اول پطرس 3:9 - کتاب مقدس به زبان لکی - گویش مرکزی

⁹ جوواو گَنیَ گَنی ئو دُشمینَ دُشمینا نیَن، بلکِم اِجالی، بِرَکت بارِنَ دس، اَرِیَگه هَر اَرِه یَه دَوَت بینونَ تاگَه بِرَکت بوءَ نَصُیتو.

اول پطرس 3:9 Iomraidhean Croise

مَتّی 19:29

ئو هر کی وَه خاطر نُم مِه مال یاگَه بِرا یاگَه خُیَه یاگَه باوَه یاگَه دا یا اولاد یاگَه مِلکِ‌مِحل ووژ وِل کِردوئیتی، صد بِرُوَرَ ماریَ دس ئو ژییاین ابدیَ میَریَ میرات.

مَتّی 25:34

اَسَه پاتِشا موشیَ اونَلی گه هانیِ لا راسا: ”بورِن، اِاِ کسَلی گه اژ باوَه مِه بِرَکتتو گِرتیَ، اَ پاتِشائیَ بیَرنَ میرات گه اژ بِنیا دنیا اَرِه هُمَه آمادَه بیَ.

مَتّی 5:39

مِنتائای مِنَ موشِم‌ئونتو، نوسِن اَر نوا آم شرَبار. اَرّ کسی وَه چَپالی بِ اَر نوم‌رُیت، اَ لا رُیشِت ویرِ او بِپِلِن‌اِر.

مَتّی 5:44

مِنتائای مِنَ موشِم‌ئونتو، دشمنَل ووژتو دوستو داشدوئی ئو اَرِه اونَلی گه آزارتونَ میَن، دوعا خِر بِهَن،

مَرقُس 10:17

وخدی عیسی کَتِ رئی، پیای هَراَ دو هات، اَر وَر پالی زُنی داتی ئو پِرسیتی: «استادِ خو، چَه بِهَم تاگَه ژییاین ابدی بیَرمَ میرات؟»

لوقا 10:25

یِه روژ یَکی اژ عالمَل دین گه فِتوا میَن، هیزگِرتی ئو اَرِه اِنتحو کِردِن عیسی چیئی اَژی پِرسی، وِتی: «اِاِ استاد، چَه بِهَم تاگَه ژییاین ابدی بیَرمَ میرات؟»

لوقا 18:18

یَکی اژ رِئیسَل اژ عیسی پِرسیتی: «اِاِ استادِ خو، چَه بِهَم تاگَه ژییاین ابدی بیَرمَ میرات؟»

رومیان 12:14

اَرِه کسَلی گه آزارتونَ میَن، بِرَکتتو بِ؛ بِرَکتتو بِ ئو نُئِر نَهَن!

رومیان 12:17

جوواو گَنی کسَ گَنیا نیَن، بلکِم حُواستونَ اَ چیئَه گه اژ نظر کُل مردِم عزّت دیری، بو.

رومیان 8:28

ئو ایمَه مَذانیم اَرِه اونَلی گه خدا دوس دیرِن ئو مِطابق خواس او دَوَت بینَ، کُل چیئَل وَه‌گَرد یَک اَرِه خِریَّت کارَ مَهَن.

رومیان 8:30

ئو اونَلی گه وِرِکار مَیِّن کِردی، دَوَت‌یش کِردِنی؛ ئو اونَلی گه دَوَت کِردِنی، صالح‌یش وَه حساو آوِردِنی؛ ئو اونَلی گه صالح وَه حساو آوِردِنی، جِلال‌یش دانی.

غَلاطیَل 3:14

او هُنَ کِردی تاگَه بِرَکت ابراهیم اِنوم مسیحْ عیسی بوءَ نَصُی خِرِیهودیَل، ئو تا ایمَه اَ روحِ خداءَ گه وَدَه هاوِنتوئی، وَه‌سونگَ ایمو بِگِریم.

اَفِسُسیَل 4:32

وَه‌گَرد یَک مِرِبو بوئن ئو دلسوز یَکتِری بوئن ئو یَکتِری بوئَشخِن، هَرهُنَ گه خدا هُمَل اِنوم مسیح بَشخیتی.

اول تِسالونیکیَل 5:15

حُواستو بو گه هُیچ‌کس جوواو گَنی وَه گَنیا نِ، بلکِم هَر اِ دُم خوئی کِردِنَ یَکتِری ئو اَر کُل کس بوئن.

عِبرانیَل 12:17

اَرِیَگه مَذانینو، دُماخِرِ گه هِستی اَ بِرَکتَ بیَریَ میرات، قبول نوئی. وَه‌یاآگه وَه گیری‌گاوا وَه دُما بیتی، مِجالی اَرِه توئَه نَهَردیَ دی.

عِبرانیَل 6:14

ئو وِتی: «اِراسی بِرَکتتَ میَم ئو تو ویشتِرا مَهَم.»

اول پطرس 5:10

دُما یَگه مِدت کمی عذاوتو کیشی، خداءِ کُل فیضَل گه هُمَه اِنوم مسیح دَوَت کِردیَسیَ جِلال ابدی ووژ، ووژ اِدوارَه بِناتونَ مِهِه، ئو موکَم ئو زوردار ئو پایارتونا مِهِه.