اول تیموتائوس 1:15 - کتاب مقدس به زبان لکی - گویش مرکزی

¹⁵ ایی قصَه ماو اِتِمادَ بی کِینی ئو سزاوارَ گه تمومِ‌کمال قبول بو گه مسیحْ عیسی هات اِنوم ایی دنیاءَ تا گناکارَل نجاد دِ، گه مِه اژ کُل اونَل کَلِنگتِرِم.

اول تیموتائوس 1:15 Iomraidhean Croise

مَتّی 1:21

او کُری ماریَ دی گه تو نُمَ مَنینیَ ”عیسی“، اَرِیَگه او قوم ووژ اژ گنائَلو نجادَ مِ.»

مَتّی 18:10

«حُواستو بو گه هُیچ کُم اژ ایی گُجِرِلَ خوار نِهِینو، اَرِیَگه موشِم‌ئونتو گه اِنوم آسمو، فریشدَه‌ل اونَل یِمِجو نوم‌رُی باوَه مِه گه ها نوم آسمون‌اِر، موئینِن.

مَتّی 18:11

[اَرِیَگه کُر اِنسو هاتیَ تا اَوَه گه گم بیَ نجاد دِ.]

مَتّی 20:28

هُنَ گه کُر اِنسون‌یش نِهات تاگَه خِلمت اَژی بِهَنی، بلکِم هات تاگَه خِلمت بِهِه ئو تا گیون ووژ اِجور نَسَخ آزادی اَرِه فِرَه کسَل بِ.»

مَتّی 9:13

بِچِن ئو میَنا ایی کلومَ بفیَمِن گه: ”ریَممَ مِ نه قُرونی.“ اَرِیَگه مِه نِهاتِمَ تاگَه آمَل صالح دَنگ کَم، بلکِم هاتِمَ تاگَه گناکارَل دَوَت کَم.»

مَرقُس 2:17

عیسی وخدی یَه شنَفتی وِتیَ بینو: «مریضَلِن گه حکیمونَ مِ، نه آمَل آزا. مِه اَرِه دَنگ کِردِن آمَل صالح نِهاتِمَ بلکِم هاتِمَ تاگَه گناکارَل دَوَت کَم.»

لوقا 15:2

مِنتائای شیخَل فرقَه فَریسی ئو مَلِمَل تورات خُت‌خَتونَ مَهَرد موئِتو: «ایی پیاءَ گناکارَل قبولَ مِهِه هُم‌سِفِرِه‌ئونا ماو.»

لوقا 19:10

اَرِیَگه کُر اِنسو هاتیَ تاگَه بِکُوءِ مِنِی اَوَه گه گم بیَ ئو نجاد دِیتی.»

لوقا 5:32

مِه اَرِه آمَل صالح نِهاتِمَ، بلکِم هاتِمَ تاگَه گناکارَل دَوَت بِهَمَ توئَه.»

یوحنا 1:12

مِنتائای وَه کُل کسَلی گه چِنیِ گِرد، ایی حخَ داتی گه بوئنَ آیلَل خدا، یانی وَه هر کی گه ایمو باری اَر نُم او؛

یوحنا 1:29

وَه صوایکا، یحیی وخدی عیسی دیتی گه ماهاتی اَرِه تک، وِتی: «یَسَ وَرک قُرونی خدا گه گنا اژ دنیا هیزَمِ!

یوحنا 12:47

اَرّ کسی قصَه‌ل مِه بشتوئی، مِنتائای اَژینو اطاعت نِهِه، مِه اَر او داوری نِمَهَم؛ اَرِیَگه نِهاتِمَ تا اَر دنیا داوری بِهَم، بلکِم هاتِمَ تاگَه دنیا نجاد بیَم.

یوحنا 3:36

اَوَه گه ایمو دیری اَر کُر، ژییاین ابدی دیری؛ مِنتائای اَوَه گه فِربون اژ کُر نِمیَری، ژییاین نِموئینی، بلکِم خَضو خدا مَمینِتی اَررُی.»

کارَل رسولَل 11:1

رسولَل ئو بِرال اِنوم سِرُسَر هیال یهودیَه شنَفتو خِرِیهودیَل‌یش چِنَسِ گِرد کلوم خدا.

کارَل رسولَل 11:18

اونَل وخدی ایی قصَه‌لونَ شنَفت، دیَر کِشو نَهَرد ئو خدائو پِرَسی، وِتو: «اِراسی خدا مِجال توئِه‌ی گه ژییاینَ موئَشخی داسیَ خِرِیهودیَل‌یش!»

کارَل رسولَل 3:26

وخدی گه خدا خادم ووژ دیاری کِردی، اول‌بار او کِل‌کِردی اِرَه تک هُمَه تاگَه بِرَکتتو دِ، وَه یَگه هر کُم اژ هُمَل اژ رئیَل شرتو گِلادِ.»

رومیان 11:14

تاگَه هایتِر کسَلی گه وَه‌گَرد مِن اژ یِه تیرِ‌طائفَه‌ن، بارِم اَر سر خیرَت ئو بِری اَژینو نجاد دَم.

