اول تِسالونیکیَل 2:9 - کتاب مقدس به زبان لکی - گویش مرکزی

⁹ اَرِیَگه اِاِ بِرال، هُمَه زیَمَت ئو جُور ایمَه‌تو ها ویر، گه شو ئو روژ کارمو کِرد تاگَه وخدی انجیل خدا اَرِنتو موعظَه مِهِیم، بار گِرونی اَر کول هُیچ‌کُم اَژینتو نوئیمو.

اول تِسالونیکیَل 2:9 Iomraidhean Croise

لوقا 18:7

اِسَه، مَر خدا نِمَرَسیَ دای اونَلی گه ووژ دیاری کِردِنَسی گه شو ئو روژ اِمدایَ مارِنیِ درگا؟ یانی ایی کارَ هَراَ ماوژیِ دُما؟

لوقا 2:37

ئو تا هشتاد ئو چوار سالونی بیوَه مَنوئی. او هُیچ وخد معبد خدا وِل نِمَهَردی، بلکِم شو ئو روژ، وَه روژی بی، ئو دوعا ئو عَبادتَ مَهَردی.

کارَل رسولَل 18:3

ئو وَه‌چوینا گه کار اویش چُی اونَل داواردوزی بی، مَن اَرتَکو ئو کار کِردی.

کارَل رسولَل 20:24

مِنتائای مِه گیونمَ هُیچَ حساوَ مارِم، ئو ارزشدمی اَرِه نِری، اَرّ فَخَد بتونِم دور ووژِم ئو خِلمَتی گه اژ خداون عیسی‌م گِرتیَ تمومِ‌کمال اَنجوم دَم، گه هَراَ شاتی دائِن اَر خَوَر خَوش فیضِ خداسَ.

کارَل رسولَل 20:31

اِسَه حُواستو بو ئو بارنَ ویرتو گه مِه سه سال آزِگار، شو ئو روژ، گِری اژ هُشتار دائنَ هر کُم اَژینتو وَه اَسِرَلِم، دَسِم هیزنا.

رومیان 1:1

اژ پولُس، خُلُم مسیحْ عیسی، گه دَوَت بیَ تاگَه رسول بو ئو وَخم بیَسَ اَرِه انجیل خدا؛

رومیان 15:16

تاگَه خادم مسیحْ عیسی اَرِه خِرِیهودیَل بوئم ئو اِجور کاهنی اِ خِلمت انجیل خدا، تاگَه خِرِیهودیَل پیشکَشی باوِ دل خدا بوئن گه وَه‌سونگَ روح‌القدس تقدیس بیَ.

رومیان 15:19

وَه قویَت نشونَه‌ل ئو مُجِزَه‌ل، وَه قویَت روحِ خدا، هُنَ گه اژ شیَر اورشلیم تا ایلیریکوم دورِم دا، خِلمت انجیل مسیحِم کامل وَه اَنجوم رَسو.

اول قرنتیان 4:12

ایمَه وَه دَسَل ووژمو کارَ مِهِیم ئو جُورَ مَکیشیم. وخدی نُم‌نَسَقَ مَنِنَ بینمونا، دوعا خِرَ مِهِیم؛ وخدی آزارمونَ میَن، طاخَتَ ماریم؛

اول قرنتیان 9:15

مِنتائای مِن اژ هُیچ‌کُم اژ ایی حَخِلَ استفادَه‌م نَهَرد ئو یوئیشَ نِمَنُیسِنِم تاگَه اَرِه مِه هُنَ بِهِینو. اَرِه مِه مِردِن بیتِر اژ یَسَ گه کسی ایی افتخارمَ اَژینِم بِگِری.

اول قرنتیان 9:18

اِسَه اَجِرِم چیَ؟ یَگه وَه مِفت خَوَر خَوش انجیل اِلوم کَم ئو اژ کُل حخ ووژِم گه اِنوم انجیل دیرِم استفادَه نَهَم.

