اول تیموتائوس 2:6 - کتاب مقدس به زبان لکی - گویش مرکزی

⁶ او گه گیو ووژ اَرِه خیمت آزادی کُل آمَل داتی، ایی حخیختَ اِ زَمو دُریس ووژ شاتی هاوِنتیَ بی.

اول تیموتائوس 2:6 Iomraidhean Croise

مَتّی 20:28

هُنَ گه کُر اِنسون‌یش نِهات تاگَه خِلمت اَژی بِهَنی، بلکِم هات تاگَه خِلمت بِهِه ئو تا گیون ووژ اِجور نَسَخ آزادی اَرِه فِرَه کسَل بِ.»

مَرقُس 1:15

ئو موئِتی: «دیَر وخد رَسیَسی ئو پاتِشائی خدا نزیکَ. توئَه کَن ئو ایمو بارِن اَر ایی خَوَر خَوشَ.»

مَرقُس 10:45

هُنَ گه کُر اِنسون‌یش نِهات تاگَه خِلمت اَری بِهَنی، بلکِم هات تاگَه خِلمت کِ ئو گیونی اِجور خیمت آزادی اَرِه آمَل فِرِه‌ی بِ.»

یوحنا 10:15

هُنَ گه باوَه مِنَ مَشتاسی ئو مِه باوَه مَشتاسِم. مِه گیون ووژمَ مَهَمَ خِر کاوِرَلِم.

یوحنا 6:51

مِنِم اَ نُو زِنیَ گه اژ آسمو هاتَ هُار. هر کی اژ ایی نونَ بیری، تا ابد زِنیَ مَمینی. لار مِنَ اَ نونَ گه ژییاینَ موئَشخیَ دنیا.»

رومیان 16:26

ئو اِسگَه کَتیَسِ در ئو وَه‌سونگَ نُسَخ پِخَمَرَل، مِطابق حکِم خداءِ ابدی آشگارا بیَس اَر کُل ملتَل، تاگَه اونَل ایمو بارِن ئو اطاعت بِهَن-

رومیان 5:6

اَرِیَگه وخدی گه ایمَه هَنی زوئین بیمو، مسیح اِ زَمو دُریس، گیو ووژ ناتی اَرِه بی‌دینَل.

اول قرنتیان 1:6

جُ‌جُ هَرهُنَ گه شاتی ایمَه اِبارَه مسیح اِنومتو تایید بیَ،

دوئِم قُرَنتیان 5:21

خدا او گه گنا نشتاسیتی، وَه خاطر ایمَه کِردیَ گنا تاگَه ایمَه اِنوم او بوئیمَ صالح‌بیئین خدا.

غَلاطیَل 1:4

گه گیو ووژ اَرِه گنائَل ایمَه داتی تا مِطابق خواس خدامو ئو باوَه‌مو، ایمَه اژ ایی زمونَه شَرَبارَ آزاد بِهِه.

غَلاطیَل 4:4

مِنتائای وخدی زمونی گه مَیِّن بیَ، تمومِ‌کمال رَسی، خدا کُر ووژ کِل‌کِردی گه اژ یِه ژَن زاندَه بی ئو اِژیر شریعت هاتَ دی،

اَفِسُسیَل 1:17

تاگَه خداءِ خداونمو عیسی مسیح، اَ باوَه پِرجِلالَ، روحِ حکمت ئو مِکاشفَه بوئَشخیَ بینتو تاگَه او بشتاسینو.

اَفِسُسیَل 1:7

اِنوم مسیح، ایمَه وَه خیمت خوین او آزاد بیمونَ، گه یَه هَراَ بشخِش گنائِلَ گه مِطابق دولَمَنی فیض ووژ،

اَفِسُسیَل 3:5

ایی رازَ هَراَ جورَ گه اِسگَه وَه‌سونگَ روحِ خدا اَر رسولَل مقدّس او ئو پِخَمَرَلی آشگارا بیَ، اَر کُرَل اِنسو اِ نسِلَلی‌تِر آشگارا نوئیَ.

