اول تِسالونیکیَل 5:24 - کتاب مقدس به زبان لکی - گویش مرکزی

²⁴ خدای گه هُمَه دَوَتَ مِهِه، اَمونتدارَ ئو حکماً ایی کارَ مِهِه.

اول تِسالونیکیَل 5:24 Iomraidhean Croise

مَتّی 24:35

آسمون ئو زمین اژ بِنَ مَچِن، مِنتائای قصَه‌ل مِه هرگِس اژ بِن نِمَچو.

یوحنا 1:17

اَرِیَگه شریعت وَه‌سونگَ موسی بَشخیاسَ بینمو؛ فیض ئو حخیخت وَه‌سونگَ عیسی مسیح هات.

یوحنا 3:33

اَوَه گه مَچوءِ گِرد شاتی او، میر تاییدَ مِ اَر یَگه خدا حخیختَ.

رومیان 8:30

ئو اونَلی گه وِرِکار مَیِّن کِردی، دَوَت‌یش کِردِنی؛ ئو اونَلی گه دَوَت کِردِنی، صالح‌یش وَه حساو آوِردِنی؛ ئو اونَلی گه صالح وَه حساو آوِردِنی، جِلال‌یش دانی.

رومیان 9:24

جُ‌جُ ایمَه گه دَوَت کِردیمَسی، اژ اونَلیم، نه فَخَد اژ یهودیَل، بلکِم اژ خِرِیهودیَل‌یش.

اول قرنتیان 1:9

اَمونتدارَ خدای گه هُمَه دَوَت کِردیَسیَ رِقیفی وَه‌گَرد کُری، خداونمو عیسی مسیح.

اول قرنتیان 10:13

هُیچ اِنتحونی نِهاتیَس اَر سرتو گه اَرسر باقی آمَل نِهاتوئی. خدا اَمونتدارَ؛ او نِمِیلی ویشتِر اژ قویَتتو اِنتحو بوئینو، بلکِم وَه‌گَرد اِنتحونی گه موئینو، رئی اَرِه حِواین‌یش جورَ مِهِه، تاگَه بتونینو طاخَت بارینو.

غَلاطیَل 1:15

مِنتائای وخدی او جُ‌جُ وِر اژ یَگه مِه بامَ دی جیاما کِردی ئو وَه‌سونگَ فیض ووژ دَوَتِم کِردی، رضائتَ یَه بیتی

اول تِسالونیکیَل 2:12

هرکُم اژ هُمَه‌مو تشویق کِرد ئو دلگُوئیمو دا ئو اَمونَتمو دا گه طوری رفدار بِهِینو گه لائق خدای بو گه دَوَتتونَ مِهِئَه پاتِشائی ئو جِلال ووژ.

دوئِم تِسالونیکیَل 2:14

اَرِه یَه او وَه‌سونگَ انجیل ایمَه دَوَت اَژینتو گِرتی تاگَه جِلال خداونمو عیسی مسیح بوءَ نَصُیتو.

دوئِم تِسالونیکیَل 3:3

مِنتائای خداون اَمونتدارَ؛ او پایارتونَ مِهِه ئو اژ اَ شریرَ حفظتونَ مِهِه.

دوئِم تیموتائوس 1:9

خدای گه ایمَه نجاد داتی ئو دَوَتمو کِردیَ زِنِه‌ی مقدّس، نه وَه خاطر کارَل ایمَه بلکِم وَه خاطر قَص ئو فیض ووژ، گه او وِر اژ بِنیا زمونَه‌ل، اِنوم مسیحْ عیسی بَشخیتیَ ایمَه.

دوئِم تیموتائوس 2:13

اَرّ بی‌وفا بوئیم، او وفادارَ مَمینی، اَرِیَگه نِمَتونی ووژ حاشا بِهِه.

تیتوس 1:2

ایی حخیختَ مِطابق امید اَر ژییاین ابدیَ، گه خدای گه هرگِس دِرو نِموشی، وِر اژ بِنیا زمونَه‌ل وَدَه اَوَه داءَ بینمو،

اول پطرس 5:10

دُما یَگه مِدت کمی عذاوتو کیشی، خداءِ کُل فیضَل گه هُمَه اِنوم مسیح دَوَت کِردیَسیَ جِلال ابدی ووژ، ووژ اِدوارَه بِناتونَ مِهِه، ئو موکَم ئو زوردار ئو پایارتونا مِهِه.

دوئِم پطرس 1:3

قدِرت الهی او هرچی گه اَرِه ژییاین ئو دینداری اِکَلَ داسیَ بینمو، یَه وَه‌سونگَ شناخت او اَنجوم گِرتیِ گه ایمَل دَوَت کِردیَسیَ جِلال ئو خوئی ووژ،

مِکاشفَه 17:14

اونَل وَه‌گَرد وَرکَ موئنَ جنگ، ئو وَرک فائقَ ما اَرینو، اَرِیَگه او رب الارباب ئو پاتِشاءِ پاتِشائِلَ- ئو اونَلی گه هانِ گَرد، دَنگ بینَ ئو دیاری بینَ ئو وفادارِن.»