اول پطرس 4:4 - کتاب مقدس به زبان لکی - گویش مرکزی

⁴ هَرهُنَ، اِسگَه گه اِنوم هُنَ خیزیَل بی‌حدِحساوُ شیَریکونا نِموئینو، بِلُجوئیونَ مای ئو دُشمینَ میَن‌ئونتو.

اول پطرس 4:4 Iomraidhean Croise

مَتّی 23:25

«هِرّو اَرِنتو اِاِ مَلِمَل تورات ئو شیخَل فرقَه فَریسی، اِاِ ریاکارَل! اَرِیَگه هُمَه رُی جُم ئو دُوری پاکا مِهِینو، مِنتائای نومو پِر اژ طَما ئو ووژتیمارکِردِنَ.

لوقا 15:13

دُما قِیلی، کُرَ گُجِرَهَه کُل چیئَلی گه داشدی جیَم کِردی ئو چی اِرَه جا دویری ئو اَر اورَه ثرود ووژ وَه عِیاشیا داءَ رِفت‌اِرا.

کارَل رسولَل 13:45

مِنتائای یهودیَل وخدی جیَمیَتو دی، اژ زور حَسوئی اَرضد هر چی گه پولُسَ موئِتی، هیزونَ مَگِرت ئو دُشمینونَ مائون.

کارَل رسولَل 18:6

مِنتائای وخدی یهودیَل بینیَ زیچ ئو دُشمینو دائون، پولُس توز جِنِکی تَکونی تا شاتی‌ای بو اَرضد اونَل گه خَضو خدا ما اَر سرو، ئو وِتی‌ئونو: «خوینتو ها مِل ووژتون‌اِر! یَه دیَر اِ مِل مِه نیَ. اَژیرِ دُما، دیَر مَچِم اِرَه تک خِرِیهودیَل.»

رومیان 13:13

بورِن هُنَ دُریس رفدار بِهِیم گه هَماری هایمون اِنوم روشتایی روژاِر نه اِنوم عِیاشی ئو مَسی، نه اِنوم بی‌عصمتی ئو خیزی، نه اِنوم جنگ ئو حَسوئی،

اَفِسُسیَل 5:18

مَس شِراو نوئن، اَرِیَگه شِراو مَکیشیتو ویرِ کارَل گَن؛ بلکِم پِرا بوئن اژ روحِ خدا.

اول پطرس 2:12

کردارتو اِنوم خِرِیهودیَل هُنَ وَه عزّتا بو گه اونَلی گه اَرضدتونَ موشِن ئو گَنَ‌کارَل هناتونَ مَهَن، وخدی کارَل خوتو بوئینِن، خدا اِ روژ دیئِنی جِلال دَن.

اول پطرس 3:16

وِژدانتو پاک بِیلِن تا کسَلی گه بُختِمَ میَن اَرینتو، اونَلی گه اژ رفدار خوتو اِنوم مسیح گَنَ موشِن، خجالتا بوئن.

دوئِم پطرس 2:12

مِنتائای اونَل اِجور جونورَل بی‌شعوری گه وَه غریزَه رفدارَ مَهَن ئو هاتِنَسَ دی گه بِکُوئِنِ تِلَه ئو نابود بوئن، قصَه‌ل گَنَ موشِنَ چیئَلی گه درکی اَژینو نِرِن ئو اِنوم نابودی ووژو، نابودَ موئن

دوئِم پطرس 2:22

ایی متل راسَ، اِبارَه چیئی موشی گه هاتیَسَ سرو: «سگ گِلامیری اَر استفراخ ووژ»، ئو «خنزیل شوریا، اَر پِل هُاردِن اِ هَری.»

یهودا 1:10

مِنتائای یوئنَ گَنَ موشِنَ اَ چیئَه گه نِمَفیَمِن، ئو اِجور حِوونَل نَفیَمی کِن گه چیئَلی گه اژ غریزَه مَفیَمِن، هَر اونَ نابودونَ مِهِه.