اول تِسالونیکیَل 1:5 - کتاب مقدس به زبان لکی - گویش مرکزی

⁵ اَرِیَگه انجیل ایمَه نه فَخَد وَه قصَه بلکِم اِنوم قدِرت ئو اِنوم روح‌القدس ئو وَه اطمینو کامل رَسیَ هُمَه. هُنَ گه مَذانینو وَه خاطر هُمَه چطور اِنومتو رفدارمو کِرد.

اول تِسالونیکیَل 1:5 Iomraidhean Croise

مَرقُس 16:20

اونَل چِنَ دِریر، ئو اَر کُل جا موعظَه‌ئونَ مَهَرد، ئو خداون وَه‌گَردو کارَ مَهَردی ئو پِغوم اونَل وَه نشونَه‌ل ئو مُجِزَه‌لی گه وَه‌گَردو بی، ثابتَ مَهَردی.

لوقا 1:1

عالی‌مَقوم تِئوفیلوس، وَه خاطر یَگه فِرَه کسَل دَسو داسَ نُیسونِن چیئَلی گه اَرتَک ایمَه اتفاق کَتیَ،

کارَل رسولَل 11:21

دس خداون‌یشَ گَردو بی ئو فِرَه کسَل اژ مردِم ایمونو آوِرد، رُیو آوِرد اَر خداون.

کارَل رسولَل 16:14

اِنوم اونَل ژَن خداپِرَسی اژ شیَر تیاتیرا بی ئو گوشَ ماتی اَر قصَه‌لمو. او لیدیَه نُم بیتی ئو پارچَه‌ل گِرو کاوَ مَفِروتی. خداون قلب گُشونا تاگَه خو گوش بِگِریَ اَ چیئَه گه پولُسَ موئِتی.

کارَل رسولَل 2:33

او ویرِ بِلِنگ بَریاءَ دس راس خداآ ئو روح‌القدسی گه باوَه آسمونی وَدَه دائیتی، گِرتیِ، ئو رِشونیَس اَر هُاراِرا، هَر یَگه اِسگَه موئینینون ئو مَشتوئینو.

رومیان 1:16

اَرِیَگه مِن اژ انجیل عارِم نِمای، اَرِیَگه قویَت خداءَ اَرِه نجاد هر کی گه ایمو باری، اول‌بار یهود ئو دُماخِرِ یونانی.

رومیان 15:13

اِسگَه خداءِ امید، هُمَه اژ کُل خَوشی ئو صُئل‌وسِلامتی اِنوم ایمو، پِرا کِ تاگَه وَه قویَت روح‌القدس، پِر اژ امید بوئینو.

رومیان 2:16

یَه اِ روژی اَنجومَ مَگِری گه خدا مِطابق انجیلی گه مِه اِلومَ مَهَم، وَه‌سونگَ عیسی مسیح، اَر رازَل دل اِنسونَل داوریَ مِهِه.

اول قرنتیان 1:24

مِنتائای اَرِه اونَلی گه خدا دَوَت کِردِنَسی، چه یهودی ئو چه یونانی، مسیحْ قدِرت خدا ئو حکمت خداءَ.

اول قرنتیان 10:33

هَراَ جورَ گه مِن‌یش تقِلاءَ مَهَم تاگَه کُل کس اژ کُل چی راضی بِهَم. اَرِیَگه وَه مِنِی نفع ووژِم نیِم، بلکِم هامَ دُم نفع آمَل فِرِه، تاگَه نجاد بِگِرِن.

اول قرنتیان 3:16

یانی نِمَذانینو گه معبد خدائینو ئو روحِ خدا لیز گِرتیَس اِنوم هُمَه؟

اول قرنتیان 3:6

مِه تُئمِم آوشد ئو آپولُس آویاری کِردِنی، مِنتائای خدا باعث بی چِخِر بِکیشِن.

اول قرنتیان 4:20

اَرِیَگه پاتِشائی خدا وَه قصَه نیَ، بلکِم وَه قدِرتَ.

اول قرنتیان 9:14

هَرهُنَ، خداون فِربو داسی گه کسَلی گه انجیل اِلومَ مَهَن، خرجِ‌بَرج ووژون اژ انجیل اِربارِن.

دوئِم قُرَنتیان 3:6

او گه کفایت داسیَ ایمَه گه خِلمتکارَل عتِ جدید بوئیم -نه عَتی گه نُیسیاءَ بلکِم عَتی گه اژ روحِ خداءَ. اَرِیَگه نُیسیا مَکُشی، مِنتائای روحِ خدا ژییاینَ موئَشخی.

غَلاطیَل 2:2

وَه خاطر مِکاشفه‌ی گه گِرتِم چِم. اَر اورَه انجیلی گه اِنوم خِرِیهودیَل موعظَه مَهَم نام اَر وَرو؛ تا مِطمئن بوئم بی‌فادَه نَنیام اَر دو ئو نَنیامَس اَر دو، (وَه‌یاآگه مِه وَه بی‌کِشکی اَرِه کسَلی گه سرشناسَ چیَما ماهاتِن تیَریفِم کِردوئی.)

غَلاطیَل 5:5

اَرِیَگه ایمَه وَه‌سونگَ روحِ خدا، وَه ایمو، چیَمَ‌رئی اَ صالح‌بیئینی کیم گه امیدَ بی دیریمی.

