اول تیموتائوس 1:3 - کتاب مقدس به زبان لکی - گویش مرکزی

³ هَرهُنَ گه وخدی مِهِستِم بِچِم اَرِه مقدونیَه جُرّیام‌‌ اَرینِت، بِمین اِنوم شیَر اَفِسُس تا فِربو بِینَ بِری گه تیَلیم جوراجور نیَن

اول تیموتائوس 1:3 Iomraidhean Croise

کارَل رسولَل 18:19

هَریَگه اونَل رَسین اَر شیَر اَفِسُس، پولُس هُمسفرَل ووژ وِل کِردی ئو چی اِرَه عَبادتگا، ئو وَه‌گَرد یهودیَل گپَ ماتی ئو دلیلَ ماوِردی.

کارَل رسولَل 18:21

ئو خدافظیَ گَرد کِردِنی، وِتی: «اَرّ خدا بِیتی اِدوارَه گِلامیرِم اِرَه تَکتو.» اَسَه وَه کَشتیا اژ اَفِسُس چی.

رومیان 15:26

اَرِیَگه کلیسائَل هیالَل مقدونیَه ئو اَخائیَه صِلائو دی گه اَرِه ایمودارَل ژار اورشلیم پیل رِ کَن.

رومیان 16:17

اِاِ بِرال، خواهشدتون اَژینَ مَهَم گه حُواستون کسَلی بو گه باعث جیاییَ موئن ئو کُچِکَ مَنِن اَر نوم رئی هُمَه ئو هان اَرضد تیَلیمی گه گِرتِتونَسا؛ اَژینو دویرا بِگِرِن،

دوئِم قُرَنتیان 11:4

اَرِیَگه اَرّ کسی با اَرِه تَکتو ئو عیسی‌‌ی‌تِر بِخِر اژ اَ عیسیَ گه ایمَه اِلوممو کِرد اَرینتو، اِلوم بِهِه، یا اَرّ روحی بِخِر اژ اَ روحی گه گِرتِتونَ، بِگِرینو، یا اَرّ انجیلی بِخِر اژ انجیلی گه قبولتو کِردیَ قبول بِهِینو، وَه آسُنی تیَمِلَ مِهِینونی.

اَفِسُسیَل 4:14

تا دیَر اِجور آیلَل نوئیمو تا وَه موجَل ویرِ هر لای هُوَ بیریم ئو وا تیَلیمَل جوراجور ایمَه بیَری ویرِ ایلا ئو اَلا ئو فن آمَلی بیریم گه اَرِه اژ رئی اِرآوِردِن نشقَه مَکیشِن.

فیلیپیَل 2:24

ئو اِنوم خداون اطمینو دیرِم گه ووژیشِم وَه ایی زویَ مام.

اول تیموتائوس 4:11

یوئنَ فِربو بیَ ئو تیَلیم دَ.

اول تیموتائوس 4:6

اَرّ ایی چیئِلَ بِینَ بِرال، موئینَ خادم خو مسیحْ عیسی، گه اِنوم کلوم ایمون ئو اَ تیَلیم خوءَ گه چینَسیَ تُرّا، تربیت بینَ.

اول تیموتائوس 5:7

ایی چیئِلَ فِربو بیَ بینو تا چیئی اِ زِنِه‌یو ناو گه وَه خاطر اَوَه خِض بو اَرینو.

اول تیموتائوس 6:10

اَرِیَگه پیل‌دوسی ریشی کُلِ جور گَنیَ، وَه خاطر هَر ایی طَما پیلَسَ گه بِری اژ رئی ایمون اِرهاتِنَ، دردَل فِرِه‌ئونی کِردیَسَ گیژ ووژونا ئو زیَم‌دارا بینَ.

اول تیموتائوس 6:17

حکِم بِهِه اَر ثرودمنَل ایی زمونَه گه قُرات نوئن ئو امیدون‌ اَر مال ایی دنیاءَ ناو گه نِمَمینی. بلکِم امیدون‌ اَر خدا بو گه کُل چی چَل‌چَل اَرِه ایمَه تیارِکَ موئینی تا اَژینو لَذت بیَریم.

اول تیموتائوس 6:3

اَرّ کسی جوری‌تِر تیَلیم بِ گه وَه‌گَرد قصَه‌ل دُریس خداونمو عیسی مسیح ئو تیَلیمی گه مِطابق دینداریَ، جور اِرنای،

دوئِم تیموتائوس 1:18

خداون بوئَشخِتیَ بی گه اِ اَ روژَ اژ جونِم خداون ریَمَت بوتی اَری. تو ووژِت اژ خِلمتَل او اِ شیَر اَفِسُس خو خَوَر دیرین.

دوئِم یوحنا 1:7

اَرِیَگه آمَل رِنگَر فِرِه چِنَس اِنوم دنیا گه اعتراف نِمَهَن گه عیسی مسیح هاتیَس اِنوم جسمِ بشری. هُنَ کسَلی رِنگَر ئو ضدّمسیحِن.

مِکاشفَه 2:14

«مِنتائای چیئَلی اَرضد تو دیرِم. اَر اورَه کسَلی دیرین گه چسبینَس اَر تیَلیم بَلعاما، هَر اَوَه گه یاء بالاق داتی گه کُچِکی گه باعث کَتِن بنی‌اسرائیل بو، بِنی اَر وَر پائلو تاگَه اُوُ خوراکی گه پیشکَشَ ماو اَر بِتَل بیرِن ئو بی‌عصمتی بِهَن.

مِکاشفَه 2:20

مِنتائای یَه اَرضد تو دیرِم، گه اَ ژَن ایزابِل نُمَ گه ووژَ نبوّت‌کَرَ مَذانی تیَمِلَ مِهِین، او گه تیَلیم خادمَل مِنَ مِ، ئو اژ رئیون‌ اِرَماری تاگَه بی‌عصمتی بِهَن ئو خوراک پیشکَشی اَر بِتَل بیرِن.