهَن اَر کسی گه ایمونو ناوِردیَس اَری؟ ئو چطور ایمو بارِنَ کسی گه اَژینو نَشتَفتیَ؟ ئو چطور بشتوئِن، اَرّ کسی موعظَه‌ئون اَرِه نِهِه؟

رومیان 11:13

اِسگَه دیرِمَ گَرد هُمَه خِرِیهودیَل قصَه مَهَم. اَرِیَگه مِه رسول خِرِیهودیَلِم، افتخارَ مَهَم اَر خِلمت ووژِم،

رومیان 15:16

تاگَه خادم مسیحْ عیسی اَرِه خِرِیهودیَل بوئم ئو اِجور کاهنی اِ خِلمت انجیل خدا، تاگَه خِرِیهودیَل پیشکَشی باوِ دل خدا بوئن گه وَه‌سونگَ روح‌القدس تقدیس بیَ.

رومیان 9:1

مِن اِنوم مسیح راسَ موشِم، نه دِرو، ئو وِژدانِم وَه‌سونگَ روح‌القدس شات مِنَ

اول قرنتیان 9:1

مَر آزاد نیِم؟ مَر رسول نیِم؟ مَر خداونمو عیسی نیَ؟ مَر هُمَه ثمر کار مِه اِنوم خداون نیئینو؟

دوئِم قُرَنتیان 11:31

خدا ئو باوَه خداون عیسی، گه تا ابد بِمارِکَ، مَذانی گه دِرو نِمیَم.

غَلاطیَل 1:16

گه کُر ووژ اَر مِه ظاهر بِهِه تاگَه اِنوم خِرِیهودیَل اِلوم کَمی، مِه هِرازِه وَه‌گَرد جسم ئو خوین شورِم نَهَرد،

غَلاطیَل 1:20

اَرتَک خدا اطمینونتونَ میَم بی گه اَ چیئَه گه اَرِنتونَ مَنُیسِنِم دِرو نیَ.

غَلاطیَل 2:16

مَذانیم اِنسو نه وَه کارَل شریعت، بلکِم وَه‌سونگَ ایمون اَر عیسی مسیح صالح وَه حساوَ مای. اِسَه ایمِه‌یش ایمونمو آوِردیَس اَر مسیحْ عیسی تا وَه‌سونگَ ایمون اَر مسیح، صالح وَه حساو بایم ئو نه وَه کارَل شریعت، اَرِیَگه هُیچ بشری وَه اَنجوم دائِن کارَل شریعت صالح وَه حساو نِمای.

غَلاطیَل 2:9

اِسَه وخدی یعقوب ئو پطرس ئو یوحنا گه سُتینَلَ چیَما ماهاتِن، فیضی گه نَصُی مِه بوئیو دی، دس رِقیفیو داءَ مِن ئو برنابا ئو کَتیم اَر یَک گه ایمَه بِچیم اَرِه تک خِرِیهودیَل ئو اُوُ بِچِن اَرِه تک ختینَه‌کَریائَل.

غَلاطیَل 3:9

اِسَه اونَلی گه تَکیو هار ایمو، وَه‌گَرد ابراهیم، اَ پیا ایمونَ بِرَکتَ مَگِرِن.

دوئِم تیموتائوس 1:11

ئو مِه اَرِه ایی انجیلَ مَیِّن بیم تاگَه موعظَه‌کَر ئو رسول ئو مَلِم بوئمی.

دوئِم پطرس 2:5

اَرّ ریَم نَهَردی اَر دنیا قدیم‌یش، بلکِم وخدی رُحِیل کِل‌کِردی اَر دنیا بی‌دینَل ئو فَخَد نوح، اَ موعظَه‌کَر صالح‌بیئینَ، وَه‌گَرد هفت نفرتِر حفظ کِردی؛