اول پطرس 3:15 - کتاب مقدس به زبان لکی - گویش مرکزی

¹⁵ بلکِم اِنوم دلتو عزّت بِنِن اَر مسیح خداون گه قدوسَ، هَر آمادَه بوئن تا هر کی دلیل امیدی گه ها دلتون‌اِر بِپِرسی، جوواوا بِینونی، مِنتائای وَه نرمی ئو عزّت.

اول پطرس 3:15 Iomraidhean Croise

کارَل رسولَل 21:39

پولُس جوواوا داتی: «مِه پیا یهودی اژ شیَر تارسوس کیلیکیَه‌م، شیَری گه بی‌تُرِّشُر نیَ. خواهشدَ مَهَم صِلا بِینَ گَرد مردِم قصَه بِهَم.»

کارَل رسولَل 24:25

وخدی پولُس اژ صالح‌بیئین، پیَریزگاری ئو داوری گه میا بای، قصَه کِردی، فِلیکْس هِراسونا بی ئو وِتی: «دیَر بسَ! اِسگَه بِچُ. وخدی مِجالی پیا کَم، هِناتَ مَهَم‌اِر.»

کولُسیَل 1:23

اَرّ هُمَه سفدِسخد ئو پایار بِمینینون‌ اَرسر ایمونتو ئو اژ امید انجیلی گه شنَفتِتونَ تَکو نیرینو، هَراَ انجیلی گه اِنوم تموم خلقت ژیر آسمو اِلوم بیَ، ئو مِه، پولُس، بیمَسَ خادم اَوَه.

کولُسیَل 1:27

خدا هُنَ هِستی تا اَرِنو آشگارا بِهِه گه ایی سِرَّ چه جِلال بی‌حدِحساوی اِنوم خِرِیهودیَل دیری، ایی سِرَّ یَسَ گه مسیح، گه امید جِلالَ، ها اِنوم هُمَه.

کولُسیَل 1:5

گه یوئنَ اژ امیدی گه اِ آسمو اَرِه هُمِه‌ئو هُیشتیَ مای، گه وِرِکار اِنوم کلوم حخیخت یانی انجیلتو شنَفتیَ،

کولُسیَل 4:6

قصَه‌لتو هَر پِر اژ فیض، وَه خوا طُم‌دارا بو، تاگَه بِذانینو گه چطور باس جوواو هر کَسیکا بِینو.

تیتوس 1:2

ایی حخیختَ مِطابق امید اَر ژییاین ابدیَ، گه خدای گه هرگِس دِرو نِموشی، وِر اژ بِنیا زمونَه‌ل وَدَه اَوَه داءَ بینمو،

عِبرانیَل 3:6

مِنتائای مسیح، اِجور کُری اَر مال خدا اَمونتدارَ، ئو مال او ایمِه‌یمو، وَه شرطی گه تاگَه آخِر وَه اطمینون ئو افتخار سفدِسخد بچسبیمون اَر امیدمو.

عِبرانیَل 6:1

اِسَه بورِن اژ تیَلیمَل اولی اِبارَه مسیح رد بوئیم، ئو بِچیمِ نوا ویرِ بالغ‌بیئین، ئو اِدوارَه پِ توئَه اژ کارَلی گه آخِرو مرگَ، ئو ایمون اَر خدا نَنیم،

اول پطرس 1:17

اَرّ وَه اوءَ موشینو باوَه گه بی‌‌جونِمداری ئو مِطابق کارَل هرکی داوریَ مِهِیتی اَری، اِسَه دورَه خَریوی ووژتونَ خداترسی بِگُذَرِنِن،

اول پطرس 3:2

وخدی رفدار پاک ئو خداترستونَ موئینِن.

اول پطرس 3:4

بلکِم اِنوم اَ اِنسونی بوءَ گه ها نوم قلبتون‌اِر ئو نِماو بوئینینی، وَه رنگینی‌ اَژبِن‌نَچیئِنی روح مِلوم ئو آرومی، گه ایی رنگینیَ اِ وَر چیَم خدا فِرَه اَرزشد دیری.