اول پطرس 4:6 - کتاب مقدس به زبان لکی - گویش مرکزی

⁶ وَه ایی خاطرَ، جُ‌جُ اَر اونَلی گه اِسگَه مِردِنَ خَوَر خَوشو دا، تا وَه‌یاآگه اِجور کُل آمَل اِنوم جسم داوری بین، مِنتائای اَجورَ گه خداءَ مِیتی مِطابق روح زِنِه‌ی بِهَن.

اول پطرس 4:6 Iomraidhean Croise

مَتّی 24:9

«اِ اَ زمونَ میَنَ قاپ هُمَه‌آ تاگَه عذاو بِکیشینو، ئو مَکُشِنتو. کُل ملتَل وَه خاطر نُم مِن اژ هُمَه بیزارَ موئن.

رومیان 8:2

اَرِیَگه اِنوم مسیحْ عیسی، شریعتِ روحِ ژییاین، مِن اژ قانون گنا ئو مرگ آزاد کِردی؛

غَلاطیَل 2:19

اَرِیَگه مِه وَه‌سونگَ شریعت، وَه شریعت مِردِم تا اَرِه خدا زِنِه‌ی بِهَم.

غَلاطیَل 5:25

اَرّ وَه روحِ خدا زِنِه‌یَ مِهِیم، وَه‌گَرد روحِ خدائیش رفدار بِهِیم.

اول پطرس 1:12

کَتِ در اَرِنو گه خِلمت اژ هُمَه‌ئونَ مَهَرد نه ووژو، اَسَه گه اژ چیئَلی قصه‌ئونَ مَهَرد گه اِسگَه اِبارَه اونَل اژ بشارت‌کَرَل انجیلَ مَشتوئینو، اژ اونَل گه وَه‌سونگَ روحِ خدا گه اژ آسمو کِل‌بیَ، بشارتَ میَنَ بینتو. جُ‌جُ فِریشدَه‌ل‌یش شوق سِیل کِردِن اَر ایی چیئِلَ دیرِن.

اول پطرس 3:18

اَرِیَگه مسیح‌یش یِه گِل اَرِه گنائَل عذاو کیشیتی، یانی اَ آم صالحَ اَرِه آمَل ناصالح، تا باریتون‌ اَرِه تک خدا. او اِنوم جسم کُشیا، مِنتائای اِنوم روح، زِنیا بی،

اول پطرس 3:19

ئو اِنوم روح چی ئو روحَلی گه اِ زندو بین، خَوَردارا کِردی.

مِکاشفَه 14:18

ئو فریشدِه‌ی‌تِر اژ قُرونی‌گا هاتَ دِریر گه اَر آگِر قدِرت‌واختیار داشدی ئو وَه دَنگ کَلِنگ وِتیَ اَوَه گه داس تیژِهَه داشدی: «داس تیژِت هیزدَ ئو حوشَه‌ل اژ دار مو زَمی گِردا کَ، اَرِیَگه انگویرَل رَسینَسی.»