اول پطرس 4:11 - کتاب مقدس به زبان لکی - گویش مرکزی

¹¹ هر کی قصَه مِهِه، اِجور خدا قصَه بِهِه؛ ئو هرکی خِلمتَ مِهِه، وَه قویَتی گه خدا موئَشخی خِلمت بِهِه، تاگَه اِ کُل چی، خدا وَه‌سونگَ عیسی مسیح جِلال بِگِری. جِلال ئو سِلطنت اَر او تا ابد ئو تا ابد. آمین.

اول پطرس 4:11 Iomraidhean Croise

مَتّی 6:13

ئو ایمَل اِنتحو نِهَه، بلکِم اژ اَ شریرَ آزادمو کَ. اَرِیَگه پاتِشائی ئو قدِرت ئو جِلال، تا ابد هِن تونَ. آمین»

یوحنا 13:31

دُما یَگه یهودا چیَ دِریر، عیسی وِتی: «اِسگَه کُر اِنسو جِلال گِرتی ئو خدا اِنوم او جِلال گِرتی.

کارَل رسولَل 7:38

یَه هَراَ موسیَ بیَ گه اِنوم بیاوون اِنوم جیَمیَت بی، ئو وَه‌گَرد فریشدِه‌ی گه اِ کوی سینا وَه‌گَرد قصَه کِرد، ئو وَه‌گَرد باوَه‌لمو؛ ئو کلوم زِنی گِرتی تاگَه بِ‌ئونمو.

رومیان 11:36

اَرِیَگه کُل چی اژ او، ئو وَه‌سونگَ او، ئو اَرِه اوءَ. جِلال اَر او تا ابد. آمین.

رومیان 12:3

اَرِیَگه وَه‌سونگَ فیضی گه بیَسَ نَصُی مِه، موشِمَ هر کُم اژ هُمَه گه ووژتو ویشتِر اژ اَ چیئَه گِ باس، نَذانِن، بلکِم هر کُم چَن ایمونی گه خدا بَشخیَسی‌ئونتو، وَه قضاوت دُریس فگِر بِهَن.

رومیان 16:27

وَه‌سونگَ عیسی مسیح تا ابد جِلال اَر او گه یَکونَه خداءِ دوناءَ! آمین.

رومیان 3:2

فِرَه، اژ کُل لِحاظی. اول یَگه کلوم خدا وَه اَمونت سپارتیاس‌ئونو.

اول قرنتیان 10:31

اِسَه، چه هُاردِن چه خُرّ دائِن، یا هر کاری‌تِر گه مِهِینو، کُل اَرِه جِلال خدا بِهَن.

اول قرنتیان 12:4

اِسگَه عطائَل جوراجوری هَس، مِنتائای روحْ هَر اَوَه‌‌سَ؛

اول قرنتیان 3:10

مِطابق فیضی گه خدا داسیَ مِه، اِجور مِمار سررشتَه‌داری بِناوَه ساخدِمونِم آوشدیَ ئو یَکی‌تِر اَررُی ایی بِناوَه، ساخدِمونَ ماوژی. مِنتائای هر کی باس حُواس بوتی گه چطورَ ماوژی.

اول قرنتیان 6:20

اَرِیَگه هُمَه وَه خیمتی خِریاینونَ، اِسَه لار ووژتون اَرِه جِلال خدا بیَرِنِ کار.

دوئِم قُرَنتیان 2:17

اَرِیَگه اِجور بِری نیئیم گه کلوم خدا دسفِروشَ مَهَن، بلکِم ایمَه اَر وَر چیَم خدا ئو اِنوم مسیح قصَه مِهِیم اِجور آمَل رُی‌راسی گه اژ جونِم خدا ماموریو گِرتیَ.

دوئِم قُرَنتیان 9:13

وَه‌سونگَ ایی خِلمتَ، مردِم خدا جِلالَ میَن اَرِه اطاعتی گه اژ اعتراف هُمَه وَه انجیل مسیحَ مای، هَمیش اَرِه دسِ‌دلوازی گه وَه یاری دائِن اَر اونَل ئو کُل مردِم نشونَ مِینو.

اَفِسُسیَل 1:19

ئو اژ قدِرت بی‌حدِحساو او اَر ایمَه گه ایمو دیریم باخَوَر بوئینو. ایی قویَتَ اژ قدِرت بی‌حدِحساو خدا گه دیری کارَ مِهِه، مای.

اَفِسُسیَل 4:29

دَمتو وَه قصَه‌ل گَن واز نَهَن، بلکِم قصَه‌لتو اَرِه بِنا آمَلی‌تِر وَه کار بای تا هَوَجَه یَکی بِگِری، ئو فیض برَسِنیَ کسَلی گه مَشتوئِن.

اَفِسُسیَل 5:20

یِمِجو وَه نُم خداونمو عیسی مسیح اَرِه کُل چی شگِر خداءِ باوَه بِهَن.