اول قرنتیان 9:4

یانی ایمَه حخ نِریم بیریم ئو خُرّ دِیم؟

دوئِم قُرَنتیان 11:27

اِ جُور ئو سخدی، اِ شو نَحیوَسیَل فِرَه؛ اِ تینی ئو وِرسِنی بیئِن، ویشتِر وخدَل بی‌خوراک، اِ سرما ئو بی‌جِنِکی.

دوئِم قُرَنتیان 11:9

ئو وخدی وَه‌گَرد هُمَه بیم وَه‌یاآگه میتاج بیم، باری اَر کول کَسا نوئیم، اَرِیَگه بِرالی گه اژ هیال مقدونیَه هاتوئین هَوَجَه‌ل مِنو زفتِ‌رفت کِرد، ئو مِه هُیچ وخد باری اَر کولتو نوئیمَ ئو نِموئم.

دوئِم قُرَنتیان 6:5

اِ شلاخ هُاردِنَل، اِ زندونَل، اِ شورشَل، اِ جُورَل، اِ شو نَحیوَسیَل ئو اِ وِرسِنی؛

فیلیپیَل 4:16

جُ‌جُ وخدی اِ تِسالونیکی بیم، یِه گِل اَرِه هَوَجَه‌لِم، یاریتو کِل‌کِرد ئو هَنی هم کِلتوکِرد.

اول تِسالونیکیَل 1:3

اَرتَک خدا ئو باوَه آسمونیمو کارتو گه اژ ایمونَ ئو زیَمَتو گه اژ مِحبتَ ئو درین‌داریتو گه اژ امید اِنوم خداونمو عیسی مسیحَ، ماریمَ ویر.

اول تِسالونیکیَل 2:2

بلکِم هُنَ گه مَذانینو وَه‌یاآگه وِر اژ یَه اِ شیَر فیلیپی عذاومو کیشی ئو گَنیونی اَر ایمَه کِرد گه باعث خجالتَ، مِنتائای ایمَه وَه یاری خدا زِلَمو کِرد گه وَه‌یاآگه سخد اَرضد ایمَه بین، انجیل خدا اِلوم بِهِیم اَر هُمَه.

اول تِسالونیکیَل 2:6

ایمِه‌یش وَه دُم جِلال اژ جونِم مردِما نوئیمو، چه اژ جونِم هُمَه چه اژ جونِم باقی مردِم، وَه‌یاآگه اِ مقوم رسولَل مسیح ایی حَخمونَ داشد گه اَژینتو بِمو.

اول تِسالونیکیَل 3:10

ایمَه شو ئو روژ اژ تیَه دلا دوعاءَ مِهِیم گه هُمَه اِ ویراَرویر بوئینیم ئو کمِ‌کسریتون اِ ایمو زفتِ‌رفت بِهِیم.

اول تیموتائوس 1:11

تیَلیمی گه مِطابق انجیل پِرجِلالِ خداءِ بِمارِکَ گه سپارتیاسَ مِه.

اول تیموتائوس 4:10

اَرِیَگه ایمَه امیدمو بَسدیَسَ خداءِ زِنی گه نجاددهندَه کُل مردِمَ، مصخوصاً ایمودارَل؛ اَرِیَگه هَر اَرِه یَه زیَمَتَ مَکیشیم ئو تقِلاءَ مِهِیم.

اول تیموتائوس 5:5

اَوَه گه اِراسی بیوَه ئو بی‌کس مَنیَ، امید هایتی اَر خدا ئو شو ئو روژ هَراَ مَنیشیَ دوعا کِردِن ئو اِمدایَ ماری‌ اَر خدا.

دوئِم تیموتائوس 1:3

وخدی شو ئو روژ یِمِجو تون اِ دوعائَلمَ مارِمِ ویر، شگِر خداءَ مَهَم، خدای گه مِن‌یش اِجور اَژدادِم وَه وِژدان پِرچِ‌پاک خِلمتَ مَهَمی اَری.