اول تِسالونیکیَل 3:3 - کتاب مقدس به زبان لکی - گویش مرکزی

³ تاگَه هُیچ‌کس وَه خاطر ایی سخدیِلَ سُسا ناو. اَرِیَگه ووژتونَ مَذانینو گه ایمَه اَرِه یَه مَیِّن بیمونَ.

اول تِسالونیکیَل 3:3 Iomraidhean Croise

لوقا 21:12

«مِنتائای وِر اژ کُل یوئنَ، هُمَه مَگِرِن، آزارتونَ میَن ئو هُمَه میَنَ دس عَبادتگال ئو زندونَل، ئو وَه‌سونگَ نُم مِه، میَرِنتون اِرَه تک پاتِشائَل ئو والیَل

یوحنا 16:2

هُمَل اژ عَبادتگائَل یهودَ ماوژِنَ دِریر ئو جُ‌جُ زمونی مای گه هر کی هُمَه بِکُشی، گُمونَ مِهِه گه خِلمت کِردیَسی اَر خدا.

یوحنا 16:33

یوئنَمَ وِتَ هُمَه تاگَه اِنوم مِه سِتارتو بِگِری. دنیا اَرِه هُمَه ماوَ جُور؛ مِنتائای بِیلِن دلِ‌دَرینتو داشدوئی، اَرِیَگه مِه بیمَسَ حریف ایی دنیاءَ.»

کارَل رسولَل 14:22

قویَتونَ ماءَ دل شاگردَل ئو اونَلو تشویقَ مَهَرد تاگَه بوسِن اَرسر ایمونو ئو موئِتو: «ایمَه باس وَه تیَمِل سخدیَل فِرِه، بِچیمَ نوم پاتِشائی خداآ.»

کارَل رسولَل 2:25

اَرِیَگه داوود پِخَمَر اِبارَه او وِتی: ”خداونِم هَر اَر وَر رُی ووژِم دیَ، اَرِیَگه او ها دس راسما تاگَه مِه نامَ رِکَه.

کارَل رسولَل 21:11

او هات اِرَه تک ایمَه ئو قِ‌وَنِهَه پولُس سَنی، دَسِ پال ووژَ اَوا بَسدی، وِتی: «روح‌القدسَ موشی: ”یهودیَل اورشلیم صائای ایی قِ‌وَنَ هَرهُنَ آموئنِن ئو میَنیَ دس خِرِیهودیَلا.“»

کارَل رسولَل 21:13

مِنتائای پولُس جوواوا داتی: «یَه چه کاری کَ مِهِینو؟ اَرچَه مَگیرینون ئو دل مِنَ مَشکِنینو؟ مِن اَرِه نُم خداون عیسی، حاضرِم نه فَخَد بِکُوئِمِ زندو، بلکِم اِنوم شیَر اورشلیم بِمِرِم.»

کارَل رسولَل 9:16

مِه نشونَ میَمی گه وَه خاطر نُم مِه چَنی باس جُور بِکیشی.»

رومیان 5:3

نه فَخَد یَه، بلکِم اِ عذاوَل‌یش خَوشیَ مِهِیم، اَرِیَگه مَذانیم گه عذاوَل طاخَتَ ماریَ بار

اول قرنتیان 15:58

اِسَه، بِرال عزیزِم، پایار بِمینِن ئو اژ جاتو تَکو نیرِن، هَر اژ تیَه دلا اَرِه خداون کار کَن، اَرِیَگه مَذانینو گه زیَمَت هُمَه اِنوم خداون بی‌فادَه نیَ.

اول قرنتیان 4:9

اَرِیَگه مِه گُمونَ مَهَم خدا اَرِه نِشو دائِن، ایمَه اِجور اسیرَل مَکوم وَه مِردِن ناسی اَر آخِردال. اَرِیَگه ایمَه بیمونَسَ نِماش اَرِه کُل دنیا، آمَل ئو فریشدَه‌ل.

اَفِسُسیَل 3:13

اِسَه خواهشد اَژینتونَ مَهَم وَه خاطر جُورَلی گه اَرِه هُمَه مَکیشِم، دلسردا نوئن، اَرِیَگه اونَل باعث افتخارتونِن.

فیلیپیَل 1:28

ئو اِ هُیچی اژ کسَلی گه هان اَرضدتو زِلَتو نِمَچو. یَه اَرِه اُوُ نشونَه آشگاری اَرِه نابودیونَ، مِنتائای نشونَه نجاد هُمِئَه، ئو یَه اژ جونِم خداءَ.

کولُسیَل 1:23

اَرّ هُمَه سفدِسخد ئو پایار بِمینینون‌ اَرسر ایمونتو ئو اژ امید انجیلی گه شنَفتِتونَ تَکو نیرینو، هَراَ انجیلی گه اِنوم تموم خلقت ژیر آسمو اِلوم بیَ، ئو مِه، پولُس، بیمَسَ خادم اَوَه.

اول تِسالونیکیَل 5:9

اَرِیَگه خدا ایمَه اَرِه خَضو مَیِّن نَهَردیَسی، بلکِم اَرِیَگه وَه‌سونگَ خداونمو عیسی مسیح نجاد باریمَ دس.

دوئِم تِسالونیکیَل 1:4

اَژونَسَ ایمَه اِنوم کلیسائَل خدا وَه خاطر دَرین‌داری ئو ایمونتو اِ تیَمِل مِصیوَتَل ئو سخدیَل افتخارتونَ بینَ مِهِیم.

دوئِم تیموتائوس 1:8

اِسَه اژ شاتی دائِن اَر خداون ایمَه عارِت نای ئو اژ مِن‌یش گه وَه خاطر او هامِ زندون‌اِر، بلکِم تونیش وَه قدِرت خدا اِ عذاو کیشین وَه خاطر انجیل شریک بو.

اول پطرس 2:21

اَرِیَگه، هُمَه هَر اَرِه یَه دَوَت بینونَ، اَرِیَگه مسیح‌یش اَرِه هُمَه زجِر کیشیتی ئو سرمقشی اَرِنتو هُیشتی تا پا بِنینون اَر جاپا او.

مِکاشفَه 2:10

اژ جُورَلی گه وَه ایی زویَ مَکیشین زِلَت نَچو. سِیل کَ، ابلیس وَه ایی زویَ بِری اژ هُمَه ماوژیِ زندو، تا اِنتحو بوئینو ئو دیَه روژ عذاوَ موئینینو. تا مِردِن وفادار بِمین، گه مِه تاج ژییاینتَ موئَشخِم‌ئون.

مِکاشفَه 2:13

مَذانِم جالیزِت هار کو، اَر اورَه گه تخت پاتِشائی شِطونَ. وَه ایی حالا سفدِسخد چسبینَس اَر نُم مِنا ئو ایمونی گه اَر مِنِت داشد، حاشا نَهَرد، جُ‌جُ اِ روژَلی گه آنتیپاس، اَ شات وفادار مِنَ، اِنومجا هُمَه گه جالیز شِطونَ، کُشیا.