اول پطرس 3:11 - کتاب مقدس به زبان لکی - گویش مرکزی

¹¹ باس اژ گَنی دویرا بِگِری ئو خوئی بِهِه؛ وَه مِنِی صُئلا بو ئو بِچوتیَ تُرّا.

اول پطرس 3:11 Iomraidhean Croise

مَتّی 5:45

تاگَه آیلَل باوَه ووژتو گه ها نوم آسمون‌اِر، بوئینو. اَرِیَگه او هویَر ووژَ ماوژی اَر آمَل گَن ئو خو ئو وارُ ووژَ ماوارِنی اَر آمَل عادل ئو ظالم.

مَتّی 5:9

خَوزگالَ اونَلی گه صُئلَ مَهَن، اَرِیَگه وَه آیلَل خدا هِناءَ موئن.

مَتّی 6:13

ئو ایمَل اِنتحو نِهَه، بلکِم اژ اَ شریرَ آزادمو کَ. اَرِیَگه پاتِشائی ئو قدِرت ئو جِلال، تا ابد هِن تونَ. آمین»

مَرقُس 14:7

ژارَل هَر هانَ گَردتو ئو هر وخد بِتو مَتونینو یاریو دِینو، مِنتائای مِه هَر اَر تک هُمَه نیِم.

لوقا 1:79

تا روشتایی بیَ کسَلی گه نیشتِنَسَ، تیَریکی ئو سوئرکی مرگ، ئو گومَل ایمَه هدائَت بِهِه، ویرِ رئی صُئل‌وسِلامتی.»

لوقا 6:35

مِنتائای هُمَه، دشمنَلتو دوس داشدوئی ئو خوئی بِهَنَ اَرینو، ئو بی‌یَگه چیَمَ‌رئی تِلافَتی بوئینو، قَرت بیَن‌ئونو، اَرِیَگه اَجِرتو فِرِهءَ، ئو موئینونَ آیلَل خداءِ متعال، اَرِیَگه او وَه‌گَرد ناشُگیرَل ئو گَنَ‌کارَل مِرِبونَ.

لوقا 6:9

عیسی وِتیَ اونَل: «اژ هُمَه مَپِرسِم، کُمینو اِ روژ شَمَه جائزَ: خوئی کِردِن یاگَه گَنی کِردِن؟ نجاد گیو اِنسو یاگَه نابود کِردِنی؟»

یوحنا 17:15

مِه نِمِم گه اونَل اژ ایی دنیاءَ بیَرین، بلکِم مِم اژ اَ شِطو شریرَ حفظو کِین.

رومیان 12:18

اَرّ ماو، تا جای گه وَه هُمَه مربوطَ، وَه‌گَرد کُل کس اِ صُئل‌وصفا زِنِه‌ی بِهَن.

رومیان 14:17

اَرِیَگه پاتِشائی خدا هُاردِن ئو خُرّدائن نیَ، بلکِم صالح‌بیئین، صُئل‌وسِلامتی، ئو خَوشی اِنوم روح‌القدسَ.

رومیان 14:19

اِسَه بورِن وَه دُم چیئیکا بوئیمو گه باعث صُئل‌وسِلامتی ئو تقویت ایمو یَکتِریَ ماو.

رومیان 5:1

اِسَه اَرِیَگه وَه‌سونگَ ایمو صالح وَه حساو هاتیمَ، وَه‌سونگَ خداونمو عیسی مسیح صُئلَ گَرد خدا دیریم.

رومیان 7:19

اَرِیَگه اَ کار خوءَ گه مِم، نِمَهَم، بلکِم اَ کار گَنی گه نِمِم، هَراَ مارِمَ جا.

رومیان 7:21

اِسَه ایی قانونَ مَفیَمِم گه وخدی مِم کار خوئی بِهَم، گَنی ها وَر دَسِم.

رومیان 8:6

اَرِیَگه فگِر کِردِنَ چیئَل جسمونی، مرگَ. مِنتائای فگِر کِردِنَ روحِ خدا، ژییاین ئو صُئل‌وسِلامتیَ.

غَلاطیَل 5:22

مِنتائای ثمر روحِ خدا، مِحبت، خَوشی، سِتار، صبِر، مِرِبونی، خوئی، وفاداری،

غَلاطیَل 6:10

اِسَه تا وخد دیریم خوئی بِهِیم اَر کُل کس، مصقوصاً اَر ایمودارَل مسیح.

کولُسیَل 3:15

صُئل مسیح حکِمرون دلَلتو بو گه هَر اِراسی اَرِه یَه دَوَت بینو‌نَسَ یِه لار، ئو شگِرگزار بوئن.

اول تیموتائوس 6:18

فِربو بیَ بینو گه خوئی بِهَن ئو اِ کارَل خِر دولَمَن بوئن، دس‌ِدلواز ئو دسَ‌خِر بوئن.

عِبرانیَل 12:14

فِرَه تقِلا بِهَن تاگَه وَه‌گَرد کُل مردِم اِ صُئل بوئینو ئو مقدّس بوئینو، اَرِیَگه وَه بی‌اَوَه هُیچ‌کس خداون نِموئینی.

عِبرانیَل 13:16

اژ خوئی کِردِن ئو بیَردارا کِردِن کسَلی‌تِر اژ چیئَلی گه دیرینو خافل نوئن، اَرِیَگه هُنَ قُرونیَلی وَه دل خدان.

یعقوب 4:17

اِسَه هر کی بِذانی چه کاری دُریسَ ئو اَوَه اَنجوم نِ، گنا کِردیَسی.

اول پطرس 3:12

اَرِیَگه چیَمَل خداون ها اَر آمَل صالح ئو گوشَلی اَرِه دوعائَلو وازَ، مِنتائای رُی خداون ها اَرضد گَنَ‌کارَل.»

سِئِم یوحنا 1:11

اِاِ عزیزِم، گَنیَ سرمقش ووژِت نِهَه بلکِم اژ خوئی سرمقشا بِگِر؛ کسی گه خوئیَ مِهِه، اژ خداءَ، آم گَنَ‌کار هرگِس خدا نِئیَسی.