اول تِسالونیکیَل 1:10 - کتاب مقدس به زبان لکی - گویش مرکزی

¹⁰ ئو چیَمَ‌رئی هاتِن کُر خدا اژ آسمو بوئینو، گه خدا او اژ مِردیَل زِنیا کِردی، یانی عیسی گه ایمَه اژ خَضوئی گه میا بای، نجادَ مِ.

اول تِسالونیکیَل 1:10 Iomraidhean Croise

مَتّی 1:21

او کُری ماریَ دی گه تو نُمَ مَنینیَ ”عیسی“، اَرِیَگه او قوم ووژ اژ گنائَلو نجادَ مِ.»

مَتّی 16:27

«اَرِیَگه کُر اِنسو وَه‌گَرد فریشدَه‌لیا اِنوم جِلال باوَه ووژَ مای، اَ موقَع وَه هر کی مِطابق کارَلی، اَجِرَ مِ.

مَتّی 16:28

حخیختاً، موشِم‌ئونتو، بِری هوسیانَس اَر ایرَه گه تا کُر اِنسو نوئینِن گه اِنوم پاتِشائی ووژَ مای، طُم مرگ نِمَهَن.»

مَتّی 3:7

مِنتائای یحیی وخدی دیتی فِرَه کسَل اژ شیخَل فرقَه‌ل فَریسی ئو صَدّوقی ماهاتِن اِرَه اورَه گه او تیَمیدَ ماتی، وِتی‌ئونو: «اِاِ حَفی‌زائَل! کی هُشتار دائونتو تا اژ خَضوئی گه ها نواتون‌اِر، بِحواینو؟

لوقا 2:25

اِ اَ زمونَ، پیا صالح ئو دینداری، شَمعون نُم، اِنوم اورشلیم زِنِه‌یَ مَهَردی گه چیَمَ‌رئی دلگُوئی قوم اسرائیل بی ئو روح‌القدس اَررُی بیتی.

لوقا 3:7

یحیی وِتیَ جیَمیَتی گه اَرِه تیَمید گِرتِن هاتوئینی اِرَه تک: «اِاِ حَفی‌زائَل! کی هُشتار داینونی‌ئون تا اژ خَضوئی گه ها نواتون‌اِر، بِحواینو؟

کارَل رسولَل 1:11

ئو وِتو: «اِاِ پیال جلیلی، اَرّا هوسیاینونَ ئو گِزتو کِردیَس اَر آسمو؟ هَر ایی عیسیَ گه اژ تک هُمَه ویرِ آسمو بَریا، هَرهُنَ گه دیتو چی اَر آسمو اِدوارَه گِلامیریِ دُما.»

کارَل رسولَل 17:31

اَرِیَگه یِه روژی مَیِّن کِردیَسی، گه اِ اَ روژَ وَه‌سونگَ پیای گه دیاری کِردیِ، اَر دنیا وَه عدالتا داوریَ مِهِه، ئو وَه زِنیا کِردِنی اژ مِردیَل ایی حخیختَ ثابت کِردیَسی اَر کُل کس.»

کارَل رسولَل 2:24

مِنتائای خدا او اژ عذاوَل مرگ آزاد کِردی، ئو زِنیا کِردی، اَرِیَگه مِحال بی مرگ بتونی او بِگِری اِنوم قَپ ووژ.

کارَل رسولَل 2:32

خدا هَر ایی عیسیَ زِنیا کِردی ئو ایمَه کُل شاتیمی.

کارَل رسولَل 3:15

هُمَه سِرآو ژییاینتو کُشت، مِنتائای خدا او اژ مِردیَل زِنیا کِردی ئو ایمَه شات یِئیمَ.

کارَل رسولَل 3:21

گه آسمو باس قبول کِیتی تا وخدی گه کُل چی اژ نوو دُریس بو، هَرهُنَ گه خدا اژ قدیم وَه زوئو کُل پِخَمَرَل مقدّس ووژ وِتی.

کارَل رسولَل 4:10

اِسَه کُل هُمَه ئو کُل قوم اسرائیل بِذانِن گه وَه نُم عیسی مسیحِ ناصریَ گه ایی پیا ساق هوسیاس اَر وَر چیَمَلتو، وَه نُم هَراَ کسَ گه هُمَه کیشیتون اَر صلیب، مِنتائای خدا او اژ مِردیَل زِنیا کِردی.

رومیان 1:4

ئو اژ لِحاظ روحِ قدوسیّت وَه‌سونگَ زِنیابیئِنی اژ مِردیَل وَه قدِرتا اِلوم بی گه کُر خداءَ، یانی خداون ایمَه عیسی مسیحَ.

رومیان 2:7

او ژییاین ابدیَ موئَشخیَ کسَلی گه وَه صبِر اِ اَنجوم کارَل خو، هان اَر دُم جِلال ئو عزّت ئو زِنِه‌ی ابدیا؛

رومیان 4:25

گه وَه خاطر گنائَل ایمَه تسِلیم مرگ بی ئو وَه خاطر صالح وَه حساو یِهاتِن ایمَه، اژ مِردیَل زِنیا بی.

رومیان 8:34

کیَ گه مَکومو کِ؟ مسیحْ عیسی گه مِرد، بلکِم اژ مِردیَل‌یش زِنیا بی، او گه ها اَر دس راس خداآ، اوءَ گه اِراسی اَرِه ایمَه شِفاعت‌یشَ مِهِه!

اول قرنتیان 1:7

اِسَه هُنَ گه چیَمَ‌رئی گِلاهُاردِن خداونمو عیسی مسیحینو، اژ هُیچ عطاءِ روح‌القدس بی‌نَصُی نیئینو.

