اول تِسالونیکیَل 5:6 - کتاب مقدس به زبان لکی - گویش مرکزی

⁶ اِسَه باس اِجور باقی، نِئسیم، بلکِم بِمینیمَ خَوَر ئو وَه سر ووژمونا بوئیم.

اول تِسالونیکیَل 5:6 Iomraidhean Croise

مَتّی 13:25

مِنتائای وخدی گه کارگرَل حیوَتوئینی، دشمن هاتی ئو گیا کاریتی اِنوم گَنِمَل ئو چی.

مَتّی 24:42

اِسَه حُواستو بو، اَرِیَگه نِمَذانینو خداون هُمَه چه روژی مای.

مَتّی 25:13

اِسَه حُواستو بو اَرِیَگه نه اژ اَ روژَ خَوَر دِرینو ئو نه اژ اَ ساتَ.

مَتّی 25:5

وَه‌چوینا گه هاتِن ذُما طویل کیشیتی، کُل چیَمَلو سنگینا بی، خاوا بِردِن.

مَتّی 26:38

وِتی‌ئونو: «اژ زور خُصَه، هام اَر مِردِن. بِمینِن اَر ایرَه ئو وَه‌گَرد مِه بوسنَ خَوَر.»

مَرقُس 13:37

اَ چیئَه گه موشِمَ بینتو، وَه کُل کسَ موشِم: بِمینِنَ خَوَر!»

لوقا 12:37

خَوزگالَ خِلمتکارَلی گه وخدی اَرباوُ گِلابیری، اونِلَ اِخَوَر ئو هوشیار بوئینی. حخیختاً، موشِم‌ئونتو، ووژ قِ آموئنی تاگَه خِلمَتون‌ اَژی کِ، مَنیشِنیون اَرسر سِفِرَه ئو ماءِ وَر ئو اَژینو مِموداریَ مِهِه.

لوقا 12:39

«مِنتائای بِذانِن گه اَرّ صائای‌مال مَذِناسدی دُز چه ساتی مای، نِمِیشتی دُز با اِنوم ئو چیئی بُئزی.

لوقا 21:36

اِسَه هَر حُواستو بو ئو دوعا بِهَن تاگَه بتونینو اژ کُل ایی چیئِلَ گه وَه ایی زویَ اتفاقَ مَکُوءِ، اِ اَمو بِمینینو ئو بوسینون اَر حضور کُر اِنسو.»

لوقا 22:46

وِتی‌ئونو: «اَرِه‌چَه حیوَتینونَ؟ هیزگِرِن ئو دوعا کَن تاگَه نَکُوئینون‌ اِنوم اِنتحو.»

کارَل رسولَل 20:31

اِسَه حُواستو بو ئو بارنَ ویرتو گه مِه سه سال آزِگار، شو ئو روژ، گِری اژ هُشتار دائنَ هر کُم اَژینتو وَه اَسِرَلِم، دَسِم هیزنا.

اول قرنتیان 15:34

اژ ایی گیژی مَسیَ بورنَ دِریر ئو دیَر گنا نَهَن؛ اَرِیَگه بِری هَن گه خدا نِمَشتاسِن. یَه موشِم تاگَه خجالتا بوئینو.

اول قرنتیان 16:13

حُواستو بو؛ سفدِسخد بِمینِن اِنوم ایمونتو؛ اِجور پیا عمل بِهَن ئو زوردار بوئن.

اَفِسُسیَل 2:3

ایمِه‌یش کُل، زمونی اِنوم یوئنَ اِنوم هُواوهوس جسمو زِنِه‌یمونَ مَهَرد، ئو چیئَلی گه لار ئو فگِرمونَ مِهِستی انجوممونَ ما؛ ئو اِجور کسَلی‌تِر، مِطابق طبیعتمو مَکوم بیمون اَر آیلَل خَضو.

اَفِسُسیَل 5:14

اَرِیَگه هر چیئی گه آشگارا ماو نُیرَ. اَژونَسَ موشی: «اِ کسی گه هاینِ خاواِر، بوءَ خَوَر، اژ مِردیَل هیزگِر، ئو مسیح مَدَرشخی اَرینِت.»

اَفِسُسیَل 6:18

ئو اِ کُل زمونی، وَه کُلِ جور دوعا ئو لالکَ‌حُاس، اِنوم روح خدا دوعا بِهَن ئو اَرِه یَه وَه‌خَوَر ئو هوشیار بوئن، ئو یِسَر ئو وَه پایاری اَرِه کُل ایمودارَل مسیح دوعا بِهَن.

