اول تِسالونیکیَل 1:3 - کتاب مقدس به زبان لکی - گویش مرکزی

³ اَرتَک خدا ئو باوَه آسمونیمو کارتو گه اژ ایمونَ ئو زیَمَتو گه اژ مِحبتَ ئو درین‌داریتو گه اژ امید اِنوم خداونمو عیسی مسیحَ، ماریمَ ویر.

اول تِسالونیکیَل 1:3 Iomraidhean Croise

یوحنا 14:15

«اَرّ مِه دوس دیرینو، فِربونَلِم بارِنَ جا.

یوحنا 15:10

اَرّ حکمَل مِه بارینونَ جا، مَمینینون اِنوم مِحبت مِنا؛ هَرهُنَ گه مِه حکمَل باوَه ووژِم آوِردِمَس‌ جا ئو مَمینِم اِنوم مِحبت او.

کارَل رسولَل 10:31

ئو وِتی: ”کُرنِلیوس، دوعات قبول بیَ ئو چیئَلتی گه صِدقَه داءَ اَرتَک خدا هاتیَسَ ویر.

کارَل رسولَل 3:19

اِسگَه توئَه کَن ئو گِلارِن ویرِ خدا، تاگَه گنائَلتو پاکا بو تاگَه روژَل تازه‌آ بیئِن، اژ حضور خدا اَرِنتو برَسی،

رومیان 12:12

اِ امید خَوشالی بِهَن، اِ سخدیَل طاختتو داشدوئی ئو یِمِجو دوعا بِهَن.

رومیان 15:13

اِسگَه خداءِ امید، هُمَه اژ کُل خَوشی ئو صُئل‌وسِلامتی اِنوم ایمو، پِرا کِ تاگَه وَه قویَت روح‌القدس، پِر اژ امید بوئینو.

رومیان 15:4

اَرِیَگه هر چی گه اژ قدیم نُیسیاءَ، اَرِه تیَلیم ایمَه بی تا وَه‌سونگَ پایاری ئو دلگُوئی‌ای گه نُسَخ مقدّسَ موئَشخی‌ئونمو، امیدمو داشدوئی.

رومیان 16:26

ئو اِسگَه کَتیَسِ در ئو وَه‌سونگَ نُسَخ پِخَمَرَل، مِطابق حکِم خداءِ ابدی آشگارا بیَس اَر کُل ملتَل، تاگَه اونَل ایمو بارِن ئو اطاعت بِهَن-

رومیان 16:6

سِلام برَسِنِنَ مریم گه اَرِه هُمَه زیَمَت فِرِه کیشیَسی.

رومیان 2:7

او ژییاین ابدیَ موئَشخیَ کسَلی گه وَه صبِر اِ اَنجوم کارَل خو، هان اَر دُم جِلال ئو عزّت ئو زِنِه‌ی ابدیا؛

اول قرنتیان 13:13

اِسگَه، ایی سه چیَ مَمینی، ایمون ئو امید ئو مِحبت. مِنتائای کَلِنگتِرینو مِحبتَ.

اول قرنتیان 15:58

اِسَه، بِرال عزیزِم، پایار بِمینِن ئو اژ جاتو تَکو نیرِن، هَر اژ تیَه دلا اَرِه خداون کار کَن، اَرِیَگه مَذانینو گه زیَمَت هُمَه اِنوم خداون بی‌فادَه نیَ.

دوئِم قُرَنتیان 2:17

اَرِیَگه اِجور بِری نیئیم گه کلوم خدا دسفِروشَ مَهَن، بلکِم ایمَه اَر وَر چیَم خدا ئو اِنوم مسیح قصَه مِهِیم اِجور آمَل رُی‌راسی گه اژ جونِم خدا ماموریو گِرتیَ.

غَلاطیَل 1:4

گه گیو ووژ اَرِه گنائَل ایمَه داتی تا مِطابق خواس خدامو ئو باوَه‌مو، ایمَه اژ ایی زمونَه شَرَبارَ آزاد بِهِه.

غَلاطیَل 5:13

اَرِیَگه اِاِ بِرال، هُمَه دَوَت بینو‌نَسَ آزادی، مِنتائای حُواستو بو آزادیتو ناوَ مِجالی اَرِه جسم، بلکِم وَه مِحبت خِلمت بِهَن اَر یَکتِری.

غَلاطیَل 5:6

اَرِیَگه اِ مسیحْ عیسی نه ختینَه بیئِن چیئی کَ نه ختینَه نوئین، بلکِم مِهم ایمونی کَ گه اژ رئی مِحبت کارَ مِهِه.

غَلاطیَل 6:9

اِسَه اژ خوئی کِردِن دلسرد نوئیمو، اَرِیَگه اَرّ شَکَت نوئیمو، وَه موقَع ووژ، دروءَ مِهِیم.

