اول تِسالونیکیَل 2:19 - کتاب مقدس به زبان لکی - گویش مرکزی

¹⁹ اَرِیَگه امید ئو خَوشی ئو تاج افتخار ایمَه اَرتَک خداونمو عیسی موقَع هاتِنی چیَ؟ مَر هُمَه نیئینو؟

اول تِسالونیکیَل 2:19 Iomraidhean Croise

مَتّی 16:27

«اَرِیَگه کُر اِنسو وَه‌گَرد فریشدَه‌لیا اِنوم جِلال باوَه ووژَ مای، اَ موقَع وَه هر کی مِطابق کارَلی، اَجِرَ مِ.

مَرقُس 8:38

اَرِیَگه هر کی اِنوم ایی نسِل زِنهاکار ئو گناکارَ اژ مِه ئو قصَه‌لِم عار بایتی، کُر اِنسون‌یش اَسَه گه اِنوم جِلال باوَه ووژ وَه‌گَرد فریشدَه‌ل مقدّس بای، اژ او عارَ مایتی.»

یوحنا 21:22

عیسی وِتیَ پطرس: «اَرّ بِم تا گِلاهُاردِن مِه بِمینی، وَه تو چَه؟ تو بوریَ تُرّ مِنا!»

اول قرنتیان 15:23

مِنتائای هر کی وَه نوئَه ووژ: اول‌بار مسیح گه نوبر بی؛ اَسَه، اونَلی گه موقَع هاتِنی، هِن اوئِن.

اول قرنتیان 4:5

اِسَه اِبارَه هُیچی وِر اژ اَ وخدَ گه مِ بای، قضاوت نَهَن تاگَه خداون بای. او اَ چیئَه گه اِسگَه اِ تیَریکی شاردیاسا، اِنوم روشتایی آشگارَ مِهِه ئو نیّت دلَل آشگارَ مِهِه. اِسَه هر کی اَجورَ گه لیاخَت دیرِتی، خدا اَژینی تیَریفَ مِهِه.

دوئِم قُرَنتیان 1:14

دُریس هَراَ جورَ گه کم‌تا‌کُتی ایمَه‌تو فیَمیَ، تاگَه اِ روژ خداونمو عیسی، هَرهُنَ گه ایمَه وَه هُمَه افتخارَ مِهِیم، هُمِه‌یش وَه ایمَه افتخار بِهِینو.

فیلیپیَل 2:16

کلوم ژییاین سفدِسخد بِگِرِن، تاگَه اِ روژ گِلاهُاردِن مسیح مِه افتخار بِهَم گه بی‌فادَه نَنیامَسِ دو یا بی‌فادَه زیَمَتِم نکیشیَ.

فیلیپیَل 4:1

اِسَه، اِاِ بِرالی گه دوستو دیرِم ئو اَرِنتو شوق دیرِم، هُمَه گه خَوشی ئو تاج سر مِنینو، عزیزَلِم، هَرهُنَ سفدِسخد اِنوم خداون پایار بِمینِن.

اول تِسالونیکیَل 2:20

اِراسی گه هُمَه جِلال ئو خَوشی ایمِه‌ینو.

اول تِسالونیکیَل 3:13

ئو دلَلتو قرص بِهِه تا اَسَه گه خداون ایمَه عیسی وَه‌گَرد کُل ایمودارَل ووژَ مای، اَرتَک خدا، باوَه آسمونیمو بی‌عِو ئو مقدّس بوئینو.

اول تِسالونیکیَل 4:15

اَرِیَگه وَه‌سونگَ کلوم خداون یَه موشیمَ بینتو: ایمَه گه زِنیئیم ئو تا هاتِن خداون مَمینیم اَر جا، نِمِیمون اَر قِ ایمودارَلی گه مِردِنَ.

