اول تِسالونیکیَل 5:10 - کتاب مقدس به زبان لکی - گویش مرکزی

¹⁰ گه وَه خاطر ایمَه مِرد، تاگَه چه زِنی بوئیم چه مِردی، وَه‌گَرد او زِنِه‌ی بِهِیم.

اول تِسالونیکیَل 5:10 Iomraidhean Croise

مَتّی 20:28

هُنَ گه کُر اِنسون‌یش نِهات تاگَه خِلمت اَژی بِهَنی، بلکِم هات تاگَه خِلمت بِهِه ئو تا گیون ووژ اِجور نَسَخ آزادی اَرِه فِرَه کسَل بِ.»

یوحنا 10:11

«مِنِم اَ شوئو خوءَ. شوئو خو گیو ووژَ مِهِئَه خِر کاوِرَلی.

یوحنا 10:15

هُنَ گه باوَه مِنَ مَشتاسی ئو مِه باوَه مَشتاسِم. مِه گیون ووژمَ مَهَمَ خِر کاوِرَلِم.

یوحنا 10:17

اَژونَسَ، باوَه مِه دوس دیری اَرِیَگه مِه گیون ووژمَ میَم تاگَه اِدوارَه بِسینمی.

یوحنا 15:13

مِحبتی کَلِنگتِر اژ یَه نیَ گه کسی گیو ووژ بِهِئَه خِر رِقیفَلی.

رومیان 8:34

کیَ گه مَکومو کِ؟ مسیحْ عیسی گه مِرد، بلکِم اژ مِردیَل‌یش زِنیا بی، او گه ها اَر دس راس خداآ، اوءَ گه اِراسی اَرِه ایمَه شِفاعت‌یشَ مِهِه!

اول قرنتیان 15:3

اَرِیَگه چیئی گه رَسیَس‌‌ئونِم، مِهمتِرین چیئی کَ گه دام‌َ دَستونا: یَگه مسیح مِطابق نُسَخ مقدّس وَه خاطر گنائَل ایمَه مِرد،

دوئِم قُرَنتیان 5:15

ئو او وَه خاطر کُل مِرد تاگَه اونَلی گه زِنیئِن دیَر اَرِه ووژو زِنِه‌ی نَهَن، بلکِم اَرِه او گه وَه خاطر اونَل مِرد ئو زِنیا بی.

دوئِم قُرَنتیان 5:21

خدا او گه گنا نشتاسیتی، وَه خاطر ایمَه کِردیَ گنا تاگَه ایمَه اِنوم او بوئیمَ صالح‌بیئین خدا.

اَفِسُسیَل 5:2

ئو اِنوم مِحبت رفدار بِهَن، هَرهُنَ گه مسیح‌یش مِحبت کِردی اَر ایمَه ئو گیو ووژ اِجور قُرونی ئو پیشکَشی عطِرداری اَرِه ایمَه تقدیم خدا کِردی.

اول تِسالونیکیَل 4:13

مِنتائای اِاِ بِرال، نِمِمو اژ ایمودارَلی گه مِردِنَ بی‌خَوَر بوئینو، ناخواد هُمِه‌یش اِجور باقی مردِم گه امید نِرِن، بنیشینونَ خُصَه هُاردِن.

اول تِسالونیکیَل 4:15

اَرِیَگه وَه‌سونگَ کلوم خداون یَه موشیمَ بینتو: ایمَه گه زِنیئیم ئو تا هاتِن خداون مَمینیم اَر جا، نِمِیمون اَر قِ ایمودارَلی گه مِردِنَ.

اول تِسالونیکیَل 4:17

اَسَه ایمَه گه زِنیئیمون ئو مَنیمَس اَر جا، وَه گَرد اُوُ اِنوم اُرَل میَرِنمو ویرِ بِلِنگ تاگَه اِ آسمو خداون بوئینیم، اَسَه ایمَه هَر هایمَ ‎گَرد خداون.

اول تِسالونیکیَل 5:6

اِسَه باس اِجور باقی، نِئسیم، بلکِم بِمینیمَ خَوَر ئو وَه سر ووژمونا بوئیم.

اول تیموتائوس 2:6

او گه گیو ووژ اَرِه خیمت آزادی کُل آمَل داتی، ایی حخیختَ اِ زَمو دُریس ووژ شاتی هاوِنتیَ بی.

دوئِم تیموتائوس 2:11

ایی قصَه ماو اِتِمادَ بی کِینی گه: اَرّ وَه‌گَرد او مِردیم، وَه‌گَرد اویش زِنِه‌یَ مِهِیم.

تیتوس 2:14

گه ووژ کِردیَ خِر ایمَه تاگَه اژ کُلِ جور شرَباری آزادمو کِ، ئو قومی اَرِه ووژ پاک بِهِه گه فَخَد هِن ووژ بوئنی گه اَرِه کارَل خِر خیرَت دیرِن.

اول پطرس 2:24

مسیح ووژ گنائَل ایمَه اِ لار ووژ اَررُی صلیب گِرتیِ کول، تا ایمَه اَرِه گنا بِمِریم ئو اَرِه صالح‌بیئین زِنِه‌ی بِهِیم، هَراَ کسَ گه وَه زیَمَل او شِفاتو گِرتیَ.

اول پطرس 3:18

اَرِیَگه مسیح‌یش یِه گِل اَرِه گنائَل عذاو کیشیتی، یانی اَ آم صالحَ اَرِه آمَل ناصالح، تا باریتون‌ اَرِه تک خدا. او اِنوم جسم کُشیا، مِنتائای اِنوم روح، زِنیا بی،