اول پطرس 3:10 - کتاب مقدس به زبان لکی - گویش مرکزی

¹⁰ اَرِیَگه، «هر کی مِیتی ژییاین دوس داشدوئیتی ئو روژَل خو بوئینی باس نوا گَن وِتِن زوئو ووژ بِگِری ئو لِچَلی اژ رِنگَری بوئنی.

اول پطرس 3:10 Iomraidhean Croise

مَتّی 19:17

عیسی جوواو داتی: «اَرِه‌چَه اِبارَه یَگه چه کاری خوءَ، اژ مِه سؤالَ مِهِین؟ فَخَد یَکی هَس گه خوءَ. اَرّ میا بِچین اِنوم ژییاین ابدیا، حکمَل شریعت بارَ جا.»

مَرقُس 8:35

اَرِیَگه هر کی بِیتی گیو ووژ نجاد بِ، اَوَه اژ دَسَ مِ؛ مِنتائای هر کی وَه خاطر مِه ئو وَه خاطر انجیل گیو ووژ اژ دس بِ، اَوَه نجادَ مِ.

یوحنا 1:47

وخدی عیسی نَتَنائیل دیتی گه مایتی اَرِه تک، اِبارَه او وِتی: «اِراسی گه ایی پیا اسرائیلی کَ، گه هُیچ رِنگَری اِنوم نیِ!»

یوحنا 12:25

کسی گه گیو ووژ دوس داشدوئیتی، اَوَه اژ دَسَ مِ. مِنتائای کسی گه اِنوم ایی دنیا اژ گیو ووژ بیزار بو، اَوَه اَرِه ژییاین ابدی حفظَ مِهِه.

یعقوب 1:26

اَرّ کسی گُمونَ مِهِه گه آم دینداری کَ مِنتائای نوا زوئو ووژ نِمَگِری، ووژ فنَ مِ ئو ایمو باطلَسی.

اول پطرس 2:1

اِسَه هر جور گَنی، هر جور رِنگَری ئو دودَم دوزوئونی ئو حَسوئی، ئو هر جور بُختِم اژ ووژتو دویرا کَن

اول پطرس 2:22

«او هُیچ گنای نَهَردی، ئو رِ‌نگَری‌ای اِ دَم نوئیتیَ دی.»

مِکاشفَه 14:5

ئو هُیچ دِروئی اِنوم دَمو نوئیَ دی. اَرِیَگه یوئنَ بی‌عِوِن.