فیلیپیَل 4:5

بِیلِن کُل کس بِذانی چَنی مِلومینو. خداون نزیکَ.

کولُسیَل 4:2

وَه حُواس‌جیَمی ئو شگِر کِردِن، هَر بنیشِنَ دوعا کِردِن.

اول تِسالونیکیَل 4:13

مِنتائای اِاِ بِرال، نِمِمو اژ ایمودارَلی گه مِردِنَ بی‌خَوَر بوئینو، ناخواد هُمِه‌یش اِجور باقی مردِم گه امید نِرِن، بنیشینونَ خُصَه هُاردِن.

اول تِسالونیکیَل 5:10

گه وَه خاطر ایمَه مِرد، تاگَه چه زِنی بوئیم چه مِردی، وَه‌گَرد او زِنِه‌ی بِهِیم.

اول تِسالونیکیَل 5:8

مِنتائای اَرِیَگه ایمَه هِن روژیم، باس وَه سر ووژمونا بوئیم، ئو ایمون ئو مِحبت اِجور زِری‌ای بوئنیم اَر وَر سینَه‌مونا ئو کِلاوخور امید نجاد بنیمِ سر.

اول تیموتائوس 2:15

مِنتائای ژَن اَرّ سنگین بوسی اَر سر ایمون ئو مِحبت ئو مقدّس‌بیئین ووژ، وَه آویل آوِردِن نجادَ مَگِری.

اول تیموتائوس 2:9

هَمیش مِم گه ژِنَل وَه جِنِکَلی گه لائقونَ ووژون ‌اِربِرازِنِن، سنگین‌رنگین ئو نجیم، نه وَه گیسَل آچِنیا، یا طِلا ئو مِرواری، یا کِراسَل گِرو خیمت،

اول تیموتائوس 3:11

هَرِ ایی جوریشَ ژِنَلو باس سنگین بوئن، بُختِم‌چی نوئن، بلکِم وَه سر ووژونا بوئن ئو اِ کُل چی وفادار بوئن.

اول تیموتائوس 3:2

اِسَه، یِه اُسقُف باس چیئی اِ زِنِه‌ی ناوتی تا وَه‌سونگَ اَوا لارَه بوتی اَری، میردَه یِه ژَن بو ئو وَه سر ووژا بو، بتونی نوا ووژ بِگِری، آوِری‌دار ئو هُن‌هاوو بو ئو بتونی تیَلیم بِ؛

دوئِم تیموتائوس 4:5

مِنتائای تو هَر هوشیار بو، سخدیَل تیَمِل بِهَه، کار اِلوم انجیل اَنجوم دَ، ئو خِلمت ووژِت تمومِ‌کمال برَسِنَ آخِر.

تیتوس 2:12

ئو یامونَ مِ بی‌دینی ئو هُواوهوس ایی دنیاءَ بنیمِ لا ئو وَه نوا ووژ گِرتِن ئو صالح‌بیئین ئو دینداری اِ ایی زمونَه زِنِه‌ی بِهِیم.

تیتوس 2:6

هَمیش پیال جِهال تشویق کَ تاگَه نوا ووژو بِگِرِن.

اول پطرس 1:13

اِسَه فگِرَلتو اَرِه عمل آمادَه بِهَن، هوشیار بوئن ئو امیدتو کامل اَر فیضی بو گه موقَع ظاهربیئِن عیسی مسیح ماوَ نَصُیتو.

اول پطرس 4:7

آخِر کُل چی نزیکَ؛ اِسَه وَه خاطر دوعائَلتو نوا ووژتو بِگِرِن ئو وَه سر ووژتونا بوئن.

اول پطرس 5:8

هوشیار بوئن ئو حُواستو بو، دشمن هُمَه ابلیس اِجور شیری گه مَنِرکِنی دیری گِرد سِرَ مِ ئو مِنِی کسی مِهِه تا قویت اِرادِیتی.

مِکاشفَه 16:15

«حُواستو بو، اِجور دُزی مام! خَوزگالَ اَ کسَ گه بِمینیِ خَوَر ئو جِنِک اِوَر بوتی، تاناخواد لُت بِچوءَ رئیا ئو بوءَ رُسبا عالم.»

مِکاشفَه 3:2

بوءَ خَوَر ئو اَ چیئَه گه مَنیَسا ئو وَه ایی زویَ مَمِری، تقویت کَ، اَرِیَگه مِن اَرتَک خدا ووژِم کارَل تونِم کامل نِئیَ.