اَفِسُسیَل 6:10

خلاصَه، اِنوم خداون ئو اِ قویَتی گه اژ قدِرت اوءَ مای، زوردار بوئن.

فیلیپیَل 1:11

پِرا بوئینون اژ ثمر صالح‌بیئینی گه وَه‌سونگَ عیسی مسیح وَه بارَ مای، اَرِه جِلال ئو شگِر خدا.

فیلیپیَل 2:11

ئو هر زوئونی اعتراف بِهِه گه، عیسی مسیح ’خداونَ‘. اَرِه جِلال خداءِ باوَه.

کولُسیَل 4:6

قصَه‌لتو هَر پِر اژ فیض، وَه خوا طُم‌دارا بو، تاگَه بِذانینو گه چطور باس جوواو هر کَسیکا بِینو.

اول تِسالونیکیَل 2:4

بلکِم هَراَ جورَ گه خدا میر تایید داسی اَر ایمَه ئو انجیل سپارتیَسیَ بینمو، اِسَه ایمَه نه اَرِیَگه وَه دل مردِم بوئیم، بلکِم اَرِیَگه وَه دل خدای بوئیمو گه دلَلمو اِنتحونَ مِهِه، قصَه مِهِیم.

اول تیموتائوس 1:17

عزّت ئو جِلال تا ابدالآباد اَر اَ خداءِ یَکونَه، اَ پاتِشا زمونَه‌ل، او گه هرگِس نِمَمِری ئو کس نِمَتونی بوئینتی. آمین!

اول تیموتائوس 6:16

او گه تَنیا کسی کَ گه نَمِرَ، او گه لیز گِرتیَس اِنوم نُیری گه کس نِمَتونی نزیکا بوتی، هُیچ‌کس هرگِس او نِئیَسی ئو نِمَتونی بوئینتی، عزّت ئو سِلطنت تا ابد اَری بوتی. آمین.

تیتوس 2:1

مِنتائای تو اَ چیئَه گه مِطابق تیَلیم دُریسَ یاء دَ.

تیتوس 2:15

یوئنَ بوش، ئو وَه قدِرت‌واختیار کامل تشویق ئو تنبیه بِهَه، ئو نِیل کسی تونَ نِئیَ بِگِری.

عِبرانیَل 13:7

رَبَرَلتو گه کلوم خدائون اَرِه وِتینو، وَه ویرتو بو. اِبارَه عاقویَت طُرُخ زِنِه‌یو خو دقّت بِهَن ئو اژ ایمونو سرمقشا بِگِرِن.

عِبرانیَل 5:12

اَرِیَگه اِراسی تااِسگَه هُمَه مِئستا ووژتو مَلِمَل بوئینو. وَه ایی حالا هَوَجَه‌تو ها یَگه یَکی اِدوارَه کلوم خدا اژ پاءَ یاتو دِ. هُمَه میتاج شیرینو، نه خوراک سنگین!

یعقوب 1:19

بِرال عزیزِم، یَه بِذانِن گه هر کی باس اِ شِنَفتِن زِل بو، اِ قصَه کِردِن آروم بو ئو دیر عصبونی بو!

یعقوب 1:26

اَرّ کسی گُمونَ مِهِه گه آم دینداری کَ مِنتائای نوا زوئو ووژ نِمَگِری، ووژ فنَ مِ ئو ایمو باطلَسی.

اول پطرس 2:12

کردارتو اِنوم خِرِیهودیَل هُنَ وَه عزّتا بو گه اونَلی گه اَرضدتونَ موشِن ئو گَنَ‌کارَل هناتونَ مَهَن، وخدی کارَل خوتو بوئینِن، خدا اِ روژ دیئِنی جِلال دَن.

اول پطرس 2:5

هُمِه‌یش ووژتو اِجور بَردَل زِنی اِطور مال روحانی‌ای بِناءَ موئینو تا کاهنَل مقدّسی بوئینو گه وَه‌سونگَ عیسی مسیح، قُرونیَل روحانی‌ای گه خدا قبولَ مِهِه تقدیم بِهِینو.

اول پطرس 4:10

اِجور پیشکارَل خوئی گه فیض جوراجور خدا سپارتیاس‌ئونو، هرکُمتو عطای گه گِرتیَسی اَرِه خِلمت اژ یَکتِری بیَریَ کار.

اول پطرس 4:16

مِنتائای اَرّ کسی وَه نُم مسیحی عذاوَ مَکیشی، خجالت نکیشی، بلکِم وَه ایی نُمَ، خدا جِلال بِ.

اول پطرس 5:11

سِلطنت تا ابد ئو تا ابد هِن او بو. آمین.

یهودا 1:25

اَر اَ خداءِ یَکونَه ئو نجاددهندَه ایمَه وَه‌سونگَ عیسی مسیح، خداون ایمَه، جِلال ئو عظَمت ئو سِلطنت ئو قدِرت بو، گه اژ اَ اولَ بیَسی، اِسگَه هَسی، ئو تا ابد هَسی! آمین.