اول پطرس 4:8 - کتاب مقدس به زبان لکی - گویش مرکزی

⁸ مِهمتِر اژ کُل چی، اژ تیَه دلا یَکتِریتو دوس داشدوئی، اَرِیَگه دوس داشدِن، گنائَل فِرِه‌ی مَپوشِنی.

اول پطرس 4:8 Iomraidhean Croise

اول قرنتیان 13:1

اَرّ وَه زوئو آمَل ئو فریشدَه‌ل قصَه بِهَم، مِنتائای مِحبتِم ناآشدوئی، اِجور زنگی مَمینِم گه مَزِری ئو سنجی گه زِرینگَ مایتی.

اول قرنتیان 13:4

مِحبت صبِر دیری ئو مِرِبونَ؛ مِحبت حَسوئی نِمِهِه؛ وَه ووژ نِمَنازی ئو قُرات نیَ.

کولُسیَل 3:14

ئو اَر رُی یوئنَ کُل، مِحبت بِهَنِ وَر گه کُل چی اِ اتحاد کامل مَنیَ قِ یَکا.

اول تِسالونیکیَل 3:12

ئو هُنَ گه مِحبت ایمَه اَر هُمَه فِرَه‌آ ماو، خداون مِحبت هُمَه اَر یَکتِری ئو اَر کُل مردِم ویشتِر ئو فِرَه‌تِرا کِ،

دوئِم تِسالونیکیَل 1:3

اِاِ بِرال، ایمَه باس هَر وَه خاطر هُمَه شگِر خدا بِهِیم، ئو هَر یَه سزاواریشَ، اَرِیَگه ایمونتو هَر دیری ویشتِر رشدَ مِهِه ئو مِحبت هرکُمتون اَر یَکتِری فِرَه‌تِرا ماو.

اول تیموتائوس 1:5

مصقود ایی فِربون ایمَه مِحبتَ، گه اژ دل پاک، وِژدان خو ئو ایمو رُی‌راسَ مای.

عِبرانیَل 13:1

بِیلِن مِحبت بِرائی هَر بو.

یعقوب 5:12

مِنتائای اِاِ بِرال، اژ کُل مِهمتِر یَسَ گه قسم نیرینو، نه وَه آسمو، نه وَه زَمی ئو نه وَه هُیچ چیئی‌تِر. بِیلِن «اَاَ» هُمَه هَراَ «اَاَ» ئو «نه» هُمَه هَراَ «نه» بو، تاناخواد مَکوم بوئینو.

یعقوب 5:20

بِیلِن بِذانی هر کی آم گناکاری اژ رئی نادُریس گِلادِ، گیونی اژ مرگ نجادَ مِ ئو گنائَل فِرِه مَپوشِنی.

اول پطرس 1:22

اِسگَه گه وَه اطاعت اژ حخیخت، گیونَل ووژتو پاکتونا کِردیَ تا مِحبت بِرائی خالصتو داشدوئی، باس اژ تیَه دلا فِرَه یَکتِریتو دوس داشدوئی.

سِئِم یوحنا 1:2

اِاِ عزیزِم، دوعا مَهَم گه خدا راس اِ کارِت باری ئو سِلامت بوئین، هَراَ جورَ گه گیونِت سِلامتَ.