اول تیموتائوس 1:5 - کتاب مقدس به زبان لکی - گویش مرکزی

⁵ مصقود ایی فِربون ایمَه مِحبتَ، گه اژ دل پاک، وِژدان خو ئو ایمو رُی‌راسَ مای.

اول تیموتائوس 1:5 Iomraidhean Croise

مَتّی 12:35

آم خو، اژ خزینَه خو دل ووژ خوئیَ ماریَ عمل ئو آم گَن، اژ خزینَه گَن دل ووژ گَنیَ ماریَ عمل.

مَتّی 5:8

خَوزگالَ اونَلی گه دِلو پاکَ، اَرِیَگه اونَل خداءَ موئینِن.

کارَل رسولَل 15:9

او هُیچ دوچیَمکی اِنوم ایمَه ئو اونَل نَهَردی، بلکِم وَه‌سونگَ ایمو، دلَلو پاکا کِردی.

کارَل رسولَل 23:1

پولُس گِز کِردی اَر عضا شورا ئو وِتی: «اِاِ بِرال، مِه تاگَه ایمِرو وَه وِژدونی پاک اِ درگا خدا زِنِه‌یِم کِردیَ.»

کارَل رسولَل 24:16

اِسَه مِه هَر تقِلا مَهَم تاگَه نِسوَتَ خدا ئو مردِم، وِژدان پاکمی داشدوئی.

رومیان 10:4

اَرِیَگه مسیح آخِر شریعتَ تا هر کی ایمو باری، صالح وَه حساو بای.

رومیان 12:9

مِحبت باس خالص بو. اژ گَنی بیزار بوئن ئو سفدِسخد بچسبِنَ اَ چیئا گه خوءَ.

رومیان 14:15

اَرِیَگه اَرّ بِرات وَه چیئی گه تونَ میرین اذیتَ ماو، دیَر وَه مِحبت رفدار نِمِهِین. وَه چیئی گه میرین، بِرا ووژِت گه مسیح وَه خاطر اوآ مِرد، نابود نِهَه.

رومیان 9:1

مِن اِنوم مسیح راسَ موشِم، نه دِرو، ئو وِژدانِم وَه‌سونگَ روح‌القدس شات مِنَ

اول قرنتیان 13:1

اَرّ وَه زوئو آمَل ئو فریشدَه‌ل قصَه بِهَم، مِنتائای مِحبتِم ناآشدوئی، اِجور زنگی مَمینِم گه مَزِری ئو سنجی گه زِرینگَ مایتی.

دوئِم قُرَنتیان 1:12

اَرِیَگه افتخار ایمَه شاتی وژدانمونَ، گه ایمَه اِنوم ایی دنیاءَ ئو مصقوصاً چَنی ویشتِر وَه‌گَرد هُمَه، وَه ساده‌ی ئو رُی‌راسی گه اژ خداءَ رفدارمو کِرد، نه وَه حکمت بشری بلکِم وَه فیض خدا.

غَلاطیَل 5:22

مِنتائای ثمر روحِ خدا، مِحبت، خَوشی، سِتار، صبِر، مِرِبونی، خوئی، وفاداری،

غَلاطیَل 5:6

اَرِیَگه اِ مسیحْ عیسی نه ختینَه بیئِن چیئی کَ نه ختینَه نوئین، بلکِم مِهم ایمونی کَ گه اژ رئی مِحبت کارَ مِهِه.

اول تیموتائوس 1:18

اِاِ کُرِم، تیموتائوس، ایی فِربونتَ مَسپارِمَ بی، مِطابق نبوّتَلی گه وِرِکار اِبارَه تو بی تاگَه وَه یاریو اَ جنگ خوءَ، بِهِین.

اول تیموتائوس 1:19

ئو بچسبَ ایمون ئو وِژدان پاک، اَرِیَگه کَشتی ایمو بِری وَه رد کِردِن ایی چیئِلَ حُیردِحَلو بیَ.

اول تیموتائوس 3:9

اونَل باس وَه وِژدان پِرچِ‌پاک سِرّ ایمو حفظ بِهَن.

دوئِم تیموتائوس 1:3

وخدی شو ئو روژ یِمِجو تون اِ دوعائَلمَ مارِمِ ویر، شگِر خداءَ مَهَم، خدای گه مِن‌یش اِجور اَژدادِم وَه وِژدان پِرچِ‌پاک خِلمتَ مَهَمی اَری.

