اول پطرس 4:2 - کتاب مقدس به زبان لکی - گویش مرکزی

² هُنَ باقی عمِر اِنوم جسم، اَرِه اَنجوم دائِن خواس خدا زِنِه‌یَ مِهِه، نه اَرِه هُواوهوسَل بشری.

اول پطرس 4:2 Iomraidhean Croise

مَتّی 12:50

اَرِیَگه هر کی خواس باوَه مِه گه ها نوم آسمون‌اِر، باریَ جا، بِرا ئو خُیَه ئو دا مِنَ.»

مَتّی 20:4

وِتیَ اُوُن‌یش: ”هُمِه‌یش بِچِن اِنوم باخ انگویر مِه ئو اَ چیئَه گه حَختونَ میَم‌ئونتو.“

مَتّی 21:31

اَ دو کُرَ کُماینو خواس باوَه ووژ آوِردِ جا؟» اونَل جوواوُ دا: «اولینِهَه.» عیسی وِتی‌ئونو: «حخیختاً، موشِم‌ئونتو، خِراجگیرَل ئو ژِنَل خِراو وِر اژ هُمَه مَچِن اِنوم پاتِشائی خدا.

مَتّی 7:21

«نه هر کی مِنَ ’اِاِ خداون، اِاِ خداون‘ هِنا کِ مَچو اِنوم پاتِشائی آسمونا، بلکِم اَوَه گه خواس باوَه‌م گه ها آسمون‌اِر باریَ جا.

مَرقُس 3:35

اَرِیَگه هر کی گه خواس خدا باریَ جا، بِرا ئو خُیَه ئو دا مِنَ.»

مَرقُس 7:21

اَرِیَگه یوئنَنَ اَ چیئَه گه اژ نوم ئو اژ دل آم ماءَ دِریر: فگِرَل گَن، بی‌عصمتی، دُزی کِردِن، آم کُشتِن، زِنها،

یوحنا 1:13

اونَلی گه نه اژ خوین، نه اژ هِستِن جسم ئو نه اژ هِستِن یِه اِنسو، بلکِم اژ خدا زاندَه بینَ.

یوحنا 7:17

اَرّ کسی اِراسی بِیتی خواس خدا اَنجوم بِ، مَفیَمی گه ایی تیَلیمِلَ اژ جونِم خداءَ یاگَه مِه اژ ووژمَ موشِم.

رومیان 12:2

نوئنَ هُم‌شکِل ایی دنیاءَ، بلکِم وَه نووآ بیئِن فگِرَلتو، عوض بوئن. اَسَه مَتونینو خواس خدا تشقیص دِینو؛ خواس خو، باوِ دل ئو کامل خدا.

رومیان 14:7

اَرِیَگه هُیچ کُم اژ ایمَه اَرِه ووژ زِنِه‌ی نِمِهِه ئو هُیچ کُم اژ ایمَه اَرِه ووژ نِمَمِری.

رومیان 6:11

هَرهُنَ، هُمِه‌یش باس ووژتو نِسوَتَ گنا وَه مِردی بِگِرینو، مِنتائای اِنوم مسیحْ عیسی نِسوَتَ خدا، زِنی.

رومیان 6:2

اصِلا! ایمَه گه نِسوَتَ گنا مِردیم، چطورَ مَتونیم اِنوم زِنِه‌ی بِهِیمی؟

رومیان 7:4

هَر اَژی جورَ، اِاِ بِرال، هُمِه‌یش وَه‌سونگَ لار مسیح نِسوَتَ شریعت مِردینونَ تاگَه هِن یَکی‌تِر بوئینو، یانی او گه اژ مِردیَل زِنیا بی، تاگَه اَرِه خدا ثمر باریم.

دوئِم قُرَنتیان 5:15

ئو او وَه خاطر کُل مِرد تاگَه اونَلی گه زِنیئِن دیَر اَرِه ووژو زِنِه‌ی نَهَن، بلکِم اَرِه او گه وَه خاطر اونَل مِرد ئو زِنیا بی.

اَفِسُسیَل 2:3

ایمِه‌یش کُل، زمونی اِنوم یوئنَ اِنوم هُواوهوس جسمو زِنِه‌یمونَ مَهَرد، ئو چیئَلی گه لار ئو فگِرمونَ مِهِستی انجوممونَ ما؛ ئو اِجور کسَلی‌تِر، مِطابق طبیعتمو مَکوم بیمون اَر آیلَل خَضو.

اَفِسُسیَل 4:17

اِسَه یَه موشِم ئو اِنوم خداون شاتیَ میَم گه رفدارتو دیَر نَباس اِجور خِرِیهودیَل بو گه اِنوم فگِرَل باطل ووژو رفدارَ مَهَن.

اَفِسُسیَل 5:17

اِسَه نایو نوئن، بلکِم بِذانِن گه خواس خداون چیَ.

اَفِسُسیَل 6:6

ئو یوئیشَ نه فَخَد وخدی گه هاینونِ وَر چیَمَلو، اِجور کسَلی گه هانَ دُم یَگه وَه دل اِنسونَل بوئن، بلکِم اِجور خُلُمَل مسیح گه خواس خدا وَه دل ئو گیونَ مارِن‌َ جا.

کولُسیَل 1:9

وَه ایی خاطرَ، اژ روژی گه یَمونَ شنَفت، دَسمون اژ دوعا کِردِن اَرِنتو نکیشیَ، بلکِم یِمِجو اژ خدامونَ مِ گه پِر بوئینون اژ شناخت خواس او، اِ هر حکمت ئو فیَم روحانی،

کولُسیَل 3:3

اَرِیَگه هُمَه مِردینو ئو زِنِه‌ی هُمَه اِسگَه وَه‌گَرد مسیح اِنوم خدا پنهونَ.

کولُسیَل 4:12

اِپافْراس، گه یَکی اژ هُمِئَه، ئو خادم مسیحْ عیسیَ، سِلامَ مَرَسِنیَ بینتو. او هَر اِ دوعائَلی اَرِه هُمَه تقِلاءَ مِهِه تاگَه هُمَه بتونینو بالغ ئو وَه اطمینو کامل بوسینون اَر سر تموم خواس خدا.

اول تِسالونیکیَل 5:18

اِ هر حالِ‌روژی شگِرگزار بوئن، اَرِیَگه یَسَ خواس خدا اِنوم مسیحْ عیسی اَرِه هُمَه.

عِبرانیَل 13:21

هَراَ خدای گه هُمَل مِجهز کِردیَ کُل چیئَل خو تاگَه خواس او اَنجوم دِینو، تاگَه اَ چیئَه گه وَه دِلَسی وَه‌سونگَ عیسی مسیح اِنوم ایمَه اَنجوم دِ، گه جِلال اَر او تا ابدالآباد. آمین.

یعقوب 1:18

او مِطابق خواس ووژ ایمَه وَه کلوم حخیخت خَلک کِردی تاگَه اِجور نوبری بوئیم اژ مخلوقات ووژ.

اول پطرس 1:14

اِجور آیلَل فِربوبَر، دیَر نوئن اِجور هُواوهوسَلی گه دورَه نایونی اَسگَه‌تونَ داشد.

اول پطرس 2:1

اِسَه هر جور گَنی، هر جور رِنگَری ئو دودَم دوزوئونی ئو حَسوئی، ئو هر جور بُختِم اژ ووژتو دویرا کَن

اول یوحنا 2:17

دنیا ئو هُواوهوسَلی دیری مَگُذَری، مِنتائای اَوَه گه خواس خدا ماریَ جا، تا ابدَ مَمینی.