اول پطرس 3:18 - کتاب مقدس به زبان لکی - گویش مرکزی

¹⁸ اَرِیَگه مسیح‌یش یِه گِل اَرِه گنائَل عذاو کیشیتی، یانی اَ آم صالحَ اَرِه آمَل ناصالح، تا باریتون‌ اَرِه تک خدا. او اِنوم جسم کُشیا، مِنتائای اِنوم روح، زِنیا بی،

اول پطرس 3:18 Iomraidhean Croise

مَتّی 27:19

هَمیش وخدی گه پیلاتُس نیشت اَر جاگا داوری، ژِنِهِه پِغومی اَرِه کِل‌کِرد، هُنَ گه: «تو کارتَ ایی پیا بی‌گناآ ناآشدوئی، اَرِیَگه ایمِرو خاومیَ بینا دی گه فِرَه عذاوِم داتی.»

مَتّی 27:24

اَسَه وخدی پیلاتُس دیتی گه دیَر فادَه نِری، ئو جُ‌جُ زِلَه چِتی گه ناخواد بوءَ گالِ‌راو، آو هِستی ئو دَسَل ووژ اَر وَر مردِم شوریتی ئو وِتی: «خوین ایی پیا اَر مِل مِه نیَ. ووژتونَ مَذانینو!»

یوحنا 16:10

اِبارَه صالح‌بیئین، اَرِیَگه مَچِم اَرِه تک باوَه ئو دیَر مِه نِموئینینو.

کارَل رسولَل 22:14

«او وِتی: ”خداءِ باوَه‌لمو تو جیاآ کِردیَسی تاگَه خواس او بِذانین ئو اَ خادم صالحَ بوئینین ئو قصه‌ی اژ دَم بشتوئینی.

کارَل رسولَل 3:14

مِنتائای هُمَه اَ قدوس ئو اَ آم عادلتونَ حاشا کِرد ئو هِستِتو گه اِجال او قاتلی بَشخیا بوئونتو.

رومیان 1:4

ئو اژ لِحاظ روحِ قدوسیّت وَه‌سونگَ زِنیابیئِنی اژ مِردیَل وَه قدِرتا اِلوم بی گه کُر خداءَ، یانی خداون ایمَه عیسی مسیحَ.

رومیان 4:25

گه وَه خاطر گنائَل ایمَه تسِلیم مرگ بی ئو وَه خاطر صالح وَه حساو یِهاتِن ایمَه، اژ مِردیَل زِنیا بی.

رومیان 5:2

ایمَه وَه‌سونگَ او، ئو وَه‌سونگَ ایمو، حخ هاتِن اِنوم فیضی گه اِسگَه موسیمی اِنوم، آوِردِمونَسَ دس، ئو اِنوم امید اَر جِلال خدا خَوشیَ مِهِیم.

رومیان 8:11

ئو اَرّ روحِ او گه عیسی اژ مِردیَل زِنیا کِردی، لیز گِرتوئیتی اِنوم هُمَه، او گه مسیح اژ مِردیَل زِنیا کِردی، وَه‌سونگَ روحِ ووژ گه لیز گِرتیَس اِنوم هُمَه، ژییاینَ موئَشخیَ لارَل فانیتو.

رومیان 8:3

اَرِیَگه اَ چیئَه گه شریعت وَه خاطر زوئین بیئین جسم نتونستی اَنجوم دِ، خدا اَنجوم داتی. او کُر ووژ وَه دائول جسم گناکار کِل‌کِردی تا ’قُرونی گنا‘ بو، ئو هُنَ گنا اِنوم جسم مَکوم کِردی

دوئِم قُرَنتیان 1:24

نه یَگه اَر ایمونتو آقایی بِهِیم، بلکِم وَه‌گَرد هُمَه، اَرِه خَوشیتو تقِلاءَ مِهِیم، اَرِیَگه اِنوم ایمونتو پایارینو.

دوئِم قُرَنتیان 13:4

اَرِیَگه وَه‌یاآگه او اِنوم ضیَف کیشیا اَر صلیب، مِنتائای وَه قدِرت خدا زِنِه‌یَ مِهِه. اَرِیَگه ایمِه‌یش اِنوم او ضِیفیم، مِنتائای اِبِرُوَر هُمَه وَه قدِرت خدا، وَه‌گَرد مسیح زِنِه‌یَ مِهِیم.

