اول تِسالونیکیَل 4:3 - کتاب مقدس به زبان لکی - گویش مرکزی

³ اَرِیَگه خواس خدا یَسَ گه مقدّس بوئینو: ووژتون اژ بی‌عصمتی دویر بِگِرِن.

اول تِسالونیکیَل 4:3 Iomraidhean Croise

مَتّی 12:50

اَرِیَگه هر کی خواس باوَه مِه گه ها نوم آسمون‌اِر، باریَ جا، بِرا ئو خُیَه ئو دا مِنَ.»

مَتّی 15:19

اَرِیَگه اژ دلَ گه فگِرَل گَن، آم کُشتِن، زِنها، بی‌عصمتی، دُزی، شاتی دِرو ئو بُختِم اِرَمای.

مَتّی 5:32

مِنتائای مِنَ موشِم‌ئونتو، هر کی وَه خاطر چیئی بِخِر اژ زِنها کِردِن ژَن ووژ طِلاخ دِ، باعث زِنهاکار بیئِن اوءَ ماو؛ ئو هر کی ژَنی بُوازی گه وِرِکار طِلاخ گِرتیَسی، زِنهاءَ مِهِه.

مَتّی 7:21

«نه هر کی مِنَ ’اِاِ خداون، اِاِ خداون‘ هِنا کِ مَچو اِنوم پاتِشائی آسمونا، بلکِم اَوَه گه خواس باوَه‌م گه ها آسمون‌اِر باریَ جا.

مَرقُس 3:35

اَرِیَگه هر کی گه خواس خدا باریَ جا، بِرا ئو خُیَه ئو دا مِنَ.»

یوحنا 4:34

عیسی وِتیَ بینو: «خوراک مِه یَسَ گه خواس اَوَه گه مِه کِل‌کِردیَسی، اَنجوم دَم، ئو کار او وَه سرانجوم برَسِنِم.

یوحنا 7:17

اَرّ کسی اِراسی بِیتی خواس خدا اَنجوم بِ، مَفیَمی گه ایی تیَلیمِلَ اژ جونِم خداءَ یاگَه مِه اژ ووژمَ موشِم.

کارَل رسولَل 15:20

مِنتائای باس اِنوم نُامه‌ی اَرِنو بِنُیسِنیم گه اژ خوراکی گه وَه خاطر پیشکَشی اَر بِتَل نِجس بیَ، اژ بی‌عصمتی، اژ گوشد حِوونَل تاسیا ئو اژ خوین هُاردِن پیَریز کَن.

کارَل رسولَل 15:29

اژ خوراکی گه وَه خاطر پیشکَشی اَر بِتَل نِجس بیَ، اژ هُاردِن خوین، اژ گوشد حِوونَل تاسیا ئو اژ بی‌عصمتی پیَریز کَن، اَرّ ووژتون اژ ایی چیئِلَ دویرا بِگِرینو، کارَل خوتونی اَنجوم داءَ، والسّلام.»

کارَل رسولَل 20:32

«اِسگَه میَمتونَ دس خدا ئو کلوم فیض اوآ، گه مَتونی بِناتو کِ ئو اِنوم کُل کسَلی گه تقدیس بینَ، میراتی بِ‌ئونتو.

کارَل رسولَل 26:18

تاگَه چیَمَلو واز کِین تاگَه اژ تیَریکی ویرِ روشتایی ئو اژ قدِرت شِطو گِلارِن ویرِ خدا، تاگَه وَه‌سونگَ ایمون اَر مِه گنائَلو بَشخیا بو ئو اِنوم کسَلی گه تقدیس بینَ، بیَرونی داشدوئی.“

رومیان 1:29

اونَل اژ کُلِ جور نادُریسی، شرَباری، طَما ئو گِن‌هِستِن پِرِن. پِر اژ حَسوئی، آم‌کشتِن، جنگ، رِنگَری ئو گَن هِستِن اَرِه کسَلی‌تِرِن. اونَل راوَبار،

رومیان 12:2

نوئنَ هُم‌شکِل ایی دنیاءَ، بلکِم وَه نووآ بیئِن فگِرَلتو، عوض بوئن. اَسَه مَتونینو خواس خدا تشقیص دِینو؛ خواس خو، باوِ دل ئو کامل خدا.