اول تِسالونیکیَل 3:6

مِنتائای اِسگَه گه تیموتائوس اژ تک هُمَه هاتیَسَ اَرِه تک ایمَه، ئو خَوَر خَوش ایمون ئو مِحبت هُمَه آوِردیَسی اَرِنمو ئو گزارش داسی گه هُمَه هَر اِ خوئی هاینونِ ویر ایمَه ئو شوق دیرینو ایمَه بوئینینو هَرهُنَ گه ایمَه شوق دیریم هُمَه بوئینیم،

دوئِم تِسالونیکیَل 1:11

اَژونَسَ، یِسَر دوعاتون‌ اَرِنَ مِهِیم تا خدامو لائقتو بِذانی گه دَوَت اَژینتو بِگِری ئو وَه قدِرت ووژ هر قَص خو ئو هر کاری گه اژ ایمونتونَ، اَنجوم بِ،

دوئِم تِسالونیکیَل 1:3

اِاِ بِرال، ایمَه باس هَر وَه خاطر هُمَه شگِر خدا بِهِیم، ئو هَر یَه سزاواریشَ، اَرِیَگه ایمونتو هَر دیری ویشتِر رشدَ مِهِه ئو مِحبت هرکُمتون اَر یَکتِری فِرَه‌تِرا ماو.

اول تیموتائوس 1:14

ئو فیض خداونمونَ گَرد ایمون ئو مِحبتی گه ها نوم مسیحْ عیسی‌اِر، چَل‌چَل رِشیا اَر سر مِن‌اِرا.

اول تیموتائوس 2:3

اَرِیَگه، یَه اَر تک خدا، نجاددهندَه ایمَه، خوءَ ئو وَه دِلَسی.

عِبرانیَل 10:36

اَرِیَگه لازمَ پایار بِمینینو تا زمونی گه خواس خداتو اَنجوم دا، اَ چیئَه گه وَدَه هاوِنتیَ بارینونَ دس.

عِبرانیَل 11:17

وَه ایمو بی گه ابراهیم وخدی اِنتحو بی، اسحاق پیشکَش کِردی؛ ئو او گه وَدَه‌ل خدا گِرتوئیتی، داشدی کُر یَکونَه ووژ قُرونیَ مَهَردی،

عِبرانیَل 13:21

هَراَ خدای گه هُمَل مِجهز کِردیَ کُل چیئَل خو تاگَه خواس او اَنجوم دِینو، تاگَه اَ چیئَه گه وَه دِلَسی وَه‌سونگَ عیسی مسیح اِنوم ایمَه اَنجوم دِ، گه جِلال اَر او تا ابدالآباد. آمین.

عِبرانیَل 4:11

اِسَه بورِن سخد تقِلا بِهِیم تاگَه بِچیم اِنوم اَ پَلامارا، تاناخواد کسی وَه‌سونگَ هُنَ کورفِربونی‌ای بِکُوءِ.

عِبرانیَل 6:15

ئو وَه ایی جورَ، ابراهیم دُما یَگه وَه صبِر چیَمَ‌رئی مَن، وَدَه آوِردیَ دس.

اول پطرس 3:4

بلکِم اِنوم اَ اِنسونی بوءَ گه ها نوم قلبتون‌اِر ئو نِماو بوئینینی، وَه رنگینی‌ اَژبِن‌نَچیئِنی روح مِلوم ئو آرومی، گه ایی رنگینیَ اِ وَر چیَم خدا فِرَه اَرزشد دیری.

اول یوحنا 3:18

اِاِ رولَه‌ل، بورِن یَکتِریمو دوس داشدوئی، نه وَه قصَه ئو زوئو، بلکِم اِ عمل ئو اِ حخیخت!

اول یوحنا 3:21

اِاِ عزیزَل، اَرّ دلمو ایمَه مَکوم نِهِه، اَرتَک خدا اطمینو دیریم

اول یوحنا 3:3

ئو هر کی هُنَ امیدیَ بی دیرِتی، ووژ پاکا مِهِه، هُنَ گه او پاکَ.

اول یوحنا 5:3

اَرِیَگه دوس داشدِن خدا یَسَ گه اژ فِربونَل اطاعت کِیمی ئو فِربونَل او بار گِرونی نیِن.

مِکاشفَه 2:19

مِه کارَل تو، مِحبت ئو وفاداریِت ئو خِلمت ئو پایاریتَ مَذانِم ئو یَگه کارَل آخِرِت ویشتِر اژ اول‌بارتَ.

مِکاشفَه 3:10

اِسگَه گه کلوم مِنِت اِبارَه پایاری حفظ کِردیَ، مِن‌یش اَ سات اِنتحونَ اَژینتَ ماوژِمِ لا گه وَه ایی زویَ ما اَر سر کُل دنیا تاگَه مردِم رُی زَمی اِنتحو کِ.