اول تِسالونیکیَل 5:23

اِسگَه خداءِ صُئل ئو سِلامتی ووژ هُمَه کامل تقدیس بِهِه ئو کُل روح ئو گیون ئو لارتو تا هاتِن خداونمو عیسی مسیح، بی‌عِو پایار بِمینی.

دوئِم تِسالونیکیَل 1:4

اَژونَسَ ایمَه اِنوم کلیسائَل خدا وَه خاطر دَرین‌داری ئو ایمونتو اِ تیَمِل مِصیوَتَل ئو سخدیَل افتخارتونَ بینَ مِهِیم.

دوئِم تِسالونیکیَل 1:7

ئو سِتار بیَ هُمَه گه دیرینو سزاءَ موئنینو ئو وَه ایمِه‌یش. وخدی گه خداون عیسی وَه‌گَرد فریشدَه‌ل زوردار ووژ اِ آگِر گُرّی اژ آسمو ظاهرَ ماو.

دوئِم تِسالونیکیَل 2:1

اِاِ بِرال، اِبارَه هاتِن خداونمو عیسی مسیح ئو جیَم بیئِنمون اَرتک او، خواهشد اَژینتونَ مِهِیم،

تیتوس 2:13

هَرهُنَ گه چیَمَ‌رئی اَ امید بِمارِکیمَ یانی ظاهربیئِن جِلال خداءِ عظیم ئو نجاددهندَه‌مو عیسی مسیح،

یعقوب 5:7

اِسَه بِرال، تا هاتِن خداون صبِرتو داشدوئی. سِیل کَن گه چطور کشاورز اَرِه ثمر اَرزِشدمَن زَمی چیَمَ‌رئیَ مَمینی ئو اَرِنی صبِرَ مِهِه تاگَه اول وارُ پایز ئو آخِری وارُ وِهار باواری.

یعقوب 5:8

اِسَه هُمِه‌یش صبِرتو داشدوئی ئو دلتو قرص کَن، اَرِیَگه هاتِن خداون نزیکَ!

اول پطرس 5:4

تا وخدی رِئیس شوئونَل ظاهر بو، تاج جِلالی گه اژ بِن نِمَچو، بارینونَ دس.

دوئِم پطرس 1:16

اَرِیَگه وخدی قدِرت ئو هاتِن خداونمو عیسی مسیحمو اِلومَ مَهَرد اَرِنتو، وَه دُم پاچائَلی گه وَه رِنگَری دُریس بینَ، نوئیمو، بلکِم عظَمت اومونَ چیَم دوئی.

دوئِم پطرس 3:4

موشِن: «اَنی چَه بی وَدَه هاتِنی؟ اژ زمونی گه باوَه‌لمو مِردِن، کُل چی هَراَ جورَسَ گه اژ اَ اول خلقتَ بی!»

اول یوحنا 2:28

اِسگَه، اِاِ رولَه‌ل، اِنوم او بِمینِن تا وخدی گه او ظاهرَ ماو، اطمینونمو داشدوئی ئو موقَع هاتِنی خجالت نوم‌رُی او نوئیمو.

یهودا 1:24

اَر او گه مَتونی هُمَل اژ کَتِن اژ ایمو حفظ بِهِه ئو پِر اژ خَوشی کَلِنگی بی‌عِو باریتون‌ اَرِه درگا جِلال ووژ،

مِکاشفَه 1:7

سِیل کَ، وَه اُرِلَ مای، ئو هَر چیَمی اوءَ موئینی، جُ‌جُ چیَم اونَلی گه نِزِه‌ئو دا اَری؛ ئو کُل طائفَه‌ل زَمی لورَلورَ مَهَنی اَرِه. اَاَ، هُنَ ماو. آمین.

مِکاشفَه 22:12

«اِسگَه مِنَ ایی زویَ مام ئو اَجِری گه باس بیَم ها گَردِم تا وَه هر کی مِطابق کارَلی گه کِردیِ تِلافَتی بیَمِ دُما.