رومیان 6:22

مِنتائای اِسگَه گه اژ گنا آزاد بینونَ ئو بینو‌نَسَ خُلُمَل خدا، ثمری گه میَرینو قدوسیّتَ گه آخِری ژییاین ابدیَ.

اول قرنتیان 1:30

وَه‌سونگَ اوءَ گه هُمَه هاینون اِنوم مسیحْ عیسی، اَوَه گه اژ جونِم خدا اَرِه ایمَه بیَسَ حکمت، صالح‌بیئین، قدوسیّت ئو آزدی.

اول قرنتیان 7:2

مِنتائای اَرِیَگه وسوسَه بی‌عصمتی هَس، هر پیای باس ژَن ووژ داشدوئیتی ئو هر ژَنی میردَه ووژ.

دوئِم قُرَنتیان 12:21

زِلَمَ مَچو وخدی گِلارم اَرِه تَکتو، خداءِ مِه، اِدوارَه اَرتَک هُمَه، مِه فِروتنا کِ، ئو مِه مجبور بوئم اَرِه کسَلی گه وِرِکار گنائو کِردیَ ئو اژ ناپاکی، بی‌عصمتی، ئو عِیاشیَلی گه کِردونَ توئه‌ئو نَهَردیَ، هَری بِگِرِم سر.

غَلاطیَل 5:19

کارَل جسم دیارِن: بی‌عصمتی، ناپاکی، ئو خیزی؛

اَفِسُسیَل 5:17

اِسَه نایو نوئن، بلکِم بِذانِن گه خواس خداون چیَ.

اَفِسُسیَل 6:6

ئو یوئیشَ نه فَخَد وخدی گه هاینونِ وَر چیَمَلو، اِجور کسَلی گه هانَ دُم یَگه وَه دل اِنسونَل بوئن، بلکِم اِجور خُلُمَل مسیح گه خواس خدا وَه دل ئو گیونَ مارِن‌َ جا.

کولُسیَل 1:9

وَه ایی خاطرَ، اژ روژی گه یَمونَ شنَفت، دَسمون اژ دوعا کِردِن اَرِنتو نکیشیَ، بلکِم یِمِجو اژ خدامونَ مِ گه پِر بوئینون اژ شناخت خواس او، اِ هر حکمت ئو فیَم روحانی،

کولُسیَل 3:5

اِسَه هر چیئی گه اِنوم هُمَه زمینیَ بِکُشِن، یانی بی‌عصمتی، ناپاکی، شَوَت، چیئَل گَن هِستِن، طَما گه هَر بِت‌پِرَسیَ.

کولُسیَل 4:12

اِپافْراس، گه یَکی اژ هُمِئَه، ئو خادم مسیحْ عیسیَ، سِلامَ مَرَسِنیَ بینتو. او هَر اِ دوعائَلی اَرِه هُمَه تقِلاءَ مِهِه تاگَه هُمَه بتونینو بالغ ئو وَه اطمینو کامل بوسینون اَر سر تموم خواس خدا.

اول تِسالونیکیَل 4:2

اَرِیَگه مَذانینو چه حکمَلمونی وَه‌سونگَ خداون عیسی، داءَ هُمَه.

اول تِسالونیکیَل 4:4

هرکُم اژ هُمَه باس بِذانی گه چطور لار ووژ اِ پاکی ئو عزّت حفظ کِ،

اول تِسالونیکیَل 5:18

اِ هر حالِ‌روژی شگِرگزار بوئن، اَرِیَگه یَسَ خواس خدا اِنوم مسیحْ عیسی اَرِه هُمَه.