دوئِم تیموتائوس 1:5

ایمو پِرچِ‌پاک تونَ مارِمَ ویر، ایمونی گه اول‌بار لیز گِرتوئی اِنوم داکَلِنگِهَت لوئیس ئو اَسَه اِنوم دات یونیکی، ئو اِسگَه لیز گِرتیَس اِنوم تونیش.

دوئِم تیموتائوس 2:22

اِسَه اژ هُواوهوس جِهالی بِحوا، ئو وَه‌گَرد اونَلی گه وَه دل پاک هِنا مَهَن اَر خداون، وَه دُم صالح‌بیئین، ایمو، مِحبت ئو صُئلا بو.

تیتوس 1:15

اَرِه آمَل پاک، کُل چی پاکَ، مِنتائای اَرِه اونَلی گه نِجس ئو بی‌ایمونِن، هُیچی پاک نیَ، بلکِم هم فگِرَلو نِجسَ هم وِژدانو.

عِبرانیَل 10:22

بورِن وَه دلی رُی‌راس ئو اطمینو کاملِ ایمو نزیکا بوئیمون اَر خدا ئو، هُنَ گه دلَلمو اژ وِژدان گَن پاکا کِردیَ ئو لارَلمو وَه آو پاک شوریَ؛

عِبرانیَل 13:18

دوعامون اَرِه بِهَن، اَرِیَگه اطمینو دیریم گه وِژدانمو پاکَ ئو مِمو اِ کُل چی سربِلِنگ بوئیمو.

عِبرانیَل 9:14

چَنی ویشتِر، خوین مسیح گه وَه‌سونگَ روحِ ابدی، ووژ بی‌عِو پیشکَش کِردی اَر خدا، وِژدان ایمَه اژ کارَل بی‌ثمر پاکا مِهِه تاگَه خِلمت اژ خداءِ زِنی بِهِیم!

یعقوب 4:8

نزیک خدا بوئن گه خدایش نزیکتونَ ماو. اِاِ گناکارَل، دَسَلتو اژ گنا بشورِن ئو اِاِ آمَل دودل، دلَلتو پاکا کَن.

اول پطرس 1:22

اِسگَه گه وَه اطاعت اژ حخیخت، گیونَل ووژتو پاکتونا کِردیَ تا مِحبت بِرائی خالصتو داشدوئی، باس اژ تیَه دلا فِرَه یَکتِریتو دوس داشدوئی.

اول پطرس 3:16

وِژدانتو پاک بِیلِن تا کسَلی گه بُختِمَ میَن اَرینتو، اونَلی گه اژ رفدار خوتو اِنوم مسیح گَنَ موشِن، خجالتا بوئن.

اول پطرس 3:21

ایی آوَ نمونَه خُسِل تیَمیدی کَ گه هَراِسگِه‌یشَ نجادتونَ مِ، نه اَرِه شُشتِن کثیفی لار، بلکِم آواخد وِژدو پاکی کَ گه ها دارا گه خدا بوئینی ئو وَه‌سونگَ زِنیابیئِن عیسی مسیح اژ مِردیَل نجادَ مَگِری،

اول پطرس 4:8

مِهمتِر اژ کُل چی، اژ تیَه دلا یَکتِریتو دوس داشدوئی، اَرِیَگه دوس داشدِن، گنائَل فِرِه‌ی مَپوشِنی.

دوئِم پطرس 1:7

ئو اَر دینداری، دوس داشدِن بِرائی ئو اَر دوس داشدِن بِرائی، مِحبت.

اول یوحنا 3:10

هُنَ آشگارا ماو چه کسَلی آیلَل خدان ئو چه کسَلی آیلَل ابلیس: اَوَه گه صالح‌بیئین نِماریَ جا اژ خدا نیَ ئو هَمیش اَوَه گه بِرا ووژ دوس نِری.

اول یوحنا 3:23

حکِم او یَسَ گه ایمو باریمَ نُم کُری عیسی مسیح ئو یَکتِریمو دوس داشدوئی، هُنَ گه مسیح‌یش هَر ایی فِربونَ داسیَ ایمَه.

اول یوحنا 3:3

ئو هر کی هُنَ امیدیَ بی دیرِتی، ووژ پاکا مِهِه، هُنَ گه او پاکَ.