اَفِسُسیَل 5:2

ئو اِنوم مِحبت رفدار بِهَن، هَرهُنَ گه مسیح‌یش مِحبت کِردی اَر ایمَه ئو گیو ووژ اِجور قُرونی ئو پیشکَشی عطِرداری اَرِه ایمَه تقدیم خدا کِردی.

دوئِم تِسالونیکیَل 1:10

اَسَه گه او اِ اَ روژَ مای تاگَه اِنوم ایمودارَل ووژ جِلال بِگِری ئو اِنوم کُل کسَلی گه ایمونو آوِردیَ باعث بِلُجوئی هاتِن بو، یَه اَرِه هُمِه‌یشَ، اَرِیَگه ایمونتو آوِردیَس اَر شاتی ایمَه.

اول تیموتائوس 6:15

گه خدا یَه اِ وخد دُریس ووژ وَه اَنجومَ مَرَسِنی، هَراَ خداءِ بِمارِکَ گه حکِمرو یَکونَه ئو شاءِ شائَل ئو رب الاربابَ.

دوئِم تیموتائوس 1:8

اِسَه اژ شاتی دائِن اَر خداون ایمَه عارِت نای ئو اژ مِن‌یش گه وَه خاطر او هامِ زندون‌اِر، بلکِم تونیش وَه قدِرت خدا اِ عذاو کیشین وَه خاطر انجیل شریک بو.

تیتوس 1:3

ئو اِ وخد دُریس، اَ وَدَه اِ کلومی گه اِلوم کِردِنی وَه فِربو نجاددهندَه‌مو خدا سپارتیاءَ مِه، آشگارا بی.

تیتوس 2:14

گه ووژ کِردیَ خِر ایمَه تاگَه اژ کُلِ جور شرَباری آزادمو کِ، ئو قومی اَرِه ووژ پاک بِهِه گه فَخَد هِن ووژ بوئنی گه اَرِه کارَل خِر خیرَت دیرِن.

عِبرانیَل 9:12

او یِه گِل اَرِه همیشَه چی اِنوم قدس‌الاقداس، نه وَه خوین ساوِرینَل ئو گوَئرَل، بلکِم وَه خوین ووژا، اُهُنَ آزادی ابدی آوِردی.

اول پطرس 2:24

مسیح ووژ گنائَل ایمَه اِ لار ووژ اَررُی صلیب گِرتیِ کول، تا ایمَه اَرِه گنا بِمِریم ئو اَرِه صالح‌بیئین زِنِه‌ی بِهِیم، هَراَ کسَ گه وَه زیَمَل او شِفاتو گِرتیَ.

اول پطرس 3:18

اَرِیَگه مسیح‌یش یِه گِل اَرِه گنائَل عذاو کیشیتی، یانی اَ آم صالحَ اَرِه آمَل ناصالح، تا باریتون‌ اَرِه تک خدا. او اِنوم جسم کُشیا، مِنتائای اِنوم روح، زِنیا بی،

اول یوحنا 4:10

مِحبت هَر یَسَ، نه یَگه ایمَه مِحبتمو کِردوئی اَر خدا، بلکِم او مِحبت کِردی اَر ایمَه ئو کُر ووژ کِل‌کِردی تاگَه کفارَه گنائَلمو بو.

مِکاشفَه 1:5

ئو اژ جونِم عیسی مسیح، اَ شات وفادارَ ئو اول کسی گه اژ مِردیَل زِنیا بی، ئو حکِمرون پاتِشائَل رُی زَمی. او گه ایمَه دوس دیری ئو وَه خوین ووژ، ایمَل اژ گنائَلمو آزاد کِردیِ،

مِکاشفَه 5:9

ئو سروء تازه‌ئونی حیوَن، گه موئِتی: «تو لائق سَنِن طومارین ئو لائق اِشکونِن میرَل اَوَه، اَرِیَگه قُرونی بین ئو وَه خوین ووژِت، مردِمِت اژ هر طائفَه ئو زوئون ئو قوم ئو ملت، اَرِه خدا خِری؛