اول تِسالونیکیَل 2:14 - کتاب مقدس به زبان لکی - گویش مرکزی

¹⁴ اَرِیَگه اِاِ بِرال، هُمَه اژ کلیسائَل خدا اِ یهودیَه گه هان اِنوم مسیحْ عیسی، سرمقشتو گِرت. اَرِیَگه هُمِه‌یش هَراَ عذاوَلتونی اژ هُم‌‌خاکَل ووژتو دی گه اُوُ اژ یهودیَلو دی،

اول تِسالونیکیَل 2:14 Iomraidhean Croise

کارَل رسولَل 11:19

ئو اونَلی گه وَه خاطر عذاوَلی گه اِنوم ماجِرا استیفان بِنیا نیریائی، اژ یَک چویچیائین تا هیالَل فینیقیَه ئو قبرس ئو اَنطاکیَه چِن. اونَل کلوم خدائونَ هُیچ کس بِخِر اژ یهودیَل نِموئت.

کارَل رسولَل 13:50

مِنتائای یهودیَل، ژِنَل دیندار ئو سرشناس ئو کَلِنگَل شیَریشو رِشونِ یَک ئو اَرضد پولُس ئو برنابا آنتریکو کِردِن تاگَه عذاوُ دَن. اِسَه پولُس ئو بِرنابائون اژ اَ هیالَ تار کِرد.

کارَل رسولَل 14:19

مِنتائای بِری یهودی اژ شیَرَل اَنطاکیَه ئو قونیَه هاتِن ئو مردِمونَ گَرد ووژو هُم‌دَسا کِرد، پولُسو سنگسار کِرد ئو وَه ایی گُمونَ گه مِردیَ، کیشیونَ تووسُرا ئو اژ شیَر بِردونَ دِریر.

کارَل رسولَل 14:2

مِنتائای یهودیَلی گه ایمونو ناوِردوئی، خِرِیهودیَلو آنتریک کِرد ئو فگِرَلون اَرضد بِرالو، مسموم کِرد.

کارَل رسولَل 14:4

مردِم شیَر بینَ دو دسَه؛ بِری اِ پِشت یهودیَل اِرهاتِن ئو بِری‌تِریش اِ پِشت رسولَل.

کارَل رسولَل 14:5

وخدی گه یهودیَل ئو خِرِیهودیِلَ گَرد کَلِنگَلو رِشیان اَرسر پولُس ئو برنابا تاگَه رفدار گَنونَ گَرد بِهَن ئو سنگسارو کَن،

کارَل رسولَل 17:13

مِنتائای وخدی یهودیَل شیَر تِسالونیکی فیَمین گه پولُس اِنوم شیَر بیریه‌یش کلوم خدا موعظَه مِهِه، چِن اِرَه اورَه ئو کارونی کِرد گه مردِم بِهَنَ گالِ‌راو.

کارَل رسولَل 18:12

مِنتائای وخدی گالیو، والی شیَر اَخائیَه بی، یهودیَل کُلَ گَرد یَک رِشیانَ سر پولُس‌اِرا ئو بِردونَ اِرَه محکمَه،

کارَل رسولَل 8:1

ئو سولُس دل بیتی استیفان بِکُشِن. اَ روژَ، بِنیا آزار سخدی اَر کلیسا اورشلیم نیریا، هُنَ گه بِخِر اژ رسولَل، کُل پَشخِ‌پِلاآ بین اِنوم هیالَل یهودیَه ئو سامرَه.

کارَل رسولَل 8:3

مِنتائای سولُس کلیسا آزار ماتی ئو مال اَر مالَ مَجوریاتی، ژِنَل ئو پیالَ مَکیشیاتیَ دِریر ئو ماوشدِنیِ زندو.

کارَل رسولَل 9:1

مِنتائای سولُس گه هَنی اژ سیَم‌سی کِردِن ئو کُشتِن شاگردَل خداون دس هیزنِماتی، چی اِرَه تک کاهن اعظم

کارَل رسولَل 9:13

حَنانیا جوواوا داتی: «اِاِ خداون، اژ فِرَه کسَل اِبارَه ایی پیامَ شنَفتیَ گه اِنوم شیَر اورشلیم چَنی ایمودارَلِت آزار داسی.

کارَل رسولَل 9:31

اُهُنَ، کلیسا اِ سِرُسَر هیال یهودیَه ئو جلیل ئو سامرَه سِتار گِرتی، ئو گیونَ مَگِرتی ئو اِنوم ترس اژ خداون زِنِه‌یَ مَهَردی ئو وَه دلگُوئی روح‌القدس، شِمارو ویشتِرا موئیا.

اول قرنتیان 10:32

هُیچ‌کس نَرَنجِنِن، چه یهودیَل، چه یونانیَل ئو چه کلیسا خدا،

اول قرنتیان 7:17

فَخَد بِیلِن هر کی اَجورَ زِنِه‌ی بِهِه گه خداون اَرِه او آوشدیَسیَ کِل چیَم ئو خدا اَرِه اَوَه او دَوَت کِردیَسی. یَه حکِم مِنَ اِنوم کُل کلیسائَل.

غَلاطیَل 1:22

اِ اَ زمونَ کلیسائَل یهودیَه گه هان اِنوم مسیح، هَنی مِنو وَه شیوَه نِمَشتاسیا.

اول تِسالونیکیَل 1:1

اژ پولُس ئو سیلاس ئو تیموتائوس وَه کلیسا شیَر تِسالونیکی گه ها نوم خداءِ باوَه ئو خداون عیسی مسیح: فیض ئو سِلامتی اَر هُمَه بو.

اول تِسالونیکیَل 1:6

ئو هُمَه اژ ایمَه ئو اژ خداون سرمقشتو گِرت، اَرِیَگه هُمَه اِ عذاو فِرِه‌ی، وَه اَ خَوشیَ گه اژ روح‌القدسَ مای، چینون‌ِ گِرد کلوم خدا.

اول تِسالونیکیَل 3:4

اَرِیَگه وخدی وَه‌گَرد هُمَه بیمو، وِرِکار وِتمو گه میا سخدی بِکیشیم، ئو هَرهُنَ گه مَذانینو، هُنِ‌یشَ بی.

دوئِم تِسالونیکیَل 1:1

اژ پولُس ئو سیلاس ئو تیموتائوس، وَه کلیسا شیَر تِسالونیکی گه هان اِنوم خدا، باوَه آسمونی ایمَه، ئو خداون عیسی مسیح:

دوئِم تِسالونیکیَل 1:4

اَژونَسَ ایمَه اِنوم کلیسائَل خدا وَه خاطر دَرین‌داری ئو ایمونتو اِ تیَمِل مِصیوَتَل ئو سخدیَل افتخارتونَ بینَ مِهِیم.