اول تِسالونیکیَل 5:23

اِسگَه خداءِ صُئل ئو سِلامتی ووژ هُمَه کامل تقدیس بِهِه ئو کُل روح ئو گیون ئو لارتو تا هاتِن خداونمو عیسی مسیح، بی‌عِو پایار بِمینی.

دوئِم تِسالونیکیَل 2:13

مِنتائای اِاِ بِرالی گه عزیزگرامی خدائینو، ایمَه باس وَه خاطر هُمَه هَر شگِر خدا بِهِیم، اَرِیَگه خدا هُمَل اِجور نوبر دیاری کِردی تا وَه‌سونگَ کار تقدیس‌کَر روحِ خدا ئو ایمون اَر حخیخت نجاد بِگِرینو.

تیتوس 2:14

گه ووژ کِردیَ خِر ایمَه تاگَه اژ کُلِ جور شرَباری آزادمو کِ، ئو قومی اَرِه ووژ پاک بِهِه گه فَخَد هِن ووژ بوئنی گه اَرِه کارَل خِر خیرَت دیرِن.

عِبرانیَل 10:36

اَرِیَگه لازمَ پایار بِمینینو تا زمونی گه خواس خداتو اَنجوم دا، اَ چیئَه گه وَدَه هاوِنتیَ بارینونَ دس.

عِبرانیَل 12:16

تاگَه هُیچ‌کُم اَژینتو اِجور عیسو بی‌عصمت یاگَه نامقدّس ناو، گه حخ اول‌زا بیئِن ووژ فِروتیَ جُمی آش.

عِبرانیَل 13:21

هَراَ خدای گه هُمَل مِجهز کِردیَ کُل چیئَل خو تاگَه خواس او اَنجوم دِینو، تاگَه اَ چیئَه گه وَه دِلَسی وَه‌سونگَ عیسی مسیح اِنوم ایمَه اَنجوم دِ، گه جِلال اَر او تا ابدالآباد. آمین.

عِبرانیَل 13:4

داوات کِردِن باس اِنوم کُل مردِم عزّت داشدوئیتی ئو رابطَه حِلال‌هُمسری پاک بو، اَرِیَگه خدا اَر بی‌عصمتَل ئو زِنهاکارَل داوریَ مِهِه.

اول پطرس 1:2

اونَلی گه مِطابق اَ چیئَه گه خداءِ باوَه وِرِکار مَذِناسدی، وَه‌سونگَ کار تقدیس‌کَر روحِ خدا، ئو اَرِه اطاعت اژ عیسی مسیح ئو پِشکونِن خوین او اَر اونَل، دیاری بینَ: فیض‌وسِلامتی چَل‌چَل اَر هُمَه بو.

اول پطرس 4:2

هُنَ باقی عمِر اِنوم جسم، اَرِه اَنجوم دائِن خواس خدا زِنِه‌یَ مِهِه، نه اَرِه هُواوهوسَل بشری.

اول یوحنا 2:17

دنیا ئو هُواوهوسَلی دیری مَگُذَری، مِنتائای اَوَه گه خواس خدا ماریَ جا، تا ابدَ مَمینی.

مِکاشفَه 21:8

مِنتائای بی‌جورَتَل ئو بی‌ایمونَل ئو تویک‌تیَلَل ئو آم‌کُشَل ئو زِنهاکارَل ئو جادوگرَل ئو بِت‌پِرَسَل ئو کُل دِروزِنَل، دریاچَه گُرگِرتی وَه آگِر ئو گوگرد، ماوَ نَصُیو. یَه مرگ دوئِمَ.»

مِکاشفَه 22:15

سگَل ئو جادوگرَل ئو زِنهاکارَل ئو آم‌کُشَل ئو بِت‌پِرَسَل ئو هر کی گه دِرو دوس دیری ئو اَنجومَ مِیتی، هانَ دِریر.