اول تِسالونیکیَل 4:1 - کتاب مقدس به زبان لکی - گویش مرکزی

¹ دُماخِرِ، اِاِ بِرال، ایمَه اِنوم خداون عیسی مَلالکیمَ بینتو ئو خواهشد اَژینتونَ مِهِیم، هُنَ گه اژ ایمَه‌تو گِرتا گه چطور باس زِنِه‌ی بِهِینو ئو وَه دل خدا بوئینو، هَرهُنَ گه دیرینو مِهِینو، هَر یَه ویشتِرِ ویشتِر بِهَن.

اول تِسالونیکیَل 4:1 Iomraidhean Croise

یوحنا 15:2

هَر پَلی گه اِنوم مِه ثمر ناری، او مُئرِتی ئو هر پَلی گه ثمر باری، هرسَ مِهِیتی تاگَه ویشتِر ثمر باری.

کارَل رسولَل 20:27

اَرِیَگه مِه بی‌کمِ‌کسر، کُل کلوم خدام اِلوم کِردیَس اَرینتو.

رومیان 8:8

ئو کسَلی گه جسمونیِن، نِمَتونِن وَه دل خدا بوئن.

اول قرنتیان 11:23

اَرِیَگه اَ چیئَه گه سپارتِمَس‌ئونتو، اژ خداونِم گِرتیَ گه عیسی خداون اِ شوئی گه اوُ داءَ گیر دشمن، نونِهَه گِرتی

اول قرنتیان 15:1

اِسگَه بِرال، میا انجیلی بارمَ ویرتو گه موعظَه‌م اَرِه کِردینو، هَراَ انجیلَ گه قبولتو کِردیَ ئو سفدِسخد هوسیاینونَسی اَر سر

اول قرنتیان 15:58

اِسَه، بِرال عزیزِم، پایار بِمینِن ئو اژ جاتو تَکو نیرِن، هَر اژ تیَه دلا اَرِه خداون کار کَن، اَرِیَگه مَذانینو گه زیَمَت هُمَه اِنوم خداون بی‌فادَه نیَ.

دوئِم قُرَنتیان 10:1

مِه، پولُس، ووژِم وَه فِروتنی ئو مِرِبونی مسیح خواهشدتون اَژینَ مَهَم -مِه گه هر اَ جورَ گه هُمَه موشینو وخدی هام اَرتَکتو بی‌جورَتِم مِنتائای وخدی دویرِم اَژینتو جورَت دیرِم-

دوئِم قُرَنتیان 13:11

دُماخِرِ اِاِ بِرال، خَوشال بوئن؛ فگِرتو یَه بوءَ گه کاملا بوئینو؛ یَکتِری دلگُوئی دَن؛ هُم‌رِأ بوئن؛ ئو اِ صُئل‌وسِلامتی زِنِه‌ی بِهَن، ئو خداءِ مِحبت ئو صُئل‌وسِلامتی ها گَرد هُمَه.

دوئِم قُرَنتیان 5:9

اِسَه چه اِ مال بوئیمو، چه دویر اژ مال، مصقودمو یَسَ گه وَه دل او بوئیمو.

دوئِم قُرَنتیان 6:1

ایمَه گه هُمکارَل مسیحیم خواهشد اَژینتونَ مِهِیم گه نِیلِن اَ فیض خداءَ گه آوِردِتونَسَ دس، بی‌فادَه بو.

غَلاطیَل 6:1

اِاِ بِرال، اَرّ کسی گرفدار خطای بو، هُمَه گه روحِ خدا دیرینو وَه روحِ مِلائمت گِلادَنی، هَمیش حُواستون ووژتو بو تاناخواد وسوسَه بوئینو.

اَفِسُسیَل 4:1

اِسَه مِه گه وَه خاطر خداون زندونیِم، خواهشد اَژینتونَ مَهَم گه لائق دَوَتی گه اَژینتو بیَ، رفدار بِهَن،

اَفِسُسیَل 4:20

مِنتائای هُمَه مسیحتو هُنَ نَگِرتا،

اَفِسُسیَل 5:17

اِسَه نایو نوئن، بلکِم بِذانِن گه خواس خداون چیَ.

فیلیپیَل 1:27

فَخَد بِیلِن اِ زِنِه‌یتو رفدارتو لائق انجیل مسیح بو، تاگَه چه مِه بام ئو هُمَه بوئینِم چه نوئم، اِبارَه هُمَه بشتوئِم گه سفدِسخد اِ یِه روح هوسیاینونَ، وَه یِه فگِر، شونَ شو یَکتِری اَرِه ایمو انجیل تقِلاءَ مِهِینو.

فیلیپیَل 1:9

ئو دوعا مِه یَسَ گه مِحبت هُمَه وَه‌گَرد شناخت ئو فیَم کامل ویشتِرِ ویشتِرا بو.

