اول تِسالونیکیَل 4:9 - کتاب مقدس به زبان لکی - گویش مرکزی

⁹ اِسگَه اِبارَه مِحبت بِرائی نیازی نیَ کسی چیئی اَرِنتو بِنُیسِنی، اَرِیَگه هُمَه ووژتون اژ خدا گِرتِتونَسا گه یَکتِریتو دوس داشدوئی.

اول تِسالونیکیَل 4:9 Iomraidhean Croise

مَتّی 22:39

دوئِمین حکم‌یش اِجور حکِم اولینِهِئَه: ”هُمسات اِجور ووژِت دوسِت داشدوئی.“

یوحنا 14:26

مِنتائای اَ هِنارَسَ، یانی روح‌القدس، گه باوَه وَه نُم مِه کِلَ‌مِهِیتی، او کُل چی تیَلیمتونَ مِ ئو هرچی گه مِه وِتمَ بینتو، ماریَ ویرتو.

کارَل رسولَل 4:32

کُل ایمودارَل اژ دل ئو گیو یَکی بین ئو هُیچ کس چیئی اژ دارِنداری هِن ووژ نِمَذِناسدی، بلکِم اِ کُل چی وَه‌گَرد یَک هُم‌بیَر بین.

رومیان 12:10

یَکتِریتون اِجور بِرا دوس داشدوئی. اِ عزّت نائن اَر یَکتِری، بیَن اَر قِ یَکا.

دوئِم قُرَنتیان 9:1

اِسگَه لازم نیَ اِبارَه خِلمت اژ ایمودارَل مسیح اَرِه هُمَه بِنُیسِنِم،

فیلیپیَل 3:15

اِسَه کُل ایمَه گه بالغیم، باس هُنَ فگِر بِهِیم، ئو اَرّ اِ هرچی جوری‌تِر فگِرَ مِهِینو، یوئیشَ خدا اَر هُمَه آشگارا مِهِه.

اول تِسالونیکیَل 5:1

اِسگَه اِبارَه وخدَل ئو زمونَل، اِاِ بِرال، اِ کار نیَ چیئی اَرِنتو بِنُیسِنِم.

عِبرانیَل 10:16

«خداونَ موشی، یَسَ عَتی گه دُما اَ روژِلَ وَه‌گَرد اونَ موئنِم. شریعت ووژمَ مَنِم اِنوم دلَلو، ئو مَنُیسِنِم اَررُی فگِرَلو.»

عِبرانیَل 13:1

بِیلِن مِحبت بِرائی هَر بو.

اول پطرس 3:8

آخِرسر، کُلتو هُم‌رِأ، هُم‌دل ئو بِرادوس ئو دلسوز ئو فِروتن بوئن.

اول پطرس 4:8

مِهمتِر اژ کُل چی، اژ تیَه دلا یَکتِریتو دوس داشدوئی، اَرِیَگه دوس داشدِن، گنائَل فِرِه‌ی مَپوشِنی.

دوئِم پطرس 1:7

ئو اَر دینداری، دوس داشدِن بِرائی ئو اَر دوس داشدِن بِرائی، مِحبت.

اول یوحنا 2:10

هر کی بِرا ووژ دوس دیری، لیزَ مَگِری اِنوم نُیر ئو هُیچی باعث اِ گنا کَتِن او نِماو.

اول یوحنا 3:11

اَرِیَگه یَسَ اَ پِغومَ گه اژ اَ اولَ شنَفتِتونَ، گه باس یَکتِریمو دوس داشدوئی.

اول یوحنا 3:23

حکِم او یَسَ گه ایمو باریمَ نُم کُری عیسی مسیح ئو یَکتِریمو دوس داشدوئی، هُنَ گه مسیح‌یش هَر ایی فِربونَ داسیَ ایمَه.

اول یوحنا 4:21

ئو ایمَه ایی حکمَ اژ او دیریم گه هر کی خدا دوس دیری، باس بِرا ووژیشی دوس داشدوئیتی.