اول تِسالونیکیَل 5:14 - کتاب مقدس به زبان لکی - گویش مرکزی

¹⁴ ئو اِاِ بِرال، خواهشد اَژینتونَ مِهِیم گه کسَلی گه تَمَلِن مِنا کِینو، ئو بی‌جورَتَل تشویق کِینو، ضِیفَل یاری دِینو ئو وَه‌گَرد کُلو صبِرتو داشدوئی.

اول تِسالونیکیَل 5:14 Iomraidhean Croise

مَتّی 12:20

زَلی گه تِرَک بِردیِ نِمَشکِنی ئو پِلیتَ نیم‌سوز کورا نِمِهِه، تاگَه عدالتَ پیروزی برَسِنی.

لوقا 22:32

مِنتائای مِن اَرِه تو دوعام کِرد تاگَه ایمونِت تالو ناو. اَسَه وخدی اِدوارَه گِلتاهُارد ایمو بِرالِت پایار کَ.»

کارَل رسولَل 20:27

اَرِیَگه مِه بی‌کمِ‌کسر، کُل کلوم خدام اِلوم کِردیَس اَرینتو.

کارَل رسولَل 20:31

اِسَه حُواستو بو ئو بارنَ ویرتو گه مِه سه سال آزِگار، شو ئو روژ، گِری اژ هُشتار دائنَ هر کُم اَژینتو وَه اَسِرَلِم، دَسِم هیزنا.

کارَل رسولَل 20:35

اِ کُل چی نشونِم داینونَ گه باس هُنَ زیَمَت بِکیشیم تاگَه بتونیم دس ژارَل بِگِریم، ئو قصَه‌ل خداون عیسی‌مونَ ویر بو گه فرمائشت کِردی: ”دائِن اژ گِرتِن بِمارکتِرَ.»

رومیان 12:1

اِسَه اِاِ بِرال، وَه خاطر ریَمَتَل خدا، خواهشدتون اَژینَ مَهَم گه لارَلتون اِجور قُرونی زِنی ئو مقدّس ئو وَه دل خدا پیشکَش بِهَن گه عَبادت روحانی هُمَه هَر یَسَ.

رومیان 14:1

کسی گه ایمو ضِیفِ بِیلِنیِ گِرد، بی‌یَگه اِبارَه عخیدَه‌ل دَمَرَگَ کِینو.

اول قرنتیان 4:14

یَه نِمَنُیسِنِم تاگَه هُمَه خجالتا کَم، بلکِم تاگَه اِجور آیلَل عزیزگرامیم نصیحتتو کَم.

اول قرنتیان 8:7

وَه ایی حالا کُل ایی درکَ نِرِن. اَرِیَگه بِری وِر اژ یَه اَخَ وَه‌گَرد بِتَل سروکارو داشدیَ گه هَنی‌ش اَرّ هُنَ خوراکَلی بیرِن گُمونَ مَهَن اَ خوراکَ اِراسی پیشکَشی بیَس اَر بِتَل ئو اَرِیَگه وِژدانو ضِیفَ، ناپاک بینَ.

غَلاطیَل 5:22

مِنتائای ثمر روحِ خدا، مِحبت، خَوشی، سِتار، صبِر، مِرِبونی، خوئی، وفاداری،

اَفِسُسیَل 4:2

اِ تاواضی کامل ئو مِلائمت، وَه صبِر ئو اِنوم مِحبت یَکتِری تیَمِل بِهَن.

اَفِسُسیَل 4:32

وَه‌گَرد یَک مِرِبو بوئن ئو دلسوز یَکتِری بوئن ئو یَکتِری بوئَشخِن، هَرهُنَ گه خدا هُمَل اِنوم مسیح بَشخیتی.

کولُسیَل 1:28

ایمَه مسیح اِلومَ مِهِیم، ئو هُشتارَ مِیمَ کُل کس، ئو وَه تموم حکمت تیَلیمَ مِیمَ کُل کس، تاگَه اِنوم مسیح کُل کس بالغ باریم اَرِه تک خدا.

دوئِم تِسالونیکیَل 3:15

مِنتائای وَه دشمن نَذانِنی، بلکِم اِجور بِرا هُشتار دَنی.

اول تیموتائوس 3:3

نه یَگه شِراوی بو، یاگَه زور بوشی، بلکِم فَخیر ساگوش‌کَتی بو، ئو نه جنگَری، یا پیل‌دوس.

اول تیموتائوس 6:11

مِنتائای تو اِاِ پیا خدا، اژ کُل یوئنَ بِحوا، ئو بِچُ اَدُم صالح‌بیئین ئو دینداری ئو ایمون ئو مِحبت، دَرین‌داری ئو مِلائمت.

دوئِم تیموتائوس 4:2

کلوم خدا موعظَه کَ ئو وخد ئو بی‌وخد آمادَه بو ئو وَه صبِر ئو تیَلیم کامل، رَنِمائی ئو توبیخ ئو تشویق بِهَه.

تیتوس 1:10

اَرِیَگه فِرَه کسَل هَن گه تور، چِنَه‌مِفت ئو رِنگَرِن، مصخوصاً اونَلی گه اژ دسَه طرفدارَل ختینَه‌ن‌.

تیتوس 1:6

شیخ کلیسا باس چیئی اِنوم زِنِه‌ی ناوتی گه وَه‌سونگَ اَوا لارَ بوتی اَری ئو میردَه یِه ژَن بو ئو آیلَل باایمونی داشدوئیتی گه اژ هر جور بُختِم خیزی ئو توری دویر بوئن.

عِبرانیَل 12:12

اِسَه قویَت بیَنَ دَسَل سُس ئو زُنیَل ضِیفتو!

عِبرانیَل 13:3

اونَلی گه هانِ زندون‌اِر وَه ویرتو بو، هُنَ گه مَری ووژیشتونَ گَردو هاینونَ زندون‌اِر؛ هَمیش ستم‌کیشَلتونِ ویر بو، اَرِیَگه هُمَه ووژیشتو اِنوم لار هُنِینونَ.