رومیان 5:6

اَرِیَگه وخدی گه ایمَه هَنی زوئین بیمو، مسیح اِ زَمو دُریس، گیو ووژ ناتی اَرِه بی‌دینَل.

اول قرنتیان 15:9

اَرِیَگه اِنوم رسولَل مِن اژ کُل کمتِرِم، لیاخَت نِرِم گه بوشِن‌ئونِم رسول، اَرِیَگه مِه کلیسا خدام آزارَ ما.

اَفِسُسیَل 3:8

وَه‌یاآگه اژ کُل ایمودارَل مسیح کمتِرِم، مِنتائای ایی فیضَ بَشخیاءَ بینِم تا گنجَل مسیح گه حدِحساو نِری، اِلوم بِهَم اَر خِرِیهودیَل،

اول تیموتائوس 1:13

وَه‌یاآگه اِ قدیم کِفِرچی ئو ظالم بیم ئو زورمَ موئِت، مِنتائای ریَم بی اَرینِم، اَرِیَگه اژ بی‌ایمونی نایونیِم کِرد.

اول تیموتائوس 1:19

ئو بچسبَ ایمون ئو وِژدان پاک، اَرِیَگه کَشتی ایمو بِری وَه رد کِردِن ایی چیئِلَ حُیردِحَلو بیَ.

اول تیموتائوس 3:1

ایی قصَه ماو اِتِمادَ بی کِینی گه اَرّ کسی آواخد یَه بوتیَ گه اُسقُف کلیسا بو، ها دُم کار خوئیکا.

اول تیموتائوس 4:9

ایی قصَه ماو اِتِمادَ بی کِینی ئو سزاوارَ گه تمومِ‌کمال قبول بو،

اول تیموتائوس 6:13

اَرتَک خدای گه زِنِه‌یَ مِئَه کُل چی، ئو اَرتَک مسیحْ عیسی گه اعتراف خو اِنوم شاتی ووژ اِ بِرُوَر پُنتیوس پیلاتُس کِردی، سفدِسخد اَمونَتتَ میَم بی

دوئِم تیموتائوس 2:11

ایی قصَه ماو اِتِمادَ بی کِینی گه: اَرّ وَه‌گَرد او مِردیم، وَه‌گَرد اویش زِنِه‌یَ مِهِیم.

تیتوس 3:8

ایی قصَه ماو اِتِمادَ بی کِینی، ئو اژ تونمَ مِ بِجُرّین‌ اَر ایی چیئِلَ، تاگَه کسَلی گه ایمونو آوِردیَس اَر خدا حُواسو بو گه ووژو وَخم کارَل خو بِهَن. ایی چیئِلَ اَرِه مردِم فادَه‌ دیری ئو خوءَ.

عِبرانیَل 7:25

اِسَه اوءَ مَتونی اونَلی گه وَه‌سونگَ او مان اِرَه تک خدا، کامل نجاد دِ. اَرِیَگه هَر زِنیَ تاگَه شِفاعتو کِ.

اول یوحنا 3:5

هُمَه مَذانینو گه مسیح ظاهر بی تاگَه گنا اژ بِن بیَری. اِنوم او هُیچ گنای نیَ.

اول یوحنا 3:8

هر کی اِنوم گنا زِنِه‌یَ مِهِه اژ ابلیسَ، اَرِیَگه ابلیس هَر اژ اَ اولا گنا کِردیِ ئو مِهِه. اَژونَبیَ گه کُر خدا ظاهر بی تاگَه کارَل ابلیس باطل کِ.

اول یوحنا 5:11

ئو ایی شاتیَ یَسَ گه خدا ژییاین ابدی داسی‌ئونمو ئو ایی ژییاینَ، ها نوم کُری.

مِکاشفَه 21:5

اَسَه اَوَه گه نیشتوئی اَرسر تخت وِتی: «اِسگَه کُل چی نووآ مَهَم.» ئو وِتی: «یوئنَ بِنُیسِن اَرِیَگه ایی قصه‌لَ ماو اِتِمادَ بینو کِین ئو راسِن.»

مِکاشفَه 22:6

فریشدَه وِتیَ مِه: «ایی قصه‌لَ ماو اِتِمادَ بینو کِین ئو راسِن. خداون، خداءِ روحَل نبوّت‌کَرَل، فریشدَه ووژ کِل‌کِردی تا اَ چیئَه گه باس وَه ایی زویَ اتفاق بِکُوءِ، نِشو خادمَلی دِ.»

مِکاشفَه 5:9

ئو سروء تازه‌ئونی حیوَن، گه موئِتی: «تو لائق سَنِن طومارین ئو لائق اِشکونِن میرَل اَوَه، اَرِیَگه قُرونی بین ئو وَه خوین ووژِت، مردِمِت اژ هر طائفَه ئو زوئون ئو قوم ئو ملت، اَرِه خدا خِری؛