غَلاطیَل 3:13

مسیح هُنَ ایمَل اژ لیَن شریعت آزاد کِردی وَه ایی خیمتَ گه ووژ اِجال ایمَه لیَن بو، اَرِیَگه اِنوم تورات نُیسیاءَ گه «هر کی بوءَ دارا، لیَنَ ماوتی اَری.»

فیلیپیَل 3:20

مِنتائای ایمَه اَل آسمونیم، ئو وَه شوقا چیَمَ‌رئی نجاددهندَه، یانی خداون عیسی مسیح، اژ اوریمَ.

کولُسیَل 1:18

او سر لار یانی سر کلیساءَ ئو بِنیاءَ، اول‌زا اژ مِردیِلَ، تاگَه اِ کُل چی، او سر بو.

اول تِسالونیکیَل 1:7

هُنَ گه بینونَ سرمقشی اَرِه کُل ایمودارَل هیال مقدونیَه ئو اَخائیَه.

اول تِسالونیکیَل 2:16

ئو نِمِیلِن ایمَه وَه‌گَرد یهودیَل قصَه بِهِیم تاگَه نجاد بِگِرِن. هُنَ هَر پِمونَه گنائَل ووژو نِقُ‌نِق پِرا مَهَن. مِنتائای آخِری خَضو هاتیَسَ سرو.

اول تِسالونیکیَل 2:7

مِنتائای اِجور تایِه‌ی گه مِتیَه‌جی آیلَل ووژَسی، اِنوم هُمَه مِلوم بیمو.

اول تِسالونیکیَل 5:9

اَرِیَگه خدا ایمَه اَرِه خَضو مَیِّن نَهَردیَسی، بلکِم اَرِیَگه وَه‌سونگَ خداونمو عیسی مسیح نجاد باریمَ دس.

دوئِم تیموتائوس 4:1

اَرتَک خدا ئو مسیحْ عیسی گه اَر مِردیَل ئو زِنیَل داوریَ مِهِه ئو وَه خاطر پاتِشائی ئو ظاهربیئِنی، اَمونَتتَ میَمَ بی

تیتوس 2:13

هَرهُنَ گه چیَمَ‌رئی اَ امید بِمارِکیمَ یانی ظاهربیئِن جِلال خداءِ عظیم ئو نجاددهندَه‌مو عیسی مسیح،

عِبرانیَل 10:27

بلکِم چیئی گه مَمینی، چیَمَ‌رئی مَنِن ترسناک اَرِه قضاوت ئو بِلیزَل آگِری کَ گه دشمنَل خدا قویت اِرامِ.

عِبرانیَل 9:28

اِسَه مسیح‌یش گه یِه گِل قُرونی بی تا گنائَل فِرَه کسَل بِگِریِ کول، اَرِه گِل دوئِم ظاهرَ ماو، نه اَرِیَگه گنائَل هیزدِ، بلکِم تاگَه کسَلی گه وَه شوقا چیَمَ‌رئیِنی، نجاد دِ.

اول پطرس 1:21

هُمَه گه وَه‌سونگَ او ایمونتو آوِردیَس اَر خدا، خدای گه او اژ مِردیَل زِنیا کِردی ئو جِلال داتیَ بی، تاگَه ایمون ئو امیدتون اَر خدا بو.

اول پطرس 1:3

بِمارِکَ خدا ئو باوَه خداون ایمَه عیسی مسیح گه وَه ریَمَت کَلِنگ ووژ، وَه‌سونگَ زِنیا بیئِن عیسی مسیح اژ مِردیَل تولد تازه‌ی بَشخیتیَ ایمَه، اَرِه امید زِنی‌ای

اول پطرس 2:21

اَرِیَگه، هُمَه هَر اَرِه یَه دَوَت بینونَ، اَرِیَگه مسیح‌یش اَرِه هُمَه زجِر کیشیتی ئو سرمقشی اَرِنتو هُیشتی تا پا بِنینون اَر جاپا او.

اول پطرس 3:18

اَرِیَگه مسیح‌یش یِه گِل اَرِه گنائَل عذاو کیشیتی، یانی اَ آم صالحَ اَرِه آمَل ناصالح، تا باریتون‌ اَرِه تک خدا. او اِنوم جسم کُشیا، مِنتائای اِنوم روح، زِنیا بی،

دوئِم پطرس 3:12

چیَمَ‌رئی روژ خدا بوئن ئو باوژِنیِ نوا. اِ اَ روژَ گه آسمونَل آگِرَ مَگِرِن ئو اژ یَکَ مَچویچِن ئو آسارَه‌ل آسمون اِ زور تاو آگِرَ مَتاوِنا.

دوئِم پطرس 3:14

اِسَه اِاِ عزیزَل، اِسگَه گه چیَمَ‌رئی ایی چیئَلینونَ، خو تقِلا بِهَن تا اَرتَک او بی‌لکَه ئو بی‌عِو ئو اِنوم صُئل بوئینو.

مِکاشفَه 1:18

مِه گه زِنیئِم. مِه مِردِم، ئو سِیل کَ اَرِه همیشَه زِنیئِم، ئو کِلیلَل مرگ ئو دنیا مِردیَل ها دس مِنا.

مِکاشفَه 1:7

سِیل کَ، وَه اُرِلَ مای، ئو هَر چیَمی اوءَ موئینی، جُ‌جُ چیَم اونَلی گه نِزِه‌ئو دا اَری؛ ئو کُل طائفَه‌ل زَمی لورَلورَ مَهَنی اَرِه. اَاَ، هُنَ ماو. آمین.