فیلیپیَل 3:14

اَرِیَگه برَسم اَر قَص ووژِم تقِلا مَهَم تا جائزه‌ی بارمَ دس گه خدا اَرِه اَوَه اِنوم مسیحْ عیسی دَوَت کِردِمَسیَ بِلِنگ.

کولُسیَل 1:10

تا رفدارتو لائق خداون بو، اِ هر لِحاظ خَوشالا کِینونی، ئو اِ هر کار خوئی ثمر بارینو ئو اِ شناخت خدا رشد کِینو

کولُسیَل 2:6

اِسَه هَرهُنَ گه مسیحْ عیسی خداونتو قبول کِرد، اِنوم او زِنِه‌ی بِهَن.

اول تِسالونیکیَل 3:12

ئو هُنَ گه مِحبت ایمَه اَر هُمَه فِرَه‌آ ماو، خداون مِحبت هُمَه اَر یَکتِری ئو اَر کُل مردِم ویشتِر ئو فِرَه‌تِرا کِ،

اول تِسالونیکیَل 4:2

اَرِیَگه مَذانینو چه حکمَلمونی وَه‌سونگَ خداون عیسی، داءَ هُمَه.

اول تِسالونیکیَل 5:12

اِاِ بِرال، خواهشد اَژینتونَ مِهِیم عزّت بِنِن اَر کسَلی گه اِنومتو زیَمَتَ مَکیشِن ئو اِنوم خداون رَبَرَل هُمَه‌ن ئو مِناتونَ مَهَن.

دوئِم تِسالونیکیَل 1:3

اِاِ بِرال، ایمَه باس هَر وَه خاطر هُمَه شگِر خدا بِهِیم، ئو هَر یَه سزاواریشَ، اَرِیَگه ایمونتو هَر دیری ویشتِر رشدَ مِهِه ئو مِحبت هرکُمتون اَر یَکتِری فِرَه‌تِرا ماو.

دوئِم تِسالونیکیَل 2:1

اِاِ بِرال، اِبارَه هاتِن خداونمو عیسی مسیح ئو جیَم بیئِنمون اَرتک او، خواهشد اَژینتونَ مِهِیم،

دوئِم تِسالونیکیَل 3:1

دُماخِرِ، اِاِ بِرال، دوعامون اَرِه بِهَن تا کلوم خداون زوی پَشخا بو ئو قُرپ بِگِری، حَقات اَجورَ گه اِنوم هُمَه بی،

دوئِم تِسالونیکیَل 3:13

ئو مِنتائای هُمَه اِاِ بِرال، هرگِس اژ خوئی کِردِن شَکَت نوئن.

اول تیموتائوس 5:21

اَر تک خدا ئو مسیحْ عیسی ئو فریشدَه‌لی گه دیاری بینَ، سفدِسخد اَمونَتتَ میَمَ بی گه ایی فِربونِلَ بی‌خِرَض رایَت بِهِین ئو هُیچ کاری وَه دوچیَمکی نِهِین.

دوئِم تیموتائوس 4:1

اَرتَک خدا ئو مسیحْ عیسی گه اَر مِردیَل ئو زِنیَل داوریَ مِهِه ئو وَه خاطر پاتِشائی ئو ظاهربیئِنی، اَمونَتتَ میَمَ بی

عِبرانیَل 11:6

ئو بی‌ایمو مِحالَ وَه دل خدا بوئیمو، اَرِیَگه هر کی نزیکا ماو اَر او، باس ایمو داشدوئیتی گه او هَسی ئو وَه کسَلی گه مِنِیَ مَهَنی اَجِرَ مِ.

عِبرانیَل 13:16

اژ خوئی کِردِن ئو بیَردارا کِردِن کسَلی‌تِر اژ چیئَلی گه دیرینو خافل نوئن، اَرِیَگه هُنَ قُرونیَلی وَه دل خدان.

عِبرانیَل 13:22

اِاِ بِرال، مَلالکِم‌ئونتو ایی کلوم پَن مِنَ تیَمِل بِهِینو، اَرِیَگه کُئلِ‌کوتام اَرِنتو نُیسونیَ.

دوئِم پطرس 3:18

بلکِم اِنوم فیض ئو شناخت خداون ئو نجاددهندَه ایمَه عیسی مسیح رشد بِهَن، گه جِلال اژ اِسگَه تا ابد اَر او بو! آمین.

اول یوحنا 3:22

ئو هر چَمونی بِ، اَژینَ مَسینیمی، اَرِیَگه حکمَل اوءَ ماریمَ جا ئو اَ چیئَه گه خَوشالا مِهِیتی، اَنجومَ مِیم.