اول تِسالونیکیَل 5:15 - کتاب مقدس به زبان لکی - گویش مرکزی

¹⁵ حُواستو بو گه هُیچ‌کس جوواو گَنی وَه گَنیا نِ، بلکِم هَر اِ دُم خوئی کِردِنَ یَکتِری ئو اَر کُل کس بوئن.

اول تِسالونیکیَل 5:15 Iomraidhean Croise

مَتّی 5:39

مِنتائای مِنَ موشِم‌ئونتو، نوسِن اَر نوا آم شرَبار. اَرّ کسی وَه چَپالی بِ اَر نوم‌رُیت، اَ لا رُیشِت ویرِ او بِپِلِن‌اِر.

لوقا 6:35

مِنتائای هُمَه، دشمنَلتو دوس داشدوئی ئو خوئی بِهَنَ اَرینو، ئو بی‌یَگه چیَمَ‌رئی تِلافَتی بوئینو، قَرت بیَن‌ئونو، اَرِیَگه اَجِرتو فِرِهءَ، ئو موئینونَ آیلَل خداءِ متعال، اَرِیَگه او وَه‌گَرد ناشُگیرَل ئو گَنَ‌کارَل مِرِبونَ.

کارَل رسولَل 16:28

مِنتائای پولُس وَه دَنگ کَلِنگ، وِتی: «ضِرَد اَر ووژِت نیَ گه ایمَه کُل هایمون اَر ایرَه!»

رومیان 12:9

مِحبت باس خالص بو. اژ گَنی بیزار بوئن ئو سفدِسخد بچسبِنَ اَ چیئا گه خوءَ.

رومیان 14:19

اِسَه بورِن وَه دُم چیئیکا بوئیمو گه باعث صُئل‌وسِلامتی ئو تقویت ایمو یَکتِریَ ماو.

اول قرنتیان 14:1

رئی مِحبت بِگِرِنِ وَر ئو اژ تیَه دلا وَه دُم عطائَل روحانیا بوئن، مصقوصاً یَگه نبوّت بِهِینو.

اول قرنتیان 16:10

وخدی تیموتائوس هات، حُواستو بو گه اَر تک هُمَه هُیچ دل اِ هول ناوتی. اَرِیَگه اویش اِجور مِه خِلمت اژ خداونَ مِهِه؛

اول قرنتیان 6:7

هُنَ شکائَتَلی گه ها نومتون‌اِر هَر ووژ اَرِنتو شِکِسَ. اَرِه‌چَه نِمِتو مظلوم بوئینو؟ اَرِه‌چَه حاضر نیئینو ضِرَد بِهِینو؟

غَلاطیَل 6:10

اِسَه تا وخد دیریم خوئی بِهِیم اَر کُل کس، مصقوصاً اَر ایمودارَل مسیح.

اَفِسُسیَل 5:15

اِسَه، خو حُواستو بو گه چطور رفدارَ مِهِینو، رفداری نه اِجور نایونَل بلکِم اِجور دونائَل.

اَفِسُسیَل 5:33

خلاصَه هرکُم اژ هُمِه‌یش باس ژَنتو اِجور ووژتو دوس داشدوئی، ئو ژَن‌یش باس حُواس بوتی گه عزّت بِنی اَر میردِه‌ی.

اول تِسالونیکیَل 2:12

هرکُم اژ هُمَه‌مو تشویق کِرد ئو دلگُوئیمو دا ئو اَمونَتمو دا گه طوری رفدار بِهِینو گه لائق خدای بو گه دَوَتتونَ مِهِئَه پاتِشائی ئو جِلال ووژ.

اول تِسالونیکیَل 5:21

بلکِم کُل چی اِنتحو کَن؛ سفدِسخد بچسبِنَ اَ چیئَه گه خوءَ.

اول تیموتائوس 6:11

مِنتائای تو اِاِ پیا خدا، اژ کُل یوئنَ بِحوا، ئو بِچُ اَدُم صالح‌بیئین ئو دینداری ئو ایمون ئو مِحبت، دَرین‌داری ئو مِلائمت.

دوئِم تیموتائوس 2:24

خادم خداون نَباس مِرافَه بِهِه بلکِم باس وَه‌گَرد کُل کس مِرِبو بو، بتونی تیَلیم بِ، ئو وَه صبِر گَنی تیَمِل کِ.

تیتوس 3:2

گَنی کس نوشِن، جنگَری نوئن بلکِم مِلوم بوئن ئو وَه‌گَرد کُل مردِم وَه فِروتنی کاملا رفدار بِهَن.

عِبرانیَل 12:14

فِرَه تقِلا بِهَن تاگَه وَه‌گَرد کُل مردِم اِ صُئل بوئینو ئو مقدّس بوئینو، اَرِیَگه وَه بی‌اَوَه هُیچ‌کس خداون نِموئینی.

اول پطرس 1:22

اِسگَه گه وَه اطاعت اژ حخیخت، گیونَل ووژتو پاکتونا کِردیَ تا مِحبت بِرائی خالصتو داشدوئی، باس اژ تیَه دلا فِرَه یَکتِریتو دوس داشدوئی.

اول پطرس 2:17

عزّت بِنِن اَر کُل کس، بِرالتو دوس داشدوئی، زِلَتون اژ خدا بِچو ئو عزّت بِنِن اَر امپراطور روم.

اول پطرس 3:9

جوواو گَنیَ گَنی ئو دُشمینَ دُشمینا نیَن، بلکِم اِجالی، بِرَکت بارِنَ دس، اَرِیَگه هَر اَرِه یَه دَوَت بینونَ تاگَه بِرَکت بوءَ نَصُیتو.

سِئِم یوحنا 1:11

اِاِ عزیزِم، گَنیَ سرمقش ووژِت نِهَه بلکِم اژ خوئی سرمقشا بِگِر؛ کسی گه خوئیَ مِهِه، اژ خداءَ، آم گَنَ‌کار هرگِس خدا نِئیَسی.

مِکاشفَه 19:10

اَسَه کَتم اَررُی پالی تا عَبادت کَمی. مِنتائای او وِتی‌ئونِم: «ناخواد هُنَ بِهِین! اَرِیَگه مِن‌یش هُم‌قطار تون ئو بِرالتِم گه سفدِسخد مَچسبِن اَر شاتی عیسی‌آ. خدا بِپِرَس! اَرِیَگه شاتی عیسی، روحِ نبوّتَ.»

مِکاشفَه 22:9

مِنتائای فریشدَه وِتی‌ئونِم: «ناخواد هُنَ بِهِین! مِن‌یش هُم‌قطار تون ئو بِرالتِم، یانی نبوّت‌کَرَل، ئو اونَلی گه کلوم ایی کِتاوَ مارِنَ جا. خدا عَبادت کَ.»