دوئِم قُرَنتیان 5:21

خدا او گه گنا نشتاسیتی، وَه خاطر ایمَه کِردیَ گنا تاگَه ایمَه اِنوم او بوئیمَ صالح‌بیئین خدا.

غَلاطیَل 1:4

گه گیو ووژ اَرِه گنائَل ایمَه داتی تا مِطابق خواس خدامو ئو باوَه‌مو، ایمَه اژ ایی زمونَه شَرَبارَ آزاد بِهِه.

غَلاطیَل 3:13

مسیح هُنَ ایمَل اژ لیَن شریعت آزاد کِردی وَه ایی خیمتَ گه ووژ اِجال ایمَه لیَن بو، اَرِیَگه اِنوم تورات نُیسیاءَ گه «هر کی بوءَ دارا، لیَنَ ماوتی اَری.»

اَفِسُسیَل 3:12

ایمَه اِنوم مسیح وَه‌سونگَ ایمونی گه اَر او دیریم، مَتونیم وَه جورَت ئو وَه اطمینو نزیک بوئیم اَر خدا.

تیتوس 2:14

گه ووژ کِردیَ خِر ایمَه تاگَه اژ کُلِ جور شرَباری آزادمو کِ، ئو قومی اَرِه ووژ پاک بِهِه گه فَخَد هِن ووژ بوئنی گه اَرِه کارَل خِر خیرَت دیرِن.

عِبرانیَل 10:10

ایمَه، وَه‌سونگَ قُرونی لار عیسی مسیح، یِه گِل اَرِه همیشَه وَخم او بیمونَ.

عِبرانیَل 9:14

چَنی ویشتِر، خوین مسیح گه وَه‌سونگَ روحِ ابدی، ووژ بی‌عِو پیشکَش کِردی اَر خدا، وِژدان ایمَه اژ کارَل بی‌ثمر پاکا مِهِه تاگَه خِلمت اژ خداءِ زِنی بِهِیم!

عِبرانیَل 9:26

اَرِیَگه اَسَه، مسیح باس اژ زَمو بِنیا دنیا، هَر جُور کیشوئیتی. مِنتائای اِسگَه او یِه گِل اَرِه همیشَه اِ آخِر کُل دورَه‌ل ظاهر بیَ تا وَه قُرونی کِردِن ووژ، گنا اژ بِن بیَری.

عِبرانیَل 9:28

اِسَه مسیح‌یش گه یِه گِل قُرونی بی تا گنائَل فِرَه کسَل بِگِریِ کول، اَرِه گِل دوئِم ظاهرَ ماو، نه اَرِیَگه گنائَل هیزدِ، بلکِم تاگَه کسَلی گه وَه شوقا چیَمَ‌رئیِنی، نجاد دِ.

یعقوب 5:6

هُمَه اَ آم صالحَ گه نوسیا اِنوم رُیتو، مَکومتو کِرد ئو کُشتِتو.

اول پطرس 3:19

ئو اِنوم روح چی ئو روحَلی گه اِ زندو بین، خَوَردارا کِردی.

اول پطرس 4:1

اِسَه اَرِیَگه مسیح اِنوم جسم عذاو کیشیتی، هُمِه‌یش هَرِ هُنَ فگِری ووژتو آمادَه بِهَن، اَرِیَگه هرکی اِنوم جسم عذاو کیشیَسی، دیَر کارَ گنا نِری.

اول پطرس 4:6

وَه ایی خاطرَ، جُ‌جُ اَر اونَلی گه اِسگَه مِردِنَ خَوَر خَوشو دا، تا وَه‌یاآگه اِجور کُل آمَل اِنوم جسم داوری بین، مِنتائای اَجورَ گه خداءَ مِیتی مِطابق روح زِنِه‌ی بِهَن.

اول یوحنا 1:9

اَرّ وَه گنائَل ووژمو اعتراف بِهِیم، او اَمونتدار ئو صالحَ، گنائَلمونَ موئَشخی ئو ایمَه اژ هر نادُریسی پاکا مِهِه.