اَفِسُسیَل 2:10

اَرِیَگه ایمَه کار دس خدائیم، ئو اِنوم مسیحْ عیسی اَرِه کارَل خو خَلک بیمونَ، گه خدا وِرِکار تیارِک دیتی تا اِنوم اونَ زِنِه‌ی بِهِیم.

اَفِسُسیَل 3:20

اِسگَه جِلال اَر خدای گه مَتونی وَه‌سونگَ اَ قدِرتَ گه اِنوم ایمَه کارَ مِهِه، فِرَه ویشتِر اژ اَ چیئَه گه ایمَه بِمو یا فگِر کِیمی، اَنجوم بِ.

فیلیپیَل 2:13

اَرِیَگه یَه خداءَ گه هم اِ خواس هم اِ عمل، اَرِه خَوشالی ووژ اِنوم هُمَه کارَ مِهِه.

فیلیپیَل 4:9

اَ چیئَه گه اژ مِنتو گِرتیَسا، ئو قبولتو کِردیَ، ئو اژ مِنتو شنَفتیَ ئو اِنوم مِنتو دیَ، هَر یوئنَ بارِنَ جا ئو خداءِ صُئل ئو سِلامتی ها گَرد هُمَه.

کولُسیَل 2:2

تاگَه دلگرم بوئن، اِنوم مِحبت بوئنَ یَکی ئو اژ پِری بی‌حدِحساو اطمینو کاملی گه اژ فیَمَ ماءَ دس بیَردارا بوئن ئو هُنَ راز خدا گه مسیحَ، بفیَمِن.

اول تِسالونیکیَل 2:13

ئو ایمِه‌یش یِمِجو اَرِه یَه شگِر خداءَ مِهِیم، گه وخدی چینون‌ِ گِرد کلوم خدا گه اژ ایمَه‌تو شنَفت، اَوتونَ نه اِجور کلوم اِنسو بلکِم اِجور کلوم خدا قبول کِرد، گه اِراسی‌ش هَس، کلومی گه اِنوم هُمَه ایمودارَل کارَ مِهِه.

دوئِم تِسالونیکیَل 2:14

اَرِه یَه او وَه‌سونگَ انجیل ایمَه دَوَت اَژینتو گِرتی تاگَه جِلال خداونمو عیسی مسیح بوءَ نَصُیتو.

دوئِم تیموتائوس 2:10

اِسَه مِه کُل چی وَه خاطر کسَلی گه دیاری بینَ تیَمِلَ مَهَم تاگَه اون‌یش نجادی‌ گه ها نوم مسیحْ عیسی‌اِر، وَه‌گَرد جِلال ابدی بارِنَ دس.

دوئِم تیموتائوس 2:8

عیسی مسیح بارِ ویر، گه اژ نسِل داوود بی ئو اژ مِردیَل زِنیا بی، هَرهُنَ گه انجیل مِنَ موشِتی،

عِبرانیَل 10:22

بورِن وَه دلی رُی‌راس ئو اطمینو کاملِ ایمو نزیکا بوئیمون اَر خدا ئو، هُنَ گه دلَلمو اژ وِژدان گَن پاکا کِردیَ ئو لارَلمو وَه آو پاک شوریَ؛

عِبرانیَل 6:11

آواخدمو یَسَ گه هرکُم اژ هُمَه هَر ایی خیرَتَ تاگَه آخِر حفظ کِ تاگَه امیدتو کامل وَه اَنجوم برَسی،

اول پطرس 1:12

کَتِ در اَرِنو گه خِلمت اژ هُمَه‌ئونَ مَهَرد نه ووژو، اَسَه گه اژ چیئَلی قصه‌ئونَ مَهَرد گه اِسگَه اِبارَه اونَل اژ بشارت‌کَرَل انجیلَ مَشتوئینو، اژ اونَل گه وَه‌سونگَ روحِ خدا گه اژ آسمو کِل‌بیَ، بشارتَ میَنَ بینتو. جُ‌جُ فِریشدَه‌ل‌یش شوق سِیل کِردِن اَر ایی چیئِلَ دیرِن.

اول پطرس 1:3

بِمارِکَ خدا ئو باوَه خداون ایمَه عیسی مسیح گه وَه ریَمَت کَلِنگ ووژ، وَه‌سونگَ زِنیا بیئِن عیسی مسیح اژ مِردیَل تولد تازه‌ی بَشخیتیَ ایمَه، اَرِه امید زِنی‌ای

اول پطرس 5:3

نه یَگه اَر کسَلی گه سپارتیانَسَ دَستو آقایی کِینو، بلکِم نمونه‌ی بوئن اَرِه اَ ریئَنَ،

دوئِم پطرس 1:10

اِسَه اِاِ بِرال، ویشتِر تقِلا بِهَن تا دَوَت ئو دیاری بیئین ووژتو ثابت بِهِینو، اَرِیَگه اَرّ هُنَ بِهِینو هرگِس اِرانِمَکُوئینو.

دوئِم پطرس 1:19

ئو کلوم فِرَه مِطمئن پِخَمَرَل دیریم گه خوءَ حُواستون اَری بوتی، اَرِیَگه اِجور چراخی اِ جا تیَریکی مَدَرشخی تا وخدی گه بوءَ شفق ئو آسارَه صو اِنوم دلَلتو باءَ دِریر.