اول پطرس 3:8 - کتاب مقدس به زبان لکی - گویش مرکزی

⁸ آخِرسر، کُلتو هُم‌رِأ، هُم‌دل ئو بِرادوس ئو دلسوز ئو فِروتن بوئن.

اول پطرس 3:8 Iomraidhean Croise

مَتّی 18:33

آیا نَباس تونیش ریَمتَ مَهَرد اَر هُمکار ووژِت، هَراَ جورَ گه مِه ریَمِم کِرد اَر تو؟“

لوقا 10:33

مِنتائای مِسافر سامری‌ای وخدی رَسی اَر اورَه ئو اَ پیاءَ دیتی، دل اَرِه سُتی.

کارَل رسولَل 2:1

وخدی بیَ روژ پِنتیکاست، اونَل کُل یِه‌دل جیَم بین اَر یِه جا

کارَل رسولَل 27:3

وَه صوایکا رَسیمون اَر بندر صِیدون، ئو یولیوس لِفط کِردی اَر پولُس ئو صِلا داتی تاگَه اَرِه کَل‌حاجت گِرتِن بِچو اِرَه تک رِقیفَلی.

کارَل رسولَل 28:7

اَر اَ هِناسَ زمینَلی بی گه هِن رِئیس جزیرَه بین گه نُم پوبلیوس بیتی. او مِکیس کِردیمی اِرَه مال ووژ ئو سه روژ وَه رُی خَوشا هُن‌هاوونی کِردیمی.

کارَل رسولَل 4:32

کُل ایمودارَل اژ دل ئو گیو یَکی بین ئو هُیچ کس چیئی اژ دارِنداری هِن ووژ نِمَذِناسدی، بلکِم اِ کُل چی وَه‌گَرد یَک هُم‌بیَر بین.

رومیان 12:10

یَکتِریتون اِجور بِرا دوس داشدوئی. اِ عزّت نائن اَر یَکتِری، بیَن اَر قِ یَکا.

رومیان 15:5

اِسگَه خدای گه پایاری ئو دلگُوئیَ موئَشخی، یَه بوئَشخی‌ئونتو گه اَجورَ گه مِطابق خواس مسیحْ عیسیَ، وَه‌گَرد یَک هُم‌رِأ بوئینو،

اول قرنتیان 1:10

اِاِ بِرال، وَه نُم خداونمو عیسی مسیح خواهشد اَژینتونَ مَهَم گه کُل یِه دل بوئن ئو جیاکی نَکُوءِ نومتو، بلکِم فگِر ئو عخیدَه‌تو، یَکی بو.

اول قرنتیان 12:26

اَرّ عضوی بیَژی، کُل عضا وَه‌گَرد یَکَ مانَ دَژی؛ ئو اَرّ عضوی قُرپ داشدوئیتی، کُل وَه‌گَرد یَک خَوشیَ مَهَن.

اَفِسُسیَل 4:2

اِ تاواضی کامل ئو مِلائمت، وَه صبِر ئو اِنوم مِحبت یَکتِری تیَمِل بِهَن.

اَفِسُسیَل 4:31

هر جور تیَلی، خَضو ئو خِض، قارَه، بُختِم ئو هر جور گَنی هِستِن اژ ووژتو دویرا کَن.

اَفِسُسیَل 4:32

وَه‌گَرد یَک مِرِبو بوئن ئو دلسوز یَکتِری بوئن ئو یَکتِری بوئَشخِن، هَرهُنَ گه خدا هُمَل اِنوم مسیح بَشخیتی.

فیلیپیَل 2:3

اژ حرصی گه اژ خودخواهیَ یا قُراتی هُیچ کاری نَهَن بلکِم وَه تاواضی باقی اژ ووژتو بیتِر بِذانِن.

فیلیپیَل 3:16

بورِن مِطابق اَ چیئَه گه آوِردِمونَسَ دس، رفدار بِهِیم.

کولُسیَل 3:12

اِسَه اِجور کسَلی گه خدا دیاری کِردِنِ ئو مقدّس ئو عزیزگرامیِن، دلسوزی، مِرِبونی، تاواضی، مِلائمت ئو صبِر بِهَنِ وَر.

عِبرانیَل 13:1

بِیلِن مِحبت بِرائی هَر بو.

یعقوب 2:13

اَرِیَگه اَر کسی گه ریَم نَهَردیَسی، وَه بی‌ریَمی قضاوتَ ماو. مِنتائای ریَم اَر قضاوت پیروزَ ماو!

یعقوب 3:17

مِنتائای اَ حکمتی گه اژ بِلِنگَ، اول‌بار پاکَ ئو اَسَه طالب صُئلَ ئو نجیمَ ئو پَن گوشَ مَگِری ئو پِر اژ ریَمَت ئو ثمرَل خوءَ ئو دوچیَمکی نِمِهِه ئو راس‌وَشَ!

یعقوب 5:11

اِسگَه ایمَه کسَلی خوشبختَ مَذانیم گه پایار مَنِنَ ئو هُمَه اِبارَه صبِر ئو تیَمِل ایوبتو شنَفتیَ ئو دیتونَ گه خداون آخِرسر چَه اَرِه کِرد، ئو خداون چَنی رِئیم ئو مِرِبونَ.

اول پطرس 1:22

اِسگَه گه وَه اطاعت اژ حخیخت، گیونَل ووژتو پاکتونا کِردیَ تا مِحبت بِرائی خالصتو داشدوئی، باس اژ تیَه دلا فِرَه یَکتِریتو دوس داشدوئی.

اول پطرس 2:17

عزّت بِنِن اَر کُل کس، بِرالتو دوس داشدوئی، زِلَتون اژ خدا بِچو ئو عزّت بِنِن اَر امپراطور روم.

اول پطرس 5:5

هُمِه‌یش اِاِ جِهالَل، فِربوبَر شیخَل بوئن. کُلتو اِ رفدارتو وَه‌گَرد یَکتِری جِنِک تاواضی بِهَنِ وَر، اَرِیَگه، «خدا موسی اَر نوا کسَلی گه قُراتِن، مِنتائای فیضَ موئَشخیَ کسَلی گه فِروتنِن.»

دوئِم پطرس 1:7

ئو اَر دینداری، دوس داشدِن بِرائی ئو اَر دوس داشدِن بِرائی، مِحبت.

اول یوحنا 3:14

ایمَه مَذانیمو گه اژ مرگ جاواز بیمونَسَ ژییاین، اَرِیَگه بِرالمو دوس دیریم. هر کی مِحبت نِمِهِه، اِنوم مرگَ مَمینی اَر جا.