اول تِسالونیکیَل 1:6 - کتاب مقدس به زبان لکی - گویش مرکزی

⁶ ئو هُمَه اژ ایمَه ئو اژ خداون سرمقشتو گِرت، اَرِیَگه هُمَه اِ عذاو فِرِه‌ی، وَه اَ خَوشیَ گه اژ روح‌القدسَ مای، چینون‌ِ گِرد کلوم خدا.

اول تِسالونیکیَل 1:6 Iomraidhean Croise

مَتّی 16:24

اَسَه ویر کِردیَ شاگردَلی ئو وِتی: «اَرّ کسی بِیتی باءَ تُرّ مِنا، باس ووژ حاشا کِ، صلیب ووژ بِگِریِ کول ئو باءَ تُرّ مِنا.

یوحنا 8:12

اَسَه عیسی یِه گِلی‌تِر وَه‌گَرد مردِم قصَه کِردی، وِتی: «مِنِم نُیر دنیا. هر کی وَه تُرّ مِنا بای، هرگِس اِنوم تیَریکی نِمَچوءَ رئیا، بلکِم نُیر ژییاین دیری.»

کارَل رسولَل 13:52

مِنتائای شاگردَل پِر اژ خَوشی ئو پِر اژ روح‌القدس بین.

کارَل رسولَل 5:41

اَسَه رسولَل وَه خَوشالیا اژ تک عضا شورا کِردونَ دِریر، اَرِیَگه لائقَ حساو هاتوئین تا وَه خاطر نُم عیسی خوارا بوئن،

کارَل رسولَل 9:31

اُهُنَ، کلیسا اِ سِرُسَر هیال یهودیَه ئو جلیل ئو سامرَه سِتار گِرتی، ئو گیونَ مَگِرتی ئو اِنوم ترس اژ خداون زِنِه‌یَ مَهَردی ئو وَه دلگُوئی روح‌القدس، شِمارو ویشتِرا موئیا.

رومیان 15:13

اِسگَه خداءِ امید، هُمَه اژ کُل خَوشی ئو صُئل‌وسِلامتی اِنوم ایمو، پِرا کِ تاگَه وَه قویَت روح‌القدس، پِر اژ امید بوئینو.

اول قرنتیان 11:1

اژ مِه سرمقشا بِگِرِن، هَراَ جورَ گه مِه اژ مسیح سرمقشَ مَگِرِم.

اول قرنتیان 11:2

تیَریف اَژینتونَ مَهَم گه اِ کُل چی مِنَ مارینون‌َ ویر ئو رسمِ‌رِسیم هَراَ جورَ گه سپارتم‌ئونتو، حفظَ مِهِینو.

اول قرنتیان 4:16

اِسَه مَلالکِمَ بینتو اژ مِه سرمقشا بِگِرِن.

دوئِم قُرَنتیان 6:10

پَژاریم مِنتائای هَنی خَوشالیم، ژاریم مِنتائای کسَل فِرِه ثروَدمَنا مِهِیم؛ هُیچ نِریم مِنتائای صائای کُل چیئیم.

دوئِم قُرَنتیان 8:5

ایی کارونَ ویشتِر اژ اَ چیئَه بیَ گه ایمَه فگِرمونَ مَهَرد، مِنتائای اونَل اول‌بار ووژون اَر خداون پیشکَش کِرد ئو اَسَه مِطابق خواس خدا، اَر ایمَه.

غَلاطیَل 5:22

مِنتائای ثمر روحِ خدا، مِحبت، خَوشی، سِتار، صبِر، مِرِبونی، خوئی، وفاداری،

اَفِسُسیَل 5:1

اِسَه اِجور آیلَل عزیزگرامی، اژ خدا سرمقشا بِگِرِن.

فیلیپیَل 3:17

اِاِ بِرال، کُلتون اژ مِه سرمقشا بِگِرِن، ئو حُواستون اَر کسَلی بو گه مِطابق نمونه‌ی گه اژ ایمَه دیرینو، رفدارَ مَهَن.

دوئِم تِسالونیکیَل 1:4

اَژونَسَ ایمَه اِنوم کلیسائَل خدا وَه خاطر دَرین‌داری ئو ایمونتو اِ تیَمِل مِصیوَتَل ئو سخدیَل افتخارتونَ بینَ مِهِیم.

دوئِم تِسالونیکیَل 3:7

اَرِیَگه ووژتونَ مَذانینو گه باس چطور اژ ایمَه سرمقشا بِگِرینو. اَرِیَگه زمونی گه ایمَه وَه‌گَردتو بیمو، تَمَل نوئیمو.

دوئِم تِسالونیکیَل 3:9

نه وَه خاطر یَگه هُنَ حَخی نِریم، بلکِم مِهِستمو اژ ووژمو نمونَه‌تونَ بی دِیم تا سرمقشا بِگِرینو.

دوئِم تیموتائوس 4:2

کلوم خدا موعظَه کَ ئو وخد ئو بی‌وخد آمادَه بو ئو وَه صبِر ئو تیَلیم کامل، رَنِمائی ئو توبیخ ئو تشویق بِهَه.

عِبرانیَل 10:34

اَرِیَگه وَه‌گَرد اونَلی گه اِ زندو بین، هُمدردیتونَ مَهَرد ئو وخدی مالِ‌منالتو خارَتونَ مَهَرد وَه خَوشی مَچیاینونِ گِرد، اَرِیَگه مَذِناسدتو مالِ‌منال بیتِری دیرینو گه پایارَ.

اول پطرس 1:6

ئو اَرِه یَه فِرَه خَوشالیَ مِهِینو، وَه‌یاآگه اِسگَه اَرِیَگه لازمَ، اَرِه مِدت کمی اِ اِنتحونَل جوراجور پَژار بینونَ،

اول پطرس 1:8

هُمَه وَه‌یاآگه اوتو نِئیَ، دوس دیرینونی؛ ئو وَه‌یاآگه اِسگَه نِموئینینونی، ایمونَ بی دیرینونی ئو وَه خَوشی‌ای خَوشالیَ مِهِینو گه نِماو تیَریف کِینی ئو پِر اژ جِلالَ،

اول پطرس 3:13

اَرّ اَرِه خوئی کِردِن خیرَت دیرینو، کیَ گه ضِرَد برَسِنی‌ئونتو؟

سِئِم یوحنا 1:11

اِاِ عزیزِم، گَنیَ سرمقش ووژِت نِهَه بلکِم اژ خوئی سرمقشا بِگِر؛ کسی گه خوئیَ مِهِه، اژ خداءَ، آم گَنَ‌کار هرگِس